الخميس، يناير 15، 2009

يا مصر



يا مصر فيكي المواجع بتتحسب بالطن

عبّاره غارقة وحريقه خلت وداني تطن

وهواكي خانق ضلوعي والقمح متسرطن

والشر فارد قلوعه والفقر متوطن

جوايا غربه وفرقه والاسم مواطن

***

يا مصر فيكي المصايب بتتحسب بالكوم

فيكي اللي نايم ونازل في الخلايق لوم

واللا اللي داير وحاير في الفقر ليه 100 يوم

وفوسط كل الخلايق عيبي معبعب شوم

لو مت من الهم جنبك متصحِنيش من النوم

***

يامصر فيكي اللي خايف بدل النفر مليون

لو بُحت من جوه قلبي راح انقلب مجنون
***
هكذا انطلق شاعر (الربابه) يغني ويناجي حبيبته .... لايدري الراوي هل جُن الشاعر بعدها حقاً أم أنه لايزال مرابضاً في أرض الأحزان ينتظر الإذن بالخروج ..... لايزال يذكر (الموال) الأخير حين كانت الأرض لاتزال خالية من الثعابين .... حيث كان ينطلق كل يوم مع مغيب الشمس وسط حقله الشاسع ...أو على ضفاف النهر مستلقياً في قاربه الخشبي العتيق ... مترنماً النشيد الأثير....
***
ياما بنادي عليك يا حلو وبناني
إن كنت زغلول بنيت لك برج وبناني
والهجر هد الحيل يا حلو وبناني
لما بنادي عليك يا حلو وزماني
دوبت لك في الندا طول عمري وزماني
دانا حبي لو يترسم كان غطا أزماني

هناك 4 تعليقات:

حاسوباتيه يقول...

عارف برغم كل الي فيها بنحبها
كلمات جميله ومبروك عى المدونه

http://kasperb4.blogspot.com/ يقول...

حلوة الكلمات والقافية مظبوطة جداا
واضح انك فنان بئا :))

مبروك علينا المدونة الجديدة

تامر علي يقول...

أ/ حاسوباتية
أكيد بنحبها بس مش بنحب اللي بيعملوه فيها الطغاة وشكراً على مرورك الكريم

تامر علي يقول...

أ/ آلام وآمال
الله يبارك فيكي وهذه الكلمات بعضها فلكلور قديم جداً:)