ملاحظة متكررة بيننا معشر المدونين (حلوه معشر دي ؟ ) .. نبدأ في التدوين بحماس وقوة وحيوية تصل لذروتها بعد 6 أشهر على الأكثر ثم تصل لمرحلة الفتور التام والرغبة في الانعزال والصمت بعد عام ... تعددت الأسباب والمسببات والنتيجة واحدة وبالفعل يوجد من نعرفهم قد أخذ قرار الانعزال التام أو الغاء المدونة بشكل نهائي
ما هي أسباب دخولك عالم التدوين؟ -
بعض المدونون قد حالفهم الحظ واصبحوا من الكتاب أو طبعت أعمالهم أو اصبحت مدوناتهم معروفة على المستوى العام
رغبة في دخول هذا العالم الجديد والتفاعل مع الأحداث الجارية من خلال نافذة المدونة الضيقة والتي تطل على العالم
حب الكتابة بشكل عام ونشر الأفكار ومناقشتها والتعرف على أفكار الآخرين من خلال المدونة
ماهي أسباب استمرارك في عالم التدوين ؟ -
عدم الرغبة في الاحساس بالفشل بعد خوض التجربة على الرغم من الاحساس بالضيق والفشل وأنه لم يعد هناك ما يقال
دائماً هناك الجديد الذي يمكن أن يقال فالأحداث والتطورات لا تنتهي وبالرغم من لحظات الملل فالعودة ممكنة دائماً
التواصل هو الداعم الرئيس في الاستمرار وعندما ينعدم التواصل تحين لحظة التوقف
ماهي اسباب رغبتك في التوقف عن التدوين ؟ -
اصبح التدوين كالعبء والتواصل مجاملات منزوعة الدسم والروح ولم يعد هناك ما ذلك السيل من الأفكار القديمة
عندما تنضب الأفكار وتلح الرغبة في متابعة الحدث والوصول لليأس من الكلام قد يأتي قرار التوقف
عندما احس بغياب الروح عني وعن المدونة وعن متابعي يصبح التوقف أفضل
هذه المحاور يدور حولها الأفكار الأساسية في فكرة التدوين فالتدوين ما هو إلا نوع من أنواع التواصل وقد يحالفك الحظ وتتطور الأمور ويصادف ذلك لديك رغبة في التطور , وقد يتوقف الأمر على الانخراط في وسط فكري مشترك مع أناس يشاركونك الأفكار والأخبار والتفاعل وقد يكون مجرد التواصل الانساني هو الهدف في حد ذاته ... لذلك فمن الهام والضروري أن تحدد هدفك (الحقيقي) من هذه الممارسة هل تريدها خطوة في طريق لشيء أكبر وهل أعددت العدة لذلك وهل انت كشخص تصلح لذلك ؟ أم هي منبرك الخاص وذاكرتك الشخصية وبوحك الداخلي تشاركة مع من تحب أن تتواصل معهم ؟ أم هي فرصة لبث روح الترابط الانساني مع الآخرون في عالمك وإن كان افتراضياً لتشبع حاجة التواصل بداخلك ؟
كل هذه الأسباب مبررة ومنطقية ومشروعة ولاغبار عليها ولكن المشكلة من وجهة نظري تكمن في مدى صراحتك مع نفسك في اسبابك الحقيقية واجراءاتك للوصول لهدفك الحقيقي ومدى قبولك للواقع مقارنة بما يحدث بالفعل ومدى مشاركتك للآخرين في اسبابك الحقيقية
في نهاية الأمر فالموضوع كله بسيط من وجهة نظري , فالتكتب حينما تريد ولتتواصل وقتما تريد ولتتفاعل كيفما أردت ولتعلق على ما ترى بداخلك رغبة في التعليق عليه ولتتجاهل واجباتك والتزاماتك الافتراضية التي لاينتظرها أحد على الراجح والتي تصيبك بالملل آخر الأمر ... هذا هو قراري النهائي أيها السادة وفي انتظار قراراتكم
هناك 35 تعليقًا:
سأعتبر واجبا تدوينيا وسأجيب
1 اسباب دخول التدوين
انا تعرفت على عالم التدوين من خلال مدونات كنت اتابعها بانتظام هي مدونة جبهة التهييس الشعبية ومدونة عايزة اتجوز ومدونة بنت خيخة ومدونة عجوز وعندي 30 سنة كانت هذه المدونات هي كل ما اعرفه عن هذا العالم واستمرت متابعتي مدة طويلة قبل ان ابدأ في التواصل معهم بتعليقات ولاأنسى ابدا اني من خلال هذا التواصل أقنعت جبهة التهيس الشعبية بنزع راية البوليساريو من صفحة مدونتها وبعد مدة ومن خلال هذه المدونات اتسعت دائرة معرفتي بالمدونات التي اطلع عليها ومن تم جاء قراري بدخول هذا العالم رغبة مني ان تكوون لي صفحتي الخاصة للتعبير لم احدد لنفسي مجال معين لكن اعتبرتها مساحة للفضفضة والتفكير بصوت عالي
2 ماهي أسباب استمرارك في عالم التدوين ؟
طالما يحقق لي رغبتي في ان تكون لي صفحة خاصة للتعبير فلم أتوقف
3 ماهي اسباب رغبتك في التوقف عن التدوين ؟
عن نفسي ليست لدي رغبة في التوقف اطلاقا منذ ايام كنت كتبت تدوينة عن هذا لانني احسست بحالة فتور لكن حتى في لحظات الفتور تلك لم تخالجني ولوللحظة الرغبة في التوقف او الغاء المدونة واستطعت تجاوز الامر بسرعة
بالنسبة لموضوع التعليقات انا عن نفسي لم يكن تعليقي في أي مدونة مجاملة لصاحبها وايضا لم انتظر من احد علقت عنده ان يرد الزيارة بدليل هناك مدونات اتابعها دوما رغم ان التواصل كان دائما من جانب واحد لانني انا المعجبة بكتاباتهم
لن أنكر ان التعليقات عندي تسعدني لكن صراحة اسعد أكثر بالتعليقات التي تناقش وتضيف والتي أستفيد منها حتى لو أختلفنا فمبدأي كان دوما الاختلاف في الرأي لايفسد للود قضية
عذرا على الاطالة لكن موضوعك يدفع بالقارئ الى طرح نفس الاسئلة على نفسه
دمت بكل الود
سيبك بقى من دخلت ازاي
مش فاكر ,, تقريباً كنت قاعد فاضي
أسباب استمراري ,, أنا أصلاً مش مستمر
وقفت ليه ,, علشان لقيت نفسي مرة واحدة ,, لا قاعد ولا فاضي
-----------
فالتكتب حينما تريد ولتتواصل وقتما تريد ولتتفاعل كيفما أردت ولتعلق على ما ترى بداخلك رغبة في التعليق عليه ولتتجاهل واجباتك والتزاماتك الافتراضية التي لاينتظرها أحد على الراجح والتي تصيبك بالملل آخر الأمر ... هذا هو قراري النهائي أيها السادة
-----------
هوه ده الكلام
انا كتبت تعليق طويل عريض وبعدين ما اتنشرش
يلا ربنا بيحبكم مش هاتقروا الرغي
دخلت التدوين يا سيدى عشان اكتب واوصل للناس كلامي
واكتب براحتي من غير ما حد يقولي بم
واستمريت لان لسه نفس الاسباب موجوده لسه عندي كتير عايزه اقوله
وعمري ما فكرت اتوقف
والتعليقات ممكن اوقات اجامل حد واروحله فقط للزياره او بطلب منه انه يسمع رايي
لكن ده عادي من باب التشجيع حتى وامانة الراي
اه يعنى مش معنىكده انى باطبل لاي حد اطلاقا
لازم اقول الحق
اياك بقى انت تبطل تختفي
السلام عليكم و رحمة الله و بركاته
ا / تامر
فيه أسباب كمان لعزوف المدونين عن التدوين :أهمها ... الشغل بعد الفراغ ساعات حد بيلاقى ان التدوين بيأخذ من وقته أكثر من اللازم و بما أن كل واحد نفسه يقرأ مدونته و موضوعاته أكبر عدد ممكن ( لأسباب مختلفة ) فبيكون لازم عليه يعلق عند أكبر عدد ممكن ..و بعدين لما تلاقى ان التعليق أداء واجب يعنى قليل اللى بيحاول يتناقش و يتبادل الآراء و الأفكار و بتلاقى ناس عايزاك تعلق عندها علشان تقولها برافو و خلاص و ناس مش مستعدة تتراجع عن خطئها
و فى الأخير اللى بيخلى أى حد يكمل تدوين هو بعض مدونين بتحب تقرأ لهم و تعرف تعليقاتهم على أفكارك
و كفاية علشان طولت...
تحياتى
دخلت عالم التدوين ليه؟؟؟؟؟
لأسباب كتير وأهمها أني أختبر نفسي في الكتابة وأتواصل مع الناس بطريقة سهله ومن غير مخاطره ( جبانه يعني )
توقفت ليه ؟؟؟؟؟؟؟؟؟
أولا اللى يقولك علشان اتشغلت فده بيدور على حجه حلوه لنفسه أمام نفسه
التدوين ممكن ميخودش وقت لو بيتعمل بنفس
انا توقفت لأني حسيت ان الموضوع دخل لمنطقة التواصل منذوع الدسم غير أن اللى حوليه في محيط العائلة أحبطوني شويتين تلاته
بس أنا توصلت لنفس النتيجه اللى هي
فالتكتب حينما تريد ولتتواصل وقتما تريد ولتتفاعل كيفما أردت ولتعلق على ما ترى بداخلك رغبة في التعليق عليه ولتتجاهل واجباتك والتزاماتك الافتراضية التي لاينتظرها أحد على الراجح والتي تصيبك بالملل آخر الأمر ... غير أن عدم تعليقي عند البعض غالبا بيبقى لضيق الوقت المريع اللى انا فيه ..
سعدنا بكم ونرجو أن نكون قد اسعدناكم
السلام عليكم..
في نهاية الأمر فالموضوع كله بسيط من وجهة نظري , فالتكتب حينما تريد ولتتواصل وقتما تريد ولتتفاعل كيفما أردت ولتعلق على ما ترى بداخلك رغبة في التعليق عليه ولتتجاهل واجباتك والتزاماتك الافتراضية التي لاينتظرها أحد على الراجح والتي تصيبك بالملل آخر الأمر
دى نتيجة جيدة جدا
ده تعليق منى رغم توقفى منذ فترة تطبيقا لما اتفقت معك عليه
تحياتى
أتفق معك تمام الإتفاق
وخاصة فى مقولة
فالتدوين ما هو إلا نوع من أنواع التواصل
أن دخلت التدوين بعد سنوات كتيرة كنت بأكتب مقال هنا أو هناك ولكن معظم كتاباتى كانت فى أجندتى وبس ونادرا لما أى انسان يشوفها
أما حاليا وبعد نصيحة أحد الأصدقاء ففى نقاش ورأى ورأى آخر واستفادة كبيرة جدا بالنسبة لى
تحياتى دوما
السلام عليكم
ازيك يا استاذ تامر
بغض النظر عن اسباب دخولي عالم التدوين او بعض الاسباب التانيه
لإن أكيد كان ليا هدف منه
بس الشيء الي عايز اتكلم عليه والي إتكلمنا عليه كتير
هو السبب الي بيخلينا دلوقتي نسيب التدوين ونهجره
اولا : إن زي ما قلنا قبل كده إن الناس بتجتمع علي شخص مش علي محتوي او مضمون
ثانيا: كتير مش بلاقي المحتوي الي يستحق القرايه مع احترامي للجميع وحتي ولو كنت انا دون المستوي لكني مش بحب المجاملات المجوفه او النفاق
ثالثا: تغير حال التدوين عن من كام سنه كده ومابقاش زي ساعه ما بدأنا فيه
رابعا : الانشغال وكمان إنصراف الناس عن المتابعه وإتجاه ناس كتير للهزل والحاجات الهايفه وعدم التركيز في المحتوي المقدم
واسباب تانيه كتير
لكن ما بين كل فتره بحاول ماهجرش المدونه حتي رغم قله او انعدام عدد زواري وإني ازل ولو موضوع كل فتره
وأخر جزء في الموضوع لخص كل شيء
كل سنه وانت طيب
تحياتي
ده اول تعليق لي من فترة
مش فترة انقطاع اكترمن انها فترة ترتيب اوراق
وتحديد مواقف
واثناء الفترة دي دار في خيالي بعض اللي تفضلت وكتبته
التدوين انا اعتبره طاقة نور لطيفه للي بيحب يكتب عن حاجات كتير مضيقاه هماه ذكريات مواقف
وبوجود البلوجر كانت فرصه انه يشارك ناس تانيه افكاره
والمواقف مش بتخلص ولا الهموم ولا عجلة الحياة بتقف علشان كده المدون بيجد دائما مايكتب عنه ولو عايز كل ساعه او كل يوم
لكن ايه اللي بيحصل
مواقف بايخه وناس مش فاهمه يعني ايه حرية ولا بلوجر ولا احترام لخصوصيات الاخر
ناس فاهمه ان البلوجر ده مكان يهيسه ويضحكوا وينموا ويعملوا مقالب ويشتموا وياذوا ناس كل ذنبهم انهم ارادوا ان يستخدموا حقهم في حريه التعبير والتواصل
هو ده اللي بيسد النفس عن التدوين
وده اللي عملته كل مايسدوا نفسي ابعد انساهم ارجع
بشكرك علي البوست
ماكنتش اتوقع اني لما احب ارجع الاقي بوست زي ده نعتبره من قلب الاحداث
:))
بوست جميل
انا عن نفسي عملت مدونه اكتب فيها خواطري لكن بعد فتره قفلتها وعملت مدونه تانيه في مجال الطبخ ومتعرفش ايه العلاقه بينهم بس اهي فكره جت على مخي وبعدين رحت فتحت المدونه القديمه
على ما اظن ده بيرجع للحاله اللي الانسان بيبقى فيها
يعني حسب الظروف اللي عايش فيها بيكتب
ارجو تقبل مروري وفي انتظار جديدك
نصائح جميلة أخي في الله فأنا جديدة في عالم التدوين .. ولكن فتحت المدونة لهدف واحد فقط وأرجوا من العلي القدير أن يكرمني به.
بالنسبة لي توقفت عن التدوين عندما بدأت أقرأ ..
قوة آراء المفكرين الذين أقرأ لهم .. جعلت تقديري أفكاري يتضاءل .. سيطرت علي فكرة : من أنا لكي أكتب ، و لماذا أكتب إذا كنت سأنقل ؟؟
3 سنوات بالضبط حتى عادت لي الرغبة في الكتابة من جديد .. عندما وجدت نفسي في مواجهة أحداث تخطف عقول و عواطف الشباب و ربما لا يسمع عنها كبار الكتّاب و المفكرين لكي يتحدثوا عنها .. قررت العودة عندما نضجت أفكاري .. عدت على أمل أن ينفع بي الله
خواطر شابة
فكرة التواصل وتبادل الأفكار والآراء هي في رأيي أجمل هدف من التدوين ومن الواضح انه ما يغلب على تفكيرك أيضاً وما احسست به احسسنا به جميعاً مع اختلاف ردود الأفعال وسرعة تجاوز الاحساس
تحياتي وتقديري الدائم
د. ياسر عمر عبد الفتاح
احلى حاجه فيك انك مقضيها لأن الناس لبعضيها (وهذا هو شعاري في الحياة :)))))
لذلك فنحن متفقون على المبدأ وهو حذف المبدأ حتى اشعار آخر قد يكون قريب أو بعيد
تحياتي يا دكتره ؛:)
ندى الياسمين
والله يافندم الحظ ما اسعدناش بقراءة ما حذفه البلوجر ولكن عزاؤنا ان التعليق الحالي يلخصه :)
التواصل هو هدف رائع وادارة الرد والتعليق ترجع لشخصية كل مدون بالتأكيد بما لايحمله ما يجعله يمل لأو يحس بعبء منفر من التدوين
(وانا لابس طاقية الاخفاء)
تحياتي :)
د/على خميس
والله يا دكتور الكلام ده لو كان مقبول في بداية التدوين وانشاء المدونه فكلنا فعلنا ذلك لنتواصل مع المجتمعات التدوينية ودخلنا مدونات ذات اتجاهات مختلفة منها ما لا اقترب منه حالياً :)))
واتفق معك في ان التوقف ان آداء الواجب والملل قاتل لذا يجب اخذ الموضوع على التراخي حتى لايثقل كاهلنا بهم افتراضي ثقيل :)
امتعتنا بردك الذي كنا نود ان يطول فعلاً :)
تحياتي :)
إيمان
طبعاً متفق مع حضرتك تماماً عدا في نقطة واحده وهي النزول على رغبة البعض والتجاوب مع المحبطات فهذا ليس عذراً مقبولاً .. لكن الانشغال عذر مقبول :)))
اسعدتمونا طبعاً ونرجو دوام التواصل بدون اثقال على ان يكون تواصل مكتمل الدسم :)
تحياتي :)
بنجاواتى
والله انا شايف ان التواصل وان كان بعيد فهو جيد على ايه حال وكونك لم تغلق المدونة وتقطع التواصل فهو يدل على عقل متفتح وناضج بما يكفي لاحترام رأيه وتوجهاته :)
تحياتي وتقديري الدائم
الازهرى
فعلاً ان كان الهدف هو التواصل فهو الهدف الاسمى والاقرب للواقع والمنطق وكفى به هدف
تحياتي وتقديري دائماً :)
z!zOoOo
متفق معك في الاسباب وان كان هناك دائماً اشخاص لهم قيمة في الكتابة والتواصل وتبادل الرأي والأفكار فليس كل المدونون لهم ذات التوجه ولكن التدوين هو تجمعات تختار منها ما يناسب افكارك وتتواصل معه بالشكل المريح والمناسب لك وبدون اي ضغوط نفسية :)
تحياتي :)
شمس النهار
والله فعلاً انا متفق مع حضرتك ان البعض بتصرفاته قد يكون سبباً في سد نفس الكثير عن حتى مجرد النظر للكمبيوتر :)
ولكن في نهاية الأمر نحن من نختار من نتواصل معه وبدون اي حرج أو مجاملات او ضغوط نفسية ... اي شخص تجدي فيه عبء نفسي عليكي اديله استمارة 6 غير مأسوف عليه :)))
منورة البلوجر والبلوجرات المجاورة كمان :)
Dr/ walaa salah
الطبخ من الاشياء المبهجة في الحياة خاصة للرجال :))))
لذلك فأنا من أشد مؤيدي مدونات الطبخ وان كنت لا ازورها عادة ولكني اشجعها بالتأكيد ففيها منافع لا تخفى على أحد
أما الأخرى فنصيحتي هي ان تكون للتواصل وبدون واجبات وأعباء نفسية اضافية فالمفترض العكس وهو ان تكون مجالاً للراحة والتعبير عن النفس وليس لاضافة هم آخر
تحياتي
أم الأندلس الحبيب
تقبل الله منا ومنك صالح النوايا وأكرمك دائماً بما يحب ويرضى
تحياتي
منة الله
الوصول لحالة النضج يضع على عاتقك مسؤلية جديدة في التوعية أرجو ان يوفقك الله للقيام بها :)
تحياتي
مممممممممم
مش هارد على البوست غلاسة بقى :)
وانا اعمل كومنت ليه.. لما ممكن اعمل بوست كامل
هانزل الاجابة في بوست مستقل عندي.. وده العادي من بنك مصر :))
بصراحة انا بتيجى عليا أوقات كتيرة بخاف من التدوين بخاف أكتب حاجة جديدة
انا ماكنتش أحب خالص انى انقل مواضيع فى مدونتى لكني بقيت بعمل كده وكتير نسبيًا وبكتب طبعا انها منقولة
عارف ليه؟
لان انا عن نفسى اغلب الحاجات اللى بكتبها فى مدونتى بيكون ليها علاقة بالدين إلا النادر جدا سواء علاقة مباشرة أو غير مباشرة فلو الواحد كتب حاجة غلط بتبقى كارثة
من حوالى سنة او اكتر دخلت على مدونة مش فاكرها كان فيا روابط لمدونات مات أصحابها!
فتحت كل الروابط ذهلت
اولا الناس اللى ماتوا كلهم فى سن الشباب وهما كتير نسبيا
ثانيا لما تبص على آخر موضوع ليه تلاقى احيانا ما يزيد عن 300 تعليق أغلبها بيقول الله يرحمك يا فلان!
ثالثا أى واحد بيعرف ان فلان المدون ده مات بيقول يا ترى كانت ايه آخر حاجة كتبها وايه المواضيع اللى كان بيكتب فيها ويقعد يقرأ كل كلمة كتبها المدون او على الاقل اخر موضوعين تلاتة
فتخيل بقى لو المدون الغلبان ده كان حاطط لينك لفيلم او اغنية او او او وكل دول شافوها وهو فى قبره بياخد سيئاتهم على سيئاته والعياذ بالله! رأو العكس لو كان حاطط حاجات فيها خير ينضاف لحسناته إن شاء الله إلى ما شاء الله طول ما بلوجر شغال وممكن كمان ناس تتطوع وتنقل مواضيعه لمنتديات ويطبعوهاله زى ما حصل فعلا مع بعض الناس بس ماكانوش مدونين كانوا بيكتبوا فى منتديات عادية زى الأخ محمد هريدى الله يرحمه اللى بعمل له مدونة حاليا لنشر مواضيعه دى والله المستعان
فعلا الواحد ساعات بيبقى عاوز يوقف خالص بس بقول بردو يعنى انا لو حتى وقفت عن الإبداع على الأقل لا أعجز عن نقل الخير
ومسألة مجاملات المدونين دى فعلاحاجة احيانا او غالبا بيبقى مبالغ فيها بطريقة عجيبة
لدرجة انك تلاقى واحد كاتب تعليق عند واحد بيقول له: "انت ليه مش بتعلق عندى؟ لو ما علقتش عندى مش هعلق عندك" بكل صراحة كده
انا عن نفسى اول ما اشوف حد من الناس عمل مووضوع جديد بقرأه على طول اذا كان فى وقت لكن مش شرط اكتب تعليق لأنى غالبا قد لا أضيف جديد يعنى هو هيستفيد ايه لما اقول له تقبل مرورى وتحياتى ومشكووووور إلخ؟ويمكن دى فعلا فايدة كبيرة اوى فى فكرة الـ"لايك" فى الفيسبوك :) وإن كانت بتتعب فى النوتيفيكيشنز :) بس دلوقتى اتظبطت
فتافيت
ماشي يافندم في انتظار البوست الكامل واتمنى انه يكون شافي وافي متعافي :))
وبلاش موضوع بنك مصر ده علشان بيعملي حساسيه تحت الجلد لأنه من المنافسين :))
في انتظار المزيد من الغلاسه قصدي المزيد من الموضوعات :))) ولو عجبني الموضوع هوفي بوعدي في موضوع الحمام
مجرد مدونة
ما يتعلق بالدين مطلوب جداً التواصل والنقاش حوله لأنه مفيد للجميع لأقصى درجة والنقل لن يكون مفيد على الدوام الا فيما تعتقد بلزوم العلم به وحتميته أو بتعلقه بموضوع عارض حساس يجب التنويه عليه
أما التواصل الفكري في حول كليات الدين أو جزئياته فلا يشترط فيها النقل لأنها تتعلق بما تعتقد فيه الصواب فعلياً وعليه فنقاش ومعالجة الأمور الفكرية بما تعتقده الصواب يؤدي إلى اثراء الآخر بمعلوماتك أو تصحيح لمعلوماتك من خلال النقاش والحوار وهو جوهر أهداف المدونة
أما ما يتعلق بآداء الواجبات التدوينية من عينة تقبل مروري وتشكراتي الأبدية والتحيات المتعطرات فهي كما قلت أشياء لا تستحق عناء التفكير حولها :))
شكرا جزيلا
بوست جميل محتاج يتحط عالفيس بوك لإعادة الأبناء والبنات الضالة جزاك الله خيرا و أسأل الله لنا تواصل
يوميات شحات
الشكر لله ...انا متابعك على فكره :)
تحياتي
كلمات من نور
ايه ده هو الابناء والبنات الضاله بيروحوا على الفيس بوك طيب انا هروح اجبهم من شعرهم :)
تحياتي دائماً ونسعد بالتواصل معكم
دخلت التدوين صدفة من سنتين بالضبط ...و مشيت بالعكس يعنى كنت فى الأول فين و فين لما بكتب حاجة دلوقت الحمد لله بكتب بشكل شبه يومى ... التدوين بيمتص الطاقة السلبية اللى جوايا بصراحة :)))
تحياتى لمدونتك اللطيفة اللى اتعرفت عليها عن طريق الدكتورة ستيتة و ان شاء الله مش آخر زيارة .. يا ريتك تشرفنى فى الدكانة بتاعتى
http://reeeshkalam.blogspot.com/
واحد صاحبى بيشبه التعليقات والتواصل بالنقوط
اللى يجينى اروحله يعنى
ودى فى حد ذاتها تنهى اى حاجة
مع كده لسه فيه مدونات ليها بريقها
والفيس بوك بيساعد على انتشار المدونات مش العكس
اما باكتب لييييييييه؟
فانا بكتب عشان ارتااااااااااح وانسى
إرسال تعليق