السبت، سبتمبر 19، 2009

ملاحظات رمضانية .... وكل عام وأنتم بخير .... وعيد مبارك


كل عام وأنتم جميعاً بخير وصحة وعافية وإلى الله أقرب وقد أعتقت رقابنا جميعاً من النار


مضى رمضان سريعاً كعادته دائماً وانفض السوق وربح من ربح وخسر من خسر ولا زالت هناك ملاحظات قائمة منذ قديم الأزل نستعرضها سوياً ونتأملها عسى أن نخرج منها بعبرة (أو أي شيء)


لازالت المساجد تمتليء في أول يوم من الشهر عن آخرها ثم في اليوم التالي مباشرة لاتكاد تجد ربع هذا العدد في المساجد !!!!




لازالت المسلسلات السخيفة والمفرغة من كل معنى تتسابق لجذب الناس في سباق محموم في  وكأن رمضان موسم المسلسلات وكذلك البرامج الهابطة والسخيفة والمسابقات المنقولة (بالمسطرة) من برامج أجنبية .... والغريب أن كل الناس يشتكون من سخافة وضحالة واسفاف كل تلك الأشياء ومع ذلك تجدهم يصرون على متابعتها وكأنهم مجبرون على ذلك !!!!!!!!!




لازلنا ننقل الصلاة (على الهواء مباشرة) في ميكروفونات المساجد والناس تشتكي من الإزعاج وردائة الصوت والتشويش ولكننا ثابتون على هذه العادة وكأنها فريضة منزلة :)




لازال الناس يجتهدون في العبادة في العشر الأواخر ويجدون في الدعاء ومن المؤكد أن الكثير يصيب ليلة القدر ومع هذا لا يستجيب الله لنا الكثير من الأدعية مثل "اللهم أهلك الظالمين بالظالمين وأخرجنا من بينهم كالشعرة من العجين "  وكذلك " اللهم انصر الإسلام وأعز المسلمين وأذل الشرك والمشركين  وأسقط طائراتهم وأغرق سفنهم ودمر دباباتهم " وكذلك " يارب مليار دولار وفيلا في التجمع وحتة مرسيدس 600 s  وأربع ستات وما ملكت يميني  بس  آآآآآآآمييييييين"  وكذلك "اللهم ارفع عنا الوباء والغلاء والغباء وسوء الأخلاق وأمّنّا في أوطاننا " ...... (وكمان في دعاء أعرف ناس كتير جداً بتدعية من من 27 سنة بالظبط ومفيش فايدة:) من المؤكد أن غالبية الناس يصيبون ليلة القدر بمثل تلك الأدعية فلماذا لا يستجيب الله لنا ؟؟؟؟؟؟؟؟؟




لازال الناس يشدون الرحال إلى مساجد بعينها لسماع شيوخ بعينهم وحضور دعاء أئمة بعينهم وتغلق الطرق وتزدحم الشوارع ويحضرون للشيوخ ويحضرون الدعاء ولا يتغير في أي منا أي شيء من سنة لسنة ..... نفس السلوك ..... نفس كمية الإيمان .... نفس التصرفات .... وكأننا تجمدنا سألت نفسي كثيراً لماذا تجمدت فلم تحر جواباً !!!!!!




لازالت أخلاق الناس تسوء في رمضان أضعاف سوءها في الأوقات العادية فنجد
 السباب والسرعات الجنونية والمشاجرات وأحياناً سب الدين في الشوارع بعد صلاة العصر وحتى أذان المغرب بحجة "عاوزين نلحق الفطار"..... ولازالت أخلاقنا سيئة بحجة ترك السجائر ... وانتاجنا ضعيف في رمضان بحجة الصيام .. واستهلاكنا أكثر بأضعاف في رمضان بحجة الصيام .. وليتنا ما صمنا إن كانت هذه هي محصلة صيامنا !!!!!!!




لازلنا نعيش نفس حالة الجدل الفقهي المذموم الموسمي الذي لن نملّه أبداً حتى قيام
 الساعة حول اخراج زكاة الفطر ... هل هي حبوب أم مال؟؟؟؟؟ هذا السؤال الأزلي الذي صرت كلما سمعته أدركت أننا نتصرف وكأننا منومين مغناطيسياً ومبرمجين على كلام معين في أوقات معينة بصيغ معينة ومهما حاولنا ايقاظ بعضنا ... فلا يزيدنا ذلك إلا توغلاً في مستنقع النوم وربما الغباء !!!!!!!




لازلت لم أحصل على (العيدية) منذ أمد بعيد ونفسي حد يديني عيدية زي زمان
(كنت باخد عشره ساغ ورق ولما الغلا دخل كنت باخد ربع جنيه:)) وأروح أشتري حرب اطاليا وبمب ومسدس ميه ومسدس ساقية (فيه 8 طلقات لونها أحمر كده :) مع إننا ملناش أي أعداء :)))




لا أريد أن أفسد فرحة العيد بتلك التساؤلات ففي القلب منها الكثير :))))) ولكن قد نجد لدى البعض اجابات شافية تصبرنا حتى رمضان القادم أعاده الله علينا جميعاً بالخير والعافية والبركات ..... عيدكم سعيد وطاعاتكم مقبولة وأتم الله لنا ولكم العافية والعفو ورزقنا وإياكم وأحبابنا جميعاً سعادة الدارين


آآآآآآآآآآآآآآآآآآآآآآآآآآآآآآآآمييييييييييييييييييييييييين :))))))))))




  

هناك 58 تعليقًا:

Ahmed يقول...

كل سنه وانت طيب يااجمل مدون في مصر (كفايه عليك مصر)

اللي بتقوله واكتر صح
بس التفسير انا مش عارفه
ليه بحس ان الناس مجبره انها تكرر نفس الشئ كل سنه

سبحان الله
عاده هيا يعني ولا ايه

العيديه عندي السنه دي ياباشا بس قول يارب

Soul.o0o.Whisper يقول...

ممممممممممممممم
مالحقتش أول تعليق

ياللا خير

طب ألحق التانى بئا و أقولك كل سنة و انت و العائلة كلها بخير

و مؤقتا أقرأ و أرجع تانى

Soul.o0o.Whisper يقول...

الحقيقة تساؤلاتك كلها دارت فى ذهنى طول الشهر

هو ليه احنا كدا؟؟؟

يمكن لأننا مظهريين شوية؟؟
او بتوع مواسم؟؟؟

بس فى رأيى أولا و أخيرا هى مسألة قلب ، لأننا مش حاسين اى حاجة من اللى بنعملها دى بقلبنا

و لا تفكرنا فيها بعقلنا عشان نعرف الحكمة من وراها

عايشين زى ماطلعنا و لقينا الناس بتعمل اهو بنعمل


بس تعرف ... فى رمضان دا بجد شفت شوية حاجات ، والله فى غير رمضان ماكنتش بتتعمل

و عدم رحمة و ظلم بحجة اننا فى رمضان ،و الواحد مش طايق و مرارته هتتفقع!!!

ربنا يهدى الجميع
و عيد سعيد

و أنا سمعت حد بيقولك العيدية عنده السنة دى

ياريت يبعت لى العيدية انا كمان :)


دمت بكل خير

Unknown يقول...

جميل الكلام
يا استاذ تامر
اجمل شىء فيك
انك بتجيب من الاخر

صحيح كل كلامك خصوصاً الدعاء
واضح ان فيه كيمياء فى الدعاء
لم نصل لها بعد

و بالنسبة للعيدية
يا سيدى ربنا يكرمك
و تدى عيديات كثيييير

فين عيديتى بقى
:-)

كل سنة و حضرتك طيب
و عيد سعيد على الجميع
:-)

شمس النهار يقول...

تامر البوست جامد
وعايز قعده علشان اعلق وانا بحضر حاجات السفر

بس عايزه اقول لك كل كلمه قلتها صح

كل سنه وانت طيب وبخير وسعاده

عيد سعيد عليك وعلي الاسره كلها

المتبهدلون في الأرض يقول...

المهم ..في الآخر إعتكافك كان عامل إزاي ؟؟

وياريت لو تدينا يوم منه ..ومدى استمتاعك

والأهم .. في الآخر برده ( كل عام وانت ..أو وحضرتك ...إلى الله أقرب ,وكما يقول الشاعر (العيد فرحة ... ماء ...ماء)

Remas يقول...

كل سنة وحضرتك طيب يا استاذ تامر

ويارب ايامك كلها اعياد انت واسرتك الكريمة

عيد سعيد عليكم يارب

ستيتة يقول...

عاوزة حد يديني عيدية
عاااااااااااااااااااااااااااااا
عااااااااااااااااااااااااااااا

قلبت عليا المواجع والبطاطس
أما بالنسبة لدعوات ليلة القدر فهي لا يتم قبولها علشان "بتغمسها" بقصة الأربعة وماملكت ايمانكم :) جرب تبطل وانت ان شاء الله تكون سبب في زيحة الهم الكبير التقيل العجوز عن قلوبنا :)

كل سنة وانت طيب وربنا يسعدك ويسعد عائلتك كلها وكان نفسي اطمن على المريض .. ياترى أخباره إيه؟ وهل تقبلت دعواتنا واطمنتم عليه والا ايه اخر الآخبار
بوس لي لي وقول لها حماتك بتحوش لك العيدية اشمعنى هيا اللي مش ها تاخد

عاوزة عيدية عاااااااااااااااا

إسراء توكل مسعود يقول...

مين يقرا ومين يسمع .. مش بردو بيقولوها كده :)

كل سنة وحضرتك طيب

"إن الله لايغير مابقوم حتى يغيروا ما بأنفسهم "

mahasen saber يقول...

عيد سعيد عليك وعلى كل احبتك
ويا رب كل ايامك مباركه وسعيده

ومع احترامى الشديد لملاحظتك القيمه الا ان الغلط مباح لينا معشر البشر عشان نفوق ونستغفر وربنا يغفر

بس ملاحظاتك سدسده طبعا بس الخطأ ساعات من البشر بيكون فى غفله

أحمد سعيد بسيوني يقول...

بسم الله الرحمن الرحيم

تقبل الله طاعاتكم

وكل عام وانت بخير

جعله الله عيد حب وسعادة وهناء

دمتم بود

صبرني يارب يقول...

كل سنه وانت طيب وبخير وسلام انت وعيلتك يارب

ايه بقى قولي ايه حرب ايطاليا دي يا اخويا ماا عرفهاش والنبىما كانتش على ايامى

Unknown يقول...

بسم الله الرحمن الرحيم
السلام عليكم ورحمه الله وبركاته.
كل عام وانتم بخير *
عيد سعيد.

اقصوصه يقول...

كل عام وانتم بخير

تمنياتي بقضاء عيد سعيد

د. ياسر عمر عبد الفتاح يقول...

كل عام وأنتم جميعا بخير

كل عام والأمة الإسلامية إن شاء الله منتصرة

كل عام ونحن جميعاً إلي الله أقرب وعلي طاعته أدوم

تقبل الله منا ومنكم صالح الأعمال

رحلتنا في الحياة يقول...

كل سنة وحضرتك طيب :)

مسدس صغير يقول...

كل سنة وانت طيب
عيد سعيد

إبن مصر يقول...

السلام عليكم


وانا مش هطول عليك ومش هقولك غير كل سنه وانت طيب
اما بالنسبه لموضوع عدم استجابة الدعاء فلنا فيه حوااااااااااار كثير
فكما انه لك كل هذه التساؤلات عندى الإجابه ان شاء الله

كل تحياتى اخى الكريم

غير معرف يقول...

عيد مبارك
وكل سنة وحضرتك طيب انت والاسرة الكريمة
لازلت ولازلنا ولازالوا
كل ماكتبته صح
ولكن لازالنا من كل ذلك فى سبات
تقبل الله منا ومنك
تحياتى

ليس فقيرا من يحب يقول...

السلام عليكم

كل سنه وحضرتك طيب

عيد سعيد عليك وعلى كل حبايبك يارب

Mohamed يقول...

كل عام وانتم بخير وصحة وسعادة واقرب الي الله تقبل الله منكم صيامكم وقيامكم واعاد الله عليكم هذه الايام المباركة بالخير عليكم وعلي احبابكم يا رب العباد

GiGi world يقول...

كل عام وحضرتك بيخر خلينا نفرح بقه شويه
تقبل الله منا ومنك

مجرد مدونة يقول...

تقبل الله منا ومنكم وكل عام وأنتم بخير :)

assafo anaroze يقول...

عيد سعيد و لك عام و انت بالف خير
يا رب تكون في احسن حال و صحة وعافية
مودتي

بحر الإبداع يقول...

السلام عليكمـ

كل عـام وأنتمـ بخيـر
وتقبل الله منا ومنكم صالح الأعمال
عيدكمـ مبـاركـ

بحر الإبداع يقول...

السلام عليكمـ

كل عـام وأنتمـ بخيـر
وتقبل الله منا ومنكم صالح الأعمال
عيدكمـ مبـاركـ

Unknown يقول...

بسم الله الرحمن الرحيم
السلام عليكم ورحمه الله وبركاته.
و حضرتك بخير وسعاده ...
اشكركم لمشاركتكم لنا فرحه العيد.
عيد***سعيد

غير معرف يقول...

كل سنة وانت طيب

عيد سعيد عليك يارب

micheal يقول...

والله المسلسلات والبرامج كانت في قمة الفقع السنة دي
كل سنة وأنت طيب

تامر علي يقول...

باشمهنددس أحمد باشا :)

انت الأجدع يا باشا والله :))

ممكن يكونوا بيجدوا لذة في تكرار الحدث ولو محصلش يحسوا ان في حاجه ناقصة :))

هابعتلك رقم حسابي علشان تحوللي العيدية وياريت تكون باليورو علشان الاسترليني مبحبوش :))

تامر علي يقول...

dr/Soul.o0o.Whisper

فعلاً أنا ملاحظ في ايجابيات بتكتر وكمان سلبيات بتستجد ... ربنا يرحمنا جميعاً

بالنسبة للعيدية هانبعتله رقم الحساب ونحدد العملة وهو يتصرف

تحياتي :)

تامر علي يقول...

بدراوى

النقطة ان احنا فعلاً بنستمتع بتكرار كل شيء وكأننا محبرين عليه أو مستمتعين بيه :))

عديتك السنه دي عند باشمهندس أحمد أبوالعلا :)

تحياتي

تامر علي يقول...

شمس النهار

رحلة سعيدة يا فندم وحمدالله على السلامة كمان :)

كل عام وانتم جميعاً بخير وعافية

تحياتي :)

تامر علي يقول...

المتبهـدلـون فـي الأرض

العيد فرحة ..ماء ..ماء ؟؟

ده لسه بعد شهرين وعليك خير :)

لما قريت التعليق شميت ريحة اللحمة الضاني :))

أنا اعتكفت السنادي اعتكاف صيني ...يعني الصبح في الشغل وبالليل في المسجد :))

رينا يتقبل منا ومنكم :)

تامر علي يقول...

reem

كل عام وأنتم بخير والاسرة الكريمة بكامل الصحة والعافية
اعاده الله عليكم بالخير والبركة

تحياتي :)

تامر علي يقول...

ستيته حسب الله الحمش

حضرتك عارفة ...الدعاء ميبقاش دعاء من غير الحاجات دي ... وعلى رأي المثل .. يانعيش عيشة فل ... ومرحباً بالذل :))

المريض في انتظار جراحات مكملة ولايزال يحتاج دعائنا ...جزاكم الله خيراً على السؤال وربنا يجعله في ميزان حسناتكم

بالنسبة للعيدية فهي السنادي عند باشمهندس أحمد أبوالعلا لأنه تطوع وقال انها عنده وهانبعتله أرقام حساباتنا والعملة وهو يحولها علينا ...بالنسبة ل "لي لي " انا سلفتكم العيدية بتاعتها وهاخدها تاني منكم :)

تامر علي يقول...

إسراء توكل مسعود

أعادة الله عليكم وعلى الأسرة الكريمة بالخير واليمن والبركات

وسلامنا للوالد الكريم وما هي آخر أخباره؟ .

تحياتي

تامر علي يقول...

أ/mahasen saber

طبعاً الغلط مباح مفيش خلاف لكن تكراره بشكل دوري ومتكرر لابد ان بثير تساؤلات كثيرة عن معنى تكراره :)

تقبل الله منا ومنكم الطاعات وجعله في ميزان حسناتكم انتم واحبابكم

تحياتي وتقديري :)

تامر علي يقول...

أحمد سعيد بسيوني

تقبل الله منا ومنكم وأعاده عليكم بالخير والبركات دائماً

تحياتي :)

تامر علي يقول...

صبرني يارب

حرب اطاليا هي عبارة عن شريط وفيه نقطتين بارزين من البارود بطول الشريط تجيبي الشريط سيادتك وزلطة حضرتك وبعدين تدبي الزلطة على نقطة منهم تفرقع وتحدث ضوضاء شديدة :))

اعاده الله عليكم بالخير والبركات

تحياتي للأسرة الكريمة

تامر علي يقول...

فركشاوي ..ناوي

عيد سعيد عليكم وعلى الأمة الاسلامية كلها والعام القادم في اتم صحة وعافية

تحياتي :)

تامر علي يقول...

اقصوصه

كل عام وانتم في اتم صحة وعافية

تحياتي :)

تامر علي يقول...

د. ياسر عمر عبد الفتاح

ازيك يا دكتره :)

ربنا يتقبل منا ومنكم صالح الأعمال :)

تحياتي :)

تامر علي يقول...

آيوشة

كل سنة وأنت والاسرة الكريمة بخير وسعادة
تحياتي :)

تامر علي يقول...

مسدس صغير

كل سنة وأنت والاسرة الكريمة بخير وسعادة والعام القادم تكون بقيت بندقية كبيرة

تحياتي :)

تامر علي يقول...

إبن مصر

كل سنة وانت طيب وفي انتظار اجاباتك :)

تحياتي :)

تامر علي يقول...

أم مالك

ربنا يرزقنا اليقظة من السبات

وتقبل الله منا ومنكم صالح الأعمال

تحياتي :)

تامر علي يقول...

ليس فقيرا من يحب

كل سنة وحضرتك طيبة والعائلة بخير وسعادة

تقبل الله منا ومنكم الاعمال

تحياتي :)

تامر علي يقول...

Ghreeb

أعاده الله علينا واياكم بالخير والبركات

تحياتي

تامر علي يقول...

Ghreeb

أعاده الله علينا واياكم بالخير والبركات

تحياتي

تامر علي يقول...

GiGi world

كل سنة وحضرتم بخير انت والأسرة الكريمة

وفعلاً محتاجين نفرح شوية وربنا يجعل ايامنا واياكم افراح متصلة

تحياتي :)

تامر علي يقول...

مجرد مدونة

تقبل الله منا واياكم

تحياتي :)

تامر علي يقول...

assafo anaroze

تقبل الله منا ومنكم واعاده علينا واياكم بالخير والبركات

تحياتي :)

تامر علي يقول...

بحر الابداع

تقبل الله منا ومنكم وعيد سعيد علينا واياكم وعلى الامة الاسلامية

تحياتي وتقديري :)

تامر علي يقول...

نـــوارة ঔღঔ
كل عام وانتم في اتم صحة وعافية

تحياتي :)

تامر علي يقول...

micheal

كل سنة وانت طيب والسنة الجاية ميكونش في مسلسلات خالص :)

تحياتي :)

فشكووول يقول...

السلام عليكم تامر

كل سنه وانت طيب ويعيده الله عليك بالخير واليمن والبركات ...ولو انها جائت متأخره .. لكن النت الله يسامحه قاطع عندى من يومين اتنين ومن يوم الخميس الماضى وما جاش الا يوم السبت ساعه واحده وقطع تانى لحد اليوم صباحا

حتشوف وحتسمع نفس الكلام كل سنه..

فى الحقيقه يا تامر .. احنا فعلا عايزين تجديد الخطاب الدينى .. وليس تجديد على شاكلة منى الدغيدى وبول الابل ورضاعة الكبير ... ولكنه التجديد المتوازن الذى يا يخل بالشرع ولا يجور على الاخلاقيات والمجتمع

وما دمنا كذلك منومين مغناطيسيا سياسيا واجتماعيا وثقافيا ... فستظل تلك الاسئله تتكرر سنه بعد اخرى

وتحياتى

غير معرف يقول...

حلوه ملاحظاتك الرمضانيه ..:)

كل سنه وانت طيب بقي
معلش جت متأخره شويتين :$