الاثنين، أبريل 06، 2009

قراءة في صحف بايته

تحذير :البوست ده ممكن يكون ممل للبعض (اللي بيحب البوستات الخفيفة يخلع)
ـــــــــــــــــــــــــــــــــــــــــــــــــــــــــــــــــــــــــ
من عاداتي السيئة التي لا أستطيع أن أغيرها شراء الجرائد في صباح الجمعة ... ذلك حيث أنني تعودت أن أقرأ الجرائد مستمتعاً بضوء الشمس الرقيق مع احتساء كوب من الشاي (باللبن) بعد الإستحمام .... وقد حاولت مراراً وتكراراً أن أتوقف عن هذه العادات السيئة ولم استطع (باستثناء الإستحمام بالطبع) .... غير أنني توقفت عن قراءة الجرائد ولم اتوقف عن شرائها صباح الجمعة ... بالصدفة البحتة وجدت ساعة فراغ وثلاثة جرائد ووجبة ساخنة ... فكان ولابد أن أقرأ الجرائد (البايتة) اثناء الأكل .
الأهرام :(13 صفحة إعلانات مصورة (معظمها فلل) - 10 مبوبة - 6 رياضة - 2 وفيات - 1 حوادث)
ـــــــــــــــــــــــــــ
*مصر وأوروبا وأمريكا تحذر اسرائيل من تجاهل التزامات السلام - واشنطن تؤكد تمسكها بمبدأ الدولتين لحل النزاع - الإتحاد الأوروبي يهدد بتجميد العلاقات مع تل أبيب - أبوالغيط: اليمين المتطرف في اسرائيل سيؤدي إلى سقوط السلام ومن يسيء لمصر يتحمل العواقب . جيروزليم بوست : القاهرة ستقاطع ليبرمان مالم يعتذر عن بياناته المهينة في حق مصر
العناوين السابقة كانت تحتل االصفحة الأولى في الأهرام كبرى الصحف القومية في مصر ..جعلتني اتسائل كثيراً ..هل من يكتب هذا (الكلام) يتوقع أن يقرأه أحد ...إذا كانت الإجابة بنعم فأستطيع القول بأنهم اختاروا أسوء من يؤدي المهمة كالعادة ... أسلوب فج مستهلك أكل عليه الزمان وشرب في اختيار التعبيرات من عينة (سقوط عملية السلام ... وكأنها ماعز على سطح عمارة ) .... ( من يسيء لمصر يتحمل العواقب .... أي عواقب؟؟؟ ...زيادة سعر الغاز المصدر لأسرائيل من 2 مليم للمتر المكعب إلى 2.25 مليم ؟؟) .... مصر وأوروبا وأمريكا (الجمع بين الثلاثة في الإشارة لموقف موحد هو قمة السذاجة السياسية داخلياً وخارجياً على السواء )...(القاهرة ستقاطع ليبرمان .... ليبرمان ...شيء مضحك ان تكتب كبرى الصحف عن موقف دولة أنها ستقاطع وزير ... مجرد وزير لدولة أخرى )
- كيف سمحوا بنشر هذا الهراء .... هذا ما جال بذهني أثناء قضم (ورك ) الفرخة :) ...طبعاً لم أقرأ التفاصيل لأنني لحكمة يعلمها الله لا أمتلك إلا (مرارة واحدة) .
* مقال رئيس التحرير ..... همممممممم .....
ضخ 5 تريليون دولار بنهاية 2010 لمواجهة الأزمة الإقتصادية العالمية ..(قمة ال20 ) تنقذ اقتصاد القرن ال21
- المقال أشبه بموضوع تعبير من تلك التي كنا نطالب بها في المرحلة الثانوية وقد احتوى المقال عدة (توجيهات ) اقتصادية من عينة
- نستطيع أن نتحول من الإستيراد إلى الإنتاج خاصة الغذاء (بنفس المنطق أستطيع أن أقول ... نستطيع أن نتحول من مصريين إلى هنود حمر بقليل من الأصباغ والريش ونطرد الامريكان من أمريكا... نفس المنطق ) .... نستطيع تسطيع توجيه الدعم من الإستهلاك إلى الإنتاج (لا أدري كيف يسمح أنسان لنفسه بصياغة هذه العبارة في بلد 60% من سكانها تحت خط الفقر ... اللهم إلا إذا كان سيقتل كل الفقراء ثم يوجه الدعم للعملية الإنتاجية ... (آآآآه يا مرارتيييي ) ..... ثم نأتي إلى الضربة القاضية التي جعلتني أمزق الجريدة وأضعها بعيداً عن عيني تماماً .... رجاءً حاول أن تتأمل الجملة الآتية جيداً :
والمنتجات التي تتمتع فيها مصر بمزايا نسبية هي قادرة على انتاجها بنوعية متميزة وبتكلفة مناسبة للأسواق العالمية وتملك منها الكثير ولكن اقتصادنا في اعادة إلى اكتشاف ذاته وامكاناته الكامنة إذ أن واردات مصر في تزايد مستمر خلال آخر ثلاث سنوات (بالأرقام) وتستطيع مصر بسياسة انتاجية جديدة خلال فترة الأزمة العالمية تطوير انتاجها وتغيير انماط استهلاكها وهذا يستدعي صراحة مجتمعية وسياسات جادة للتصحيح .
بعد قراءة الجملة السابقة أصبت بحالة من الذهول ... هل هناك أخطاء مطبعية ؟؟؟؟.... هل أصبت أنا بالخبال فلم أعد أميز الكلمات ؟؟؟ هل كتب هذا الكلام ليقرأه الناس ؟؟؟؟ هل المقصود إني (أطفح اللقمة اللي باكلها)؟؟؟؟
الرجل يتكلم عن إمكاناتنا (الكامنة) التي لم تظهر بعد طوال سنوات التنمية والازدهار .... ويتكلم عن اقتصاد في إعادة إلى اكتشاف ذاته ولا أدري المعني هل يقصد أغنية (عيش حياتك بس ابحث عن ذاتك .... يا مصري وشوف عمرها كام ؟؟) .. يتكلم عن سياسة انتاجية جديدة و(مصارحة) مجتمعية لمواجهة الأزمة العالمية ....... ممممممممم (الورك خلص ... ياخسااااره ...نخش على الصدر)
-قبل إغلاق الجريدة بصورة نهائية حتى آخر العمر لفت نظري خبر يقول :
العذاب رحلة من دمنهور إلى الأسكندرية وبالعكس ... يتحدث عن طلبة دمنهور في جامعة الأسكندرية وعذابهم وتكدسهم في المواصلات واستغلال التاكسيات لهم ..... لا أدري لماذا نصنع ذلك بأنفسنا ... لماذا نزيد معاناة بعضنا البعض .... هل المسؤلون عاجزون عن حل مشكلة هؤلاء الطلبة ... إن كانت الإجابة نعم ..فلماذا يحتفظون بهم كمسئولين ؟ ... وإن كان نعم فحسبي الله ونعم الوكيل :)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الدستور :
- مشاكل البهائيون .... واضح تعاطف المسؤلون في الجريدة مع مشكلة البهائيين من منطلق (الحرية) ..ذلك المسمى (المظلوم ) الذي تنتهك باسمه كل الحرمات وتدنس كل الفضائل ...
- أهالي القرية أحرقوا المنازل بالبنزين والمولتوف تحت هتاف " لا اله الا الله البهائين أعداء الله" - أمين الشباب بالحزب الوطني بالقرية يفخر بحرق منازل البهائيين وضربهم واخراجهم من القرية بمن فيهم الأطفال الرضع - 6 منظمات حقوقية تقدم بلاغاً للنائب العام لمحاسبة المسئولين عن أعمال العنف ضد البهائيين بقرية "الشورانية"
* يضيع الحكم الشرعي الذي هو أصل الخلاف بين مدعي تأييد الحريات ... وزارعي الفتنة وساقييها ومنتظري حصادها .... والمغيبين عن ما يدور حولهم ... والمتفرجين ... وبعض المتحمسين ... ولا تعليق !!!!
* لفت نظري بشدة مقال (ابراهيم عيسى) هذا الأسبوع .... فعلى الرغم من إن الأستاذ ابراهيم عيسى معظم كتاباته التي يتكلم فيها بمنطوق ديني بقوم (بالتلبيخ) بشكل يحرق أعصابي ... إلا انني اتفق معه كثيراً إذا تكلم بعيداً عن الدين وأرى أنه فعلاً يمس صلب الحقيقة الواقعة في بلدنا ويعطى توصيفات ووصفات محترمة جداً لمعظم مشاكلنا ... ففي هذا المقال تكلم عن السؤال الأزلي الذي (طحنا) في المناقشات .... أصل لو راح فلان ..مين هاييجي مكانه ؟؟؟؟ ده خلاص شبع ..مش عارفين اللي جاي مكانه هايشبع امتى .... هذا ما يقوله العامة ... وسائقي التاكسي .... وعمال التراحيل ... والأولاد على النواصي .... والسؤال الذي سيطرح نفسه ... هايكون مصيرنا إيه بعد عمرين ( ) ؟؟؟؟؟؟؟؟؟ مقال عجبني فعلاً بيتكلم وكأن مصر (عزبة) واحنا (الشعب) اصحابها ونستطيع تغيير الفاسدين ... ثم يتكلم عن المحتجين بمقالة "الفساد في كل مكان حتى في اليابان " (إيه ده يابان إيه دي هتروح فين فينا ) ويرد عليها رد جميل ...المقال يستحق القراءة .
بعض العناوين
* أجوجو يشكو الزمالك للفيفا ... ( فيفا زاباتا) :) حتى أنت يا أجوجو يا سُكري :)
* شافيز يؤكد من طهران عدم تفاؤله بعلاقة جيدة مع أوباما ويسعى لإقامة نظام مالي مستقل مع ايران .... فعلاً لايوجد أمه تفقد خياراتها وامكاناتها .... لكن يوجد أمم فقدت رجالها وكرامتها ... لاتعليق !!
* اعتقال طالبتين بكفر الشيخ بسبب توزيع دعوة اضراب 6 ابرايل (يوم ميلادي بيحتفلوا بيه بإضراب ) يالا مش مهم :) المهم انهم خرجوا بسرعة وأعتقد إن الأضراب السنه دي كان ناقصه كتير
* لفت نظري صور و أخبار عن كارول سماحة ونجوى كرم و دروباريمور وكيانو ريفيز ... ليه مش عارف مالنا احنا ومالهم... بنتكلم عن قيم وجايبين ممثل شاذ جنسياً وممثلة طلعت على البلاي بوي لحد ما زهقوا منها وقالوا كفايه غيروا ... إيه ده ؟؟؟؟
_______________________
المصري اليوم
لفت نظري بشدة بعض المقالات والأخبار منها
* شنوده : الأقباط لا يعبدون الصليب ولا يجوز للأرثوذوكس الصلاة في كنائس الطوائف الأخرى - البابا يمنع الرهبان من استخدام الموبايل ويشبه صانع الثماثيل بالمرابي والزانية وشدد البابا على تحريم النحت وصنع التماثيل وقال في اجابته على سؤال لمسيحي لا يصوم ولكنه يتبرع للفقراء وللكنيسة "توجد خطايا عارضة وخطايا كبيرة فمثل من يعمل في صناعة التماثيل والأصنام وما شابهها من أعمال لا تقبل عطاياه ومثلها مثل الربا والمرأة الزانية التي تعيش في الزنا لا تقبل عطاياها لأن النبي داوود قال "زيت الخاطيء لايدهن رأسي"
- تأملت تلك الكلمات وتذكرت الحملات الشعواء من العلمانيين والفنانين على تحريم التماثيل في الإسلام وكيف أفاضوا في اتهام العلماء بالرجعية .... هل يقدر أحدهم أن ينتقد كلام البابا ... أشك .... في الحقيقة أحس بأن هذا الرجل يحترم نفسه وأتباعه ويسعى لمصالحهم وإن اختلفنا معه في كل شيء ... بالنظر للجانب (الآخر) ازداد حسرة .
* المستشار محمود الخضيري " نحن أولى بحكامنا والخلاص منهم يكون بأيدينا - الغرب لا يفعل شيئاً فيه مصلحة لنا ولا يساند الديمقراطية إلا إذا أسفرت عن حكام يرضاهم ..... مقال يستحق القراءة والتحليل ...مقارنة بأوضاع العراق ... كلام سليم 100% مع فارق الطبيعة النفسية للمصريين .
* القاهرة ال18 كأسوء مدينة عمل في العالم ... المعايير (التلوث - الأمراض المنتشرة - العنف السياسي- توافر السلع والخدمات)
والله ترتيب كويس جداً كنت هارشحها لكأس العالم على طول (حتى الفشل مش ناجحين فيه :)
* 64 عام على اغتيال أحمد ماهر قائد مجموعة الإعتقالات الذي أصبح رئيساً للوزراء
يحكي المقال انضمامه لأجهزة العمل السري وتزامله مع النقراشي باشا تحت راية سعد( زعلول) والتحاقه بأجهزة عبدالرحمن فهمي السرية حيث تم القاء القبض عليه مرتين عام 1922 في قضية اغتيال حسن عبدالرازق وسنة 1925 بتهمة تشكيل لجنة اغتيالات
- أثار دهشتي أن كل الانتقادات التي كانت موجهة للإسلاميين (كالإخوان والجماعة الاسلامية وغيرهم ) كانت بسبب فكر العنف في حين أن هناك افراد من الأعلام كأحمد ماهر وجمال عبدالناصر انضموا لتشكيلات سرية ونظموا اغتيالات (لقادتهم ) وطبعاً سيجيب البعض بأن تلك الفترة كانت فترة احتلال وكانت تحتمل هذه الظروف ...والاجابة على ذلك بأن ذلك مبدأ الكيل بمكيالين فنفس الفترة صاحبت ظهور الاخوان وكانوا تحت نفس الظروف ولم يقبل منهم ذلك ولم اسمع محلل قال بأنه جرت محاولات مناظرة فكرية مع أي منهم وبعد ذلك بفترة تم تصفيتهم ... الشاهد أن هناك ميليشيات مسلحة وجماعات تحمل السلاح في العالم كله ويقبل منها ويتفاوض معها مادامت لا تحمل طابع ديني أما إن حملت فغير مقبول .... حتى الآن لا يوجد محاولات للمناظرة ومقابلة الحجة بالحجة .... كله ضرب ضرب مفيش شتايم ؟؟؟؟؟:)
* آخر حاجة عجبني مقال "محمد سلماوي " عن تقبلنا الدائم للديمقراطية بالمفهوم الغربي وعدم تقبل الغرب للديمقراطية إذا اتت بمن لايقبل بهم كما اتت بحماس في فلسطين أو الإسلاميين في الجزائر أو هايدر اليميني في النمسا ( وكمان تركيا والإنقلاب العسكري (الدائم ) كلما صعد إسلاميين للحكم ) ...أما نحن فليس من حقنا أن نرفض نتائج الإنتخابات الاسرائيلية لأن اسرائيل حالة خاصة .
- طبعاً الأستاذ محمد سلماوي يظن أن القوى الغربية والإمبراطورية الأمريكية تخضع لحسابات المنطق والعقل والعدل ... أعتقد أن المنطق الوحيد الذي تعرفه هو منطق المصلحة ... وميزان القوى ... فهم أمام شعوب بلا مطالب شعارهم الإستجابة لكافة أطماع الغرب وأوامر الولاة ومغيبين عن ركب الحضارة العلمية وفاقدي الهوية .... هل نطلب منهم بعد ذلك أن يتجاهلوا مصالحهم بلا ارادة منا ويضعوا حقنا في ايدينا بالقوة :) يمكن .
يا خسارة الأكل خلص ... أقوم أغسل ايدي وأرمي الجرايد دي :)

هناك 76 تعليقًا:

ستيته حسب الله الحمش يقول...

يا عم كل سنة وانت طيب

يعني يوم ما جيت مصر كلها بتضرب بومب

وطبعا لابنضرب بومب ولا حاجة ولا حتى لينا لزمة

وبعدين ليه تعمل في نفسك وقولونك كده

يعني ساعة ما تبتدي تقرأ الأهرام المستهلكة

لحد الأسبوع اللي فات كنت بجيبها كل جمعة علشان متعودة على بريد الجمعة من ايام عبد الوهاب مطاوع

وبعدين قررت بدأ من هذا الأسبوع هجرها وما يكتبون لأني خلاص قولوني ومرارتي وكل شيء باظ
منهم لله

على فكرة رأيي في ابراهيم عيسى زيك بالضبط بالضبط
والمصيبة مش فيه
المصيبة في الكارثة المتحركة اللي اسمه صلاح عيسى
ده اللي يجيب المرض فعلا

والمصري اليوم هي الأكثر احتراما على الساحة دلوقت

هات حتة من الفرخة بقى بعد مقال الأكتئاب وتقليب الموجع والبطاطس ده

قال مصر واوروبا وامريكا
موكوس ابن موكوس اللي كتب الجملة واللي اوعز له بيها

تحياتي

تامر علي يقول...

د/ستيته حسب الله الحمش

الراجل اللي اسمه صلاح عيسى معروف خلاص هما ادوله جريدة القاهره وقالوله مرضي يا معلم؟ قال اييييوه ...وباع القضية من زمان :)

طيب هانفرش ايه بس في المطبخ ونلف الحاجات القديمة في ايه لو مجبناش الجرايد؟؟؟

للأسف الفرخه خلصت ..طلعت فيها غلبي ... ممكن بطاطس محمره ؟؟:)

سلاماتي واحتراماتي دائماً:)

mahasen saber يقول...

انا بطلت ااقرا الجرايد من زمان زمان زمان قوى قوى يجى سنه كده الا طبعا اهرام الجمعه ساعات اخبطه بعينى وساعات لا

بس مجهود مضنى وكفاح مرير انك ترصد كل هذه الانجازات الصحفيه فى ساعه واحده

بس سيبك انتا بالف هنا وشفا
غذاء البطون ساعات بيبقى افيد من غذاء العقول وبالذات لو غذاء العقول بايت ومكرر وطبيعى ممكن يجيب لا قدر الله تسمم


ربنا يعافيك طبعا ان شالله الجرايد واخبارها

MǿиY El-Shreef يقول...

وعاده سيئه ليه يعني

مين ده الي قالك كده

بالعكس واضح ان دماغك كبيرة ماشاء الله

والجرايد سبب مش هين

وبعدين حد يجي يقرأ القديم

لا وايه بياكل كمان

طب يشرب مقبوله

بس بسم الله ماشاء الله عليك تحليل عجبني جدا

بس اكتر حاجه لفتت نظري دي :D

القاهرة ال18 كأسوء مدينة عمل في العالم ... المعايير (التلوث - الأمراض المنتشرة - العنف السياسي- توافر السلع والخدمات)
والله ترتيب كويس جداً كنت هارشحها لكأس العالم على طول (حتى الفشل مش ناجحين فيه

والراجل قالها ومات

مافيش فايده

مستنيين الجديد (:

ايوشة يقول...

الف سلامة على مرارة حضرتك اكيد الصحف والاخبار البايتة دى تضرب كل اعضاء الجسم مش المرارة بس احسن حل مقاطعتها وانا عملت القرار ده مش بشوف اى شئ مفيد غير حرق الدم منها
كل سنة وحضرتك طيب

تامر علي يقول...

mahasen saber
استاذتنا محاسن ..والله انا كمان كنت متابع بريد الجمعة بس بطلت بعد الاستاذ عبدالوهاب مطاوع ما تُوفيِ..(زي د/ستيته) لكن شراء الجورنال حاجه وقراءته حاجه تانيه .
فعلاً والله زي ما حضرتك قلتي كل الجرايد بايته ومكررة وتجيب تلبك كمان

تحياتي وتقديري دائماً

تامر علي يقول...

MǿиY El-Shreef

:) الظاهر فعلاً كان غلط إني أقرأ أثناء الأكل ..بس خلاص دفعت الثمن :)

بالنسبة للقاهرة فهي أصبحت فعلاً (مفيش فايده ) وحلها الوحيد ان الناس كلها تخرج منها وتسيبها لوحدها شويه يمكن (تنضف) :)))

تحياتي

تامر علي يقول...

ايوشة

والله انا كمان كنت قلت خلاص وتبت عنها بس هعمل ايه ؟ يوم الجمعه ده من طقوسه شراء الجورنال ... وانا كنت بشتريه ومش باقراه ... لكن للأسف الطوبه جت في المعطوبه:)

تحياتي دائماً :)

gogo يقول...

ازيك يا تامر

عيب يا عم لما تقول نخلع
احنا بردو جهله اقصدى مثقفين
رغم انى يوماتى بيكون عندى جميع الجرايد الا انى بطلت اقراها

بس انا عايزة اسئل سؤال رخم
هو اللى هيسىء لمصر هيتحمل عواقب ايه
هو لسه فى حد بيعاقب حد
ما علينا المهم يا تامر
ورك الفرخه كان متحمر كويس ولا متلصق
وفنجان الشاى كان مظبوط اوى ولا مش مظبوط زى ......؟؟؟؟


مجهود رائع فى ترتيب البوست

عاشقه الاحزان

حازم النبراوي يقول...

الجرائد هى شريط كاسيت قمة البرود .. والسخافة.. وحرقة الدم

.. قمة البرود (زى اللى يسمع شريط فاضى)

.. قمة السخافة (انك تقلب الوش التانى بعد ما يخلص الوش الاول علشان تسمعة)

.. وقمة حرقة الدم (انك تعيد حتة عجبتك فى الشريط)

تقبل تحياتى

ahmed saker يقول...

السلام عليكم

أنا برضه زمان كنت بقرأ في الأهرام و الجمهورية و الجرائد الحكومية على أساس الحديث الشريف الذي يقول ( الحكمة ضالة المؤمن أني وجدها فهو أحق بها )
و لكنى بعد فترة أكتشفت أن هذه الجرائد من المستحيل أن نجد بها أي حكمة على الأطلاق

أما الدستور و المصري اليوم فهما جرائد محترمة رغم اختلافي معهم احيانا

دمت بخير

حواء يقول...

مش من هواة قرايت الجرايد كل يوم انا الصراحه
بعد اذنك هخلع واجي في وقت تاني
يجعله عامر

Tamer Diab يقول...

هقلك نصيحة من اخوك الصغير حلاوة
انا مش بفتح الأهرام ده لو هيموت نفسه إلا يوم الأتنين عشان الأستاذ فهمي هويدي
وكل سنة وانت طيب
ربنا ما يبتليك ببرامج التليفزيون الارضي شوية وساعتها بجد هتعرف ان الجرايد دول بالنسبة للأعلاميين بيبيعوا سبح
هتشلل زيك بالظبط

د.توكل مسعود يقول...

السلام عليكم ورحمة الله ... وبعد

فهناك مقالر لى كنت كتبته منذ حوالى ستة أشهر عن الأثر السىء للإعلام وبالذات.... "الصحف"

أشق عليك بقراءته على هذا الرابط:
http://belawa6an.blogspot.com/2008/11/4.html

دمت بخير وعافية

فتافيت يقول...

كل سنة وانت طيب يوم الغضب عيد ميلادك
يعني انت ابو الغضب بتاع مازنجر عاااااااااااااااااا

بزمتك حد يقرا جرايد يا راجل

شوفتوا يا اطفال يا حلوين عمو تامر حصلوا ايه لما قرا الجرايد

اوعوا حد يقرا جرايد تاني لا يبقى زي عمو تامر ومرارته توجعه

خلي موني تعملك كوبايته نعناع ولا يانسون يروقوا دمك

إيمان يقول...

القاهرة ستقاطع ليبرمان مالم يعتذر
ههههههههههههههههه
هههههههههههه
هههههههههههه
خاصم يا ليبرمان زعلانين ومش هنلعب معاك
إخى عليك يععععععععععععع

وهذا يستدعي صراحة مجتمعية
ههههههههههه هى عامله ازاى المجتمعيه دى وازاى نصارح بعضينا بالمجتمعيه
يعنى اقف فى وشك كده ولا يهنى واقولك مجتمعيه هههههههههه
والله العظيم الناس دى بتكتب نكت مش مقالات يا استاذ تامر وفر فلوسك ومرارتك وبطل تشترى جرايد
انا عن نفسى بطلت اقرأ جرايد من زماااااااان حتى لو وقع فى ايدى جريده بايته بطلع لها لسانى وبرضو مقرهاش
بجد والله وماليك عليه يمين بوست توحففففففففه
تسلم ايدك

إيمان يقول...

ايه ده هى الناس دى بتقولك كل سنه وانت طيب علشان عيد ميلادك
والله فكراهم بيهزروا
طيب يا سيدى كل سنه وانت طيب
وللجنة أقرب

Rose يقول...

يبدو أن أحوال الجرائد في مصر
لا تختلف عن مثيلاتها في المغرب.
استغرب دائما لتشابه الأسلوب،و
توارث العبارت المتداولة في المقالات
تتشابه إلى حد يجعلك تجزم أن كاتبها
واحد.
سؤال:كيف تأكل وتقرأ في آن واحد،
كيف توزع تركيزك بينهما،علما أن كل
من القراءة و الأكل يتطلبان نفس الدرجة من التركيز و الإنهماك؟!! :))

MaNoOoSh يقول...

كل سنة وحضرتك طيب يا استاذ
بس حد يعمل كدة فى نفسة يوم عيد ميلادة بالذمة
على العموم حصل خير ونحمد الله على وجود الفرخة بدل ما كان يحصلك حاجة
وانا رايي اشترى ورق جرايد فاضى بالجملة أحسن واهو حتى يكون نضيف مش متزفر (بالحبر طبعا مش الكلام)
هههههههههههههههه
تحياتى

د/عرفه يقول...

يا سلام
ما شاء الله عليك يا تامر
بجد عوضت كتير من تقصيرى فى متابعة الجرايد
كنت ناوى اعلق على اول خبراو اتنين
بس ما شاء الله لقيتك عامل تحليل شافى وكافى لمواضيع كتير
التحليل ده يمكن يعملوه اعداد لبرنامج تلفزيونى وتنافس بيه المسلمانى
بجد انا معاك فى اختياراتك
ومعاك فى تعليقاتك
جمييييييييل فعلا
وكل سنة وانت طيب

تامر علي يقول...

gogo

بالنسبة لورك الفرخة فبصراحه والله أنا مش فاكر كلت إيه النهارده فمابالك بامبارح ؟؟!!!!:)
بس على ما افتكر اني مشربتش شاي (أنا أصلاً مبشربش شاي :) ...
بالنسبة لمصر وعقابها الأليم فهو يقصد إن لو اسرائيل أهانت مصر فمصر هتعاقب شعبها يعني مش قصده حاجة الراجل :)

تحياتي دائماً

تامر علي يقول...

حازم النبراوي
حازم باشا كيف حالك ؟:)
طيب عاف قمة الحيرة وقمة الدهشة ؟؟:)))

ماشي :)

تامر علي يقول...

ahmed saker
وعليكم السلام ابو حميد :)

ممكن نتفق في حكمة ان الجرائد دي "ضالة" بس مش ضالة المؤمن يعني ...ضالة وخلاص :)

تحياتي

تامر علي يقول...

حواء

ولا انا والله من هواة الجرائد كمان أنا خلعت من زمان :) بس هي صدفة خير من ألف جورنال بس .

تحياتي :)

تامر علي يقول...

Tamer Diab

وطب وعلينا بإيه من ده كله يا باشا ؟؟ احنا نواصل مسيرة التجاهل وخلاص ... وبعدين ايه ده ؟؟ هو أ/ فهمي هويدي مش كان بطل يكتب في الاهرام ؟ هو رجع تاني ولا ايه ؟؟؟

اشوف الموضوع ده ....

تحياتي وتقديري

تامر علي يقول...

د.توكل مسعود
فعلاً موضوع حضرتك بيوصف المشكلة بشكل دقيق ... ربنا يجعله في ميزان حسناتك ... ويسعدني ويشرفني مرورك دائماً :)

تامر علي يقول...

فتافيت

أنا على أيامي كان في جريندايزر مش مازنجر الخيخه بتاع اليومين دول ... فين أيام زمان لما كان جوز الحمام 3 فرد وعود القصب بزعزوعتين وكان السندوتش الواحد يشترك فيه 4 أسر ...هييه الله يرحمك يا جرينديزر .

وبعدين هاعمل ايه الجرائد لابد منها في تلميع الأسطح الزجاجية :)

تحياتي دائماً

تامر علي يقول...

إيمان

الجرائد شيء مهم جداً ...فهي محاولة حكومية لفقع مرارات الشعوب ..واصابتهم بالجنون والهبل :)

جت سليمة وان شاء الله مش هاتتكرر

تحياتي دائماً

تامر علي يقول...

Rose
فعلاً كاتبها واحد دائماً واسمه النفاق :)

بالنسبة لسؤالك فالإجابة عليه سهلة :) وهي أن هذا النوع من القراءة لا يتطلب أي نوع من التركيز فيمكنك قراءته أثناء عما أي شيء آخر :) فقط يحتاج قدرة على هضم كل هذا الحجم من الأكاذيب والترهات التي تثير الغثيان :)

تحياتي وتقديري دائماً

تامر علي يقول...

MaNoOoSh
فعلاً وجود الفرخة عوضني عن حاجات كتير جداً في الفترة اللي فاتت وملى فراغ كبير في حياتي :) .... أنا فعلاً بفكر اشتري الجرايد بالجملة لأن المكتوب فيها كله زي بعضه ومش هايفوتني كتير :)

تحياتي

تامر علي يقول...

د/عرفه

والله يا دكتور أنا ما كان قصدي أنا كنت قاعد باكل في أمان الله معرفش ايه اللي هفني وخلاني اقرا الجرايد :)

شكراً لكلامك الكبير ده بس انا مجيش كتكوت في قفص صدر المسلماني ولا حتى الأصفهاني :)

تحياتي وتقديري دائماً :)

أحمـــــــــــــد أبو العلا يقول...

انا بقالي فتره طويله مقاطع الأهرام
بشتريه كل جمعه بس بشوف فيه الاعلانات بس

انا بعتمد على الأخبار من النت

انت فكرتني بالمقالات اللي كنت بعصر على نفسي لمونه بجد واقراها بتاعة ابراهيم نافع

كانت كلها بتتكلم عن عظمة وحكمة السيد الرئيس

لما الريس يأيد يبقى حكيم ولما الريس يغير رأيه ويعارض يبقى شجاع

فركشاوي ..ناوي يقول...

بسم الله الرحمن الرحيم
أستاذ/ تامر...
السلام عليكم ورحمه الله وبركاته..
انا بدور علي واحد اتفق معاه ...الاقيك مختلف مع كل الناس ومع كل حاجه ...انت بتعمل بالآيه الكريمه بجد.الله يقويك ...وبتاكل فراخ الصبح ..الناس كلها مابتاكلش حاجه ...ليه انت تاكل فراااااااخ.
عموما ...كل بيت او في بيتي انا 3اشياء لا قيمه لها أطلاقا ...ومع ذلك لا نستغني عنهم (1)الجرايد. (2)التليفزيون .(3)فركشاوي...
------سعدت جدا بمعرفتك أرجو دوام المواصله ..

الازهرى يقول...

بعد قراءة المكتوب فى امعان شديد واستعادة بعد الاجزاء لزيادة بيان المعنى
ومن بعض الاقوال المتناثرة
استنتجت وغالبا يكون استنتاجى خاطىء
انك كنت ادبى فى ثانوى
لانك بتدرس تعبير وانا مش كنت بادرسه
صح ولا انا غلط ؟


اما بخصوص الجرايد فانا واصحابى كنا دايما نشتريها
ليه ؟
علشان كنا بنتراهن من اليوم اللى قبلها مين اكتر واحد يقدر يقول بكره عناوين الاخبار المكتوبة هاتكون ايه ؟
وغالبا كنت باكسب الرهان وبعد ما واحد مننا بلغنا ان الرهان حرام
بطلنا نشترى جرايد

تحياتى دوما

د. ياسر عمر عبد الفتاح يقول...

كلما قرأت عنواناً جالت فى خاطرى بعض التعليقات
أنزل فأجدك كتبها وأضفت عليها مل لما يجل فى خاطرى حينها ... ولكن من صميم ما أعتقد
بوست رائع للغاية
وغير متفق معك فى وصفه بالممل

تامر علي يقول...

أحمـــــــــــــد أبو العلا

كيف حالك يا (هندزه:)

فعلاً ايام ابراهيم نافع كنا بنقرا الإعلانات وبريد الجمعة وفهمي هويدي ...لكن الأيام دي خطر تجيب الجورنال أصلاً لأن لو عينك وقعت على حاجه تانيه هايجيلك نقطة :)

تحياتي وتقديري :)

تامر علي يقول...

فركشاوي ..ناوي
أولاً انا أشكر الأستاذ فشكول انه عرفنا بحضرتك فعلاً :)

ثانياً : أنا فعلاً بحزن جداً لأني احياناً ملاقيش حد أتفق معاه ودي مشكلة كبيره.

ثالثاً : دي أحوالنا كلنا أي راجل في بيته لازم يجيب جرايد وتليفزيون علشان يحسش بقيمته :)

تامر علي يقول...

الازهرى
غالباً انت صح يمكن أنا اللي غلطان علشان أنا كنت علمي بس مش فاكر احنا كنا بناخد (انشاء) في اعدادي ولا ثانوي ..بس انا فاكر ان أول يوم في الامتحان دايماً كان فقه وانشاء :)))

بس غالباً استنتاجك صحيح لأن علمي أعتقد كان مفيهوش انشا ... أنا كنت علمي علوم علشان كنت بحب الأحياء والأموات والكيمياء بس الرياضه مكنتش بحبها أوي ...في الآخر دخلت تجاره برضه :) فكرتني بالذي مضى ياشيخ ..رجعتني 86 سنه لورا :)

تحياتي دائماً

تامر علي يقول...

د. ياسر عمر عبد الفتاح

ازيك يا دكتور ؟؟؟...وإيه أخبار المرضى ؟؟ لازم تبقى (حونين ) عليهم شويه علشان أنا بتضايق من الدكاتره اللي بيعاملوا المرضى كأنهم مصنوعين من البلاستيك :)

والله حضرتك شرفتني بقراءة البوست وياريت أكون عند ظنك دائماً :)

تحياتي وتقديري :)

حاسوباتيه يقول...

انا كمان بجيب جرايد يوم السبت بتاعت الاخبار لان بيكون معاها ملحق اجازه بعج اقراه علشان اضحك وبجيب الجمهوريه علشان ملحق دموع الندم لاني بحب جدا المشاكل والجرايم اهو الواحد ياخد خبره لو اطر برضو يقتل حد يبقى يستفيد من خبرات غيره المهم ان انا بقى مش بقرا غير التفاهات دي عمري مابقرا زياده عنهم لاني اصلا مابحبش القرايه وبقول هوجع دماغي ليه بالاخبار بلا تعب قلب واقف الجرايد على كده

تامر علي يقول...

حاسوباتيه

اول مرة اسمع عن دموع الندم دي :)
جديدة ... خلاص ممكن ابقا اجيبها واتعلم .....مع ان الجريمة لا تفيد :)

ده فعلاً احسن استخدام للجرايد ... الملحق :)

تحياتي :)

القدر و انا يقول...

تامر باشا
تعليق متاخر لم استطع منع نفسى عنه
ايه يا عم الغلب اللى حطيت نفسك فيه ده
خبطتين فى الراس توجع
تقوم تخبط نفسك ثلاثة
اتفق مع تحليلك لمعظم ما كتبت
بس السؤال الشباب يقرأ ويعرف عن بلده منين؟؟؟؟؟؟؟؟؟؟؟؟
بالهنا والشفاء ورك الفرخة

Tamer Diab يقول...

لا يا باشا مهو الكلام ده ايام مان بيكتب دلوقتي حتي لو بيكتب مش هجيبة عشان مقالاته بتنزل ع النت حتي لو كاتب في صحيفة جومبونجو.

القلم السكندري يقول...

قراءة تحليلية تنم عن عمق فكري طيب

تقبل تحياتي

تامر علي يقول...

القدر و انا

فعلاً كانوا 3 خبطات مؤلمين :)

للإجابة على سؤال حضرتك أقول ان الإنسان الواعي صاحب المعايير السليمة ومعرفة الثابت والمتغير يستطيع أن يتقصى أطراف الحقائق حتى عند قراءته لمصدر غير موثوق به (وهو ما يسبب هذا النوع من الكمد:) .. لكن هناك مصادر أكثر مصداقية للحصول على المعلومات والأخبار منها الإنترنت وبعض الفضائيات المحترمة وكذلك (بعض) الكتاب في الصحف المحلية والعالمية ..(مش مهم نقرا ايه ..المهم نقرا لمين :)

تحياتي

تامر علي يقول...

صح فعلاً ... أنا كمان من محبي الأستاذ فهمي هويدي وبفكر من مده أعمل لقاء معاه بس مكسل :)... بس متابعه على الدستور من خلال الميل ليا أصدقاء بيبعتولي مقالاته علطول فعلاً

تحياتي وتقديري يا باشا:)

تامر علي يقول...

القلم السكندري

أهلاً شاعرنا (الفحل:) شرفتنا بزيارتك التي نرجو أن تكون دائمة ومتصلة دائماً :)

تحياتي وتقديري :)

القدر و انا يقول...

تامر
شكرا على زيارتك مدونتى
اخيرا طلع واحد من خرجين الازهر
عشان يوضح لى بناء على تجربة ذاتية
اشكرك جدا يا تامر على توضيحك المميزات والعيوب
هو الان وفى خلال سنتين حفظ جزء عامة
واصبح يعرف القليل عن السنة
هذا بالاضافة الى قوة اللغة العربية عنده
امادراسة السيرة والفقه ... الخ لن ياخذه قبل المرحلة الاعدادية
يعنى ياخد تعاليم دينه صح فى السن الصغيرة
ولو ماشى يبقى يكمل .. او تعب ينتقل
دا كان هدفى
جزاك الله خيرا على مداخلتك
والسؤال
هل فرشة الاسنان تغنى عن السواك
اوهل كان يستخدم السواك لانه لم يكن هناك طرق اخرى لتنظيف الاسنان

تامر على
اخيرا طلع واحد من خرجين الازهر
عشان يوضح لى بناء على تجربة ذاتية
اشكرك جدا يا تامر على توضيحك المميزات والعيوب
هو الان وفى خلال سنتين حفظ جزء عامة
واصبح يعرف القليل عن السنة
هذا بالاضافة الى قوة اللغة العربية عنده
امادراسة السيرة والفقه ... الخ لن ياخذه قبل المرحلة الاعدادية
يعنى ياخد تعاليم دينه صح فى السن الصغيرة
ولو ماشى يبقى يكمل تعب ينتقل
دا كان هدفى
جزاك الله خيرا على مداخلتك
والسؤال
هل فرشة الاسنان تغنى عن السواك
اوهل كان يستخدم السواك لانه لم يكن هناك طرق اخرى لتنظيف الاسنان

تامر علي يقول...

القدر و انا
أي خدمات يا فندم وتحت أمرك
بالنسبة للسؤال ده أنا كنت سألت أحد أطباء الأسنان فقال لي ان نوعية الأطعمة اللي بناكلها دلوقتي مركبة مش بسيطة زي زمان وكمان أمراض الفم الموجودة لم تكن منتشرة زمان ... علشان كده لاينصح بالاكتفاء بالسواك لأنه ممكن ميوصلش لاماكن اللي بتوصلها الفرشة ... بس السواك مفيد جداً في حالات كثيرة من حساسية الفم وضعف اللثة ولكن يجب تنظيفه باستمرار ..والعهدة عليه :)
تحياتي

شمس النهار يقول...

طبعا البوست قوي جدا ودسم وعشان الواحد يرد عليه عايز بلوجر لوحده
بس عايزه اقول لك مبروك انك بتقرا الجرائد مره في الاسبوع انا بقراها كل يوم وكلام النهارده هو بتاع بكره وبعده مافيش تغيير كتير
ماعدا صفحة الوفيات اللي بيموت النهارده مابيرجعش يموت بكره فالخبر فيها متغير يوم عن يوم

Hossam يقول...

hahahahhaaha
فعلا بوست تقيل جدا
بس والله والله والله عجبنى اوى تعليقك عل المواضيع ورايك
تحياتى صديقى لمكلامك الجميل
سلام

تامر علي يقول...

شمس النهار

ليه كده بس دا انا ممكن يحصلي حاجة لو قريتها كل يوم ...كان الله في العون ....فعلاً الوفيات هي الجديد :)

تحياتي :)

تامر علي يقول...

Hossam

يسعدني ويشرفني مرورك دائماً .:)

ولو البوست تقيل ممكن ندور على حد يشيله معانا علشان ضهرنا ميوجعناش :))))

تحياتي وتقديري دائماً :)

Nour يقول...

السلام عليكم..

كنت فى البداية من المهتمين بالصحف لان كان فى مخيلتى ان الصحافه زى ما يُدرس لنا انها تعد السلطه الرابعة.. ولكن اتضح لى انها اصبحت من السلطات " السلطات اللى بتتاكل على فكرة بمناسبه الاكل"
وبعيد عن السلطة والاكل ..
الغالبيه بتفضل الاهرام لوجود بريد الاهرام عندما كان يحرره الاستاذ عبد الوهاب مطاوع -رحمه الله -لما تميز به اسلوبه من الوان شتى " حكمه وتوزان والمام بعلم النفس ونفس الوقت دراسه شموليه واقتراح حل "
ولكن مازالت العادة متواجده وخصوصا مع فى الاهرام لتواجد البريد بقلم الاستاذ خيرى رمضان وأيضا هوامش فاروق جويده .. ومواقف " انيس منصور التى هى اشبه بصراع الديكه.. واخبار على الهامش متفرقه من النوع
التى يشعرك كاتبها كانه يخاطب اناس عقولها فى اذنيها !!
=====
بشكرك على الجوله السريعه دى فى الصحافه البايته

دمت بخير..

ملكة بحجابى يقول...

رغم انى صحفية فى جريدة بيقولو كويسة يعنى
بس برده لها نفس المساوىء اللى زى الفل اللى انت نوهتلها .. وبجد أنا بحييك على انك مطلع ومتابع جدا كدة

تقبل مرورى
ملكة بحجابى

تامر علي يقول...

Nour

أنا متفق معك إن الأهرام كان لها ثقل كبير وكان فيها كتاب محترمين ولهم وزنهم ..يستاهلوا نقرالهم ...لكن في الفترة الأخيرة أصبح اللي ميكتبش على مزاج (البيه) يخرج بره أو يهمش تماماً ... وطبعاً كله بقى بيكتب على مزاج البيه :)

تحياتي وتقديري :)

تامر علي يقول...

ملكة بحجابى

طبعاً الجرايد لاتخلو من كتاب محترمين بطبيعة الحال وأنا ليا أصدقاء بيشتغلوا في صحف ومحترمين جداً ...لكن احنا بنتكلم على المناخ العام .

شكراً للمرور الكريم وتحياتي دائماً:)

Beram ElMasry يقول...

الاخ العزيز تامر علي
السلام عليكم ورحمة الله وبركاته
شكراً حبيبى بارك الله فيك , كثير عليا الكلام ده , وما يهمنيش أى جريدة مادمت أنت واقرانك تتفضلون بزيارة مدونتى وهو شرف لى ويسر قلبى
لك تحياتىوالسلام ، ولا سلام مع اليهود

تامر علي يقول...

عمنا بيرم كيف حالك

طبعاً الكلام ده قليل عليك مش كتير ... وزيارتنا لك شرف لينا وزيارتك لينا شرف أكبر ..:)

تحياتي دائماً :)

Anti Hacking يقول...

http://antihack-protect.blogspot.com/

مجرد مدونة يقول...

ايه يا عم الحلاوة دي :)

تامر علي يقول...

Anti Hacking

والله شكلك كده hacking مش anti-hacking خلينا نبص ونشوف

تامر علي يقول...

مجرد مدونة

انت غطسان فين يا أخي بقالك فترة :)

دي حلاوة المولد تاخد حته ؟:))))

مجرد مدونة يقول...

وبعدين بقى ما احنا قلنا الاحتفال بالمولد بدعة :))

GiGi يقول...

كل عام وحضرتك بخير يعنى بقالك سنتين كل سنه بيضربوا صواريخ فى البلد فى عيد يلادك
بالنسبه لموضوع ان البوست ممل فهو كعناوين واخبار بايخه ولسه ايوه ممل بس اسلوب حضرتك سهله علينا خاااااالص
اكتر حاجه معاك فيها موضوع الاعلانات اللى فى الجرايد دي جرايد اعلانات وليست اخبار
تحياتى

تامر علي يقول...

GiGi

فعلاً الإعلانات أصبحت أكثر من موضوعات الجرائد بحيث زادت الجرايد ملل على ملل :)

تحياتي وتقديري :)

إبن مصر يقول...

السلام عليكم

ازيك ياعم تامر
يا عم الموضوع ولا تقيل ولا حاجه بالعكس الموضوع كان هيبقى تقيل لو انت مش قولت رأيك فيه وعموما انا عايزه اقولك بس على حاجه مهمه
انت منتظر ايه من الجرايد المواليه للحكومه على طول الخط انا مش بقول انهم لازم يكونوا معارضين انما لازم يقولوا رأيهم عشان يبان قدام القارئ ان اللى كاتب الموضوع مقتنع بيه
وهو لو مش مقتنع بيه وحاول يوهم نفسه انه مقتنع برضه مش هيعرف يقنع غيره ولازم هيقع فى اخطاء سازجه تبان للأعمى ولكن المهم عندهم انها تكون على كيف الحكومه

عموما بصراحه يا تامر انت عملت مجهود فى الموضوع ولازم اشكرك عليه

شكرا ياباشا

ولك كل تحياتى وتقديرى وابقى اعزمنا معاك على ورك الفرخه اللى ياكل لوحده يزور :)

تامر علي يقول...

ابن مصر

والله يا باشا ولا عملت مجهود ولا حاجه انا كنت قاعد في أمان الله :)

وطبعاً متفق معاك في رأيك

تحياتي :)

حسام غانم يقول...

بغض النظر عن البوست


ألف ألف مبروك عالكتاب يا تامر

الكتاب يبدو إنه رائع فعلا

تامر علي يقول...

د/ حسام غانم :)

يا عم مبروك عليك انت الامتحان :)

وقبال البكالوريا :)

تحياتي

فشكووول يقول...

يا تامر انت بتتعبنى ليه كل ما اجى مدونتك ما الاقيش بوست وبعدين جات لى فكره جهنميه انى افتح الارشيف بتاعك لحدما عرفت ادخل واعلق

خد بالك يا تامر احنا عندنا جرائد تحرق الدم وصحفيون فيها ما بيعرفوش فى الصحافه وبيقضوها كلام وكتابه .. يعنى لسه حنكتشف زاتنا ولسه حنرشد الاستهلاك
قال يعنى طول عمرنا استهلاكنا غير رشيد

عارف الناس اللى بيكتبوا الكلام ده الواحد منهم بياخد كام الف فى الشهر

طبعا اخوك لو بياخد بالآلاف ما بيحسش بيك انت يا اللى غلبان ..ز ما بال جماعه قاعدين على خزنة البلد وعمالين ينهبوا فيها زى رؤساء التحرير ورؤساء مجالس ادارات الجرايد الهطله دى
اعزك الله يا تامر

MaNoOoSh يقول...

أولا الف مبروك على المجموعة القصصية
ثانيا انت مختفى ليه بقى؟

MaNoOoSh يقول...

اه نسيت ثالثا


ثالثا























مفيش ثالثا
انا كنت يتلامض عليك شوية بس
هههههههههههههه
سلام

تامر علي يقول...

عمنا فشكووول

مش عارف ليه جوجل لعب معاك الدنيئة :) عموماً كل الطرق تؤدي الى المدونة

فعلاً الإنفصال عن قضاياالمجتمع الحقيقية هي شعار الصحافة التي لا تسعى الا للأمجاد الشخصية للكبار كعادة الموظفين

تحياتي وتقديري :)

تامر علي يقول...

MaNoOoSh
أولاً الله يبارك فيكِ وعقبال المجموعة العاشرة لك :)

ثانياً أنا مختفي لأني لابس طاقية الإخفى :) كده الدنيا تبقى رايقة والواحد يعرف يأنتخ براحته:)

ثالثاً : ولا كفايه كدة وفي انتظار نهاية تشفيدة المأساوية قريباً :)

تحياتي

mimi يقول...

تامر
انا بدرس إعلام ـ جامعة القاهرة
وستفاجأ بما أقوله

دكاترة مواد الأخبار الاذاعية والتليفزيونية نفسهم مش بيقروا جرايد ومجلات مصرية
والله العظيم علي لسان أكتر من دكتور في الجامعة
الإعلام المصري ده في البطاطا