الثلاثاء، مارس 05، 2013

هل عرفت سبب جهلك ؟

عندما نتعلم أولى خطواتنا في الحياة لانكف بعدها عن المشي وعندما نتذوق أولى مطعوماتنا لا نتوقف بعدها عن الأكل أما عندما نتلقى  أولى معلوماتنا فإننا لانكف عن استخدامها حتى نتعلم غيرها ولكننا نخطىء أحياناً فنظن بأننا قد اكتفينا من العلوم فتظهر معالم جهلنا جلية 
ولا تكف عن الظهور حتى ننخرط ثانية في دائرة التعلم 

 وكلما   ظهرت علينا علامات الصلف والعناد وحمى التأكد كلما غاصت أقدامنا في الجهل شيئاً فشيئاً 
والفارق بين المتعلم والجاهل ليس بمقدار ما يحمله من شهادات ولا درجات ولكن المتعلم هو من يعلم حدود مدن جهله فلا يتعداها فتبدو واضحة المعالم وكلما تعلم إتضحت معالم جهله أكثر 
أما الجاهل فهو من يتخطى حدود جهله فيغوص في غياهب الجهل مهما حمل من درجات علمية 
كلنا جاهل ... ولكن ليس كل منا يعرف حدود جهله 
اعرف سبب جهلك
***
الدين والسياسة والإقتصاد والإجتماع والأدب 
الخماسي أعلاه بحور من الأمواج المتلاطمة التي كلما لطمتك إحداها ألقتك على شاطىء الجهل مرة أخرى 

لأول مرة منذ زمن أحس بالجهل الحقيقي الشديييييييد
هل هي تبعات سن الأربعين ؟
أم حالة من إحباط الإقتراب من الحقائق
لا أدري

***
يسألني الكثيرين عن معالم ومحددات المشروع الإسلامي بوجه عام ... كيف سيدير الاتجاه الاسلامي الدولة سياسياً واقتصادياً واجتماعياً

اختر إحدى الإجابات التالية 
ج1: عندما تذهب لشراء الكفته هل تقول للجزار أريد كفتة اسلامية؟مع أن هناك عشرات الأسباب التي قد تجعلها كفتة غير اسلامية:)

ج2: هذا يتوقف على من سيدير وفي أي اتجاه سيدير .. للعكس.. للأمام ... على جنب يا اسطى 

ج3:المشروع الاسلامي الغامض كما وصفه البوب جماله وحلاوته في غموضه وكما قال الكاتب الكبير هدهد أبو قردان في روايته الخالدة "طيور لاتبيض" كلما ازدت غموضاً كلما قالوا عليك واد فاهم وفريكيكو

ج4: المشروع الاسلامي تم تأجيله لأجل غير مسمى حتى الانتهاء من دراسة الجدوى باعتباره مشروع مكلف

ج5:المشروع هو مرادف لكلمة الميكروباص في مدينة الاسكندرية والظاهر ان الناس فهمت غلط فمش ذنبنا بقا احنا كان قصدنا حاجه تم اجتزاءها من النص 

ج6: كل ما سبق 

ج7: ولا حاجه مما سبق 

إن مكنتش تعرف يعني ايه مشروع اسلامي ...إدعي ربنا يكرمك وتعيش لما تشوفه  أو قول يا رب متخلنيش عقبه في طريقه ... هو جاي جاي ..قدر الله نافذ ولكنه يصطفى من عباده من يشاء

 "إنا لننصر رسلنا والذين آمنوا في الحياة الدنيا ويوم يقوم الأشهاد.يوم لاينفع الظالمين معذرتهم ولهم اللعنه ولهم سوء الدار"




ملحوظة : فاضلي بوست كمان وأكمل 100 بوست ... يا نهار بوستات ... كتييييير جداً   

هناك 6 تعليقات:

حنعيش يعنى حنعيش يقول...

تسلم ايدك .... سعدت باول زيارة

شمس النهار يقول...

ياصباح الانوار

والناس اللي رجعت تكتب تاني
بس يارب يكون علي طول :))

مش عارفه ليه التدوينه ضحكتني جدااا
وخصوصا ان المشروع في الاسكندريه يعني ميكروباص :))

بالنسبه للجهل
مافيش حد عارف كل حاجه وحتي الحاجه اللي بتبقا تخصصه مابيبقاش عارفها كلها من اولها لخرها العالم بيجري بسرعه وممكن ماتعرفش شئ في تخصصك ماعداش عليك الا لو عدي :))

ويعيش المعلم ولا يتعلم :يعني مابيتعلمش كل حاجه رغم انه معلم :)

ان شاء الله ربنا يكرمك وتكتب التدوينه الالف :)

شمس النهار يقول...


براجع ردي علي التعليقات عندي
مالقيتش ردي عليك
مع اني راده
ومرحبه
انا انبسطت اصلا اني لاقيتك رجعت بلوجر
بس الواضح ان بلوجر بيوقع بينا :)))
:)

إيمان يقول...

بس متقلش جهل بس احسن الجهل يزعل :)

عموما انا اخترت الاجابة بتاعة الميكروباص اصل ليه معاه ذكريات ايام الجامعة لما صلاح سالم كان بيقف علي الصبح بسبب التشريفه اللى كانت بتتحضر في ايام امتحانات العملي

تامر علي يقول...

شمس النهار

حقيقي فعلاً الواحد مبقاش عارف حاجه حتى في تخصصه :)

وبعدين تدوينة ألف مين ده أنا لو كملت ال100 يبقى من كرم ربنا علي :)

تامر علي يقول...

إيمان
انا مقدرش على زعل أبو جهل ولا امه حتى انا اقدر على جهل الصغنن نفسه بالعافيه :)
وبالنسبة لصلاح سالم فهو اسم على مسمى فشل على فشل :)
اهم حاجه اننا خلصنا دراسه في عهد حسني