الأحد، سبتمبر 12، 2010

عيدكم مبارك





تقبل الله منا ومنكم الصيام والقيام

على الرغم من كل الظروف المحيطة والتي أقلها يورث الكآبة لأجيال متعاقبة .. ولكن على أية حال نحن مأمورون بالسعادة والفرح في هذه الأيام بالرغم من انقطاع الكهرباء ... بالرغم من انقطاع المياة وتلوثها ... بالرغم من التهديدات المخيفة على مستقبل المياة بوجه عام ... بالرغم من الاحساس بالعار من الأحداث الجارية والفتنة التي تطل برأسها في هيئة امرأة تم اختطافها بالتعاون بين كيانات كبرى تآمرت ضد فرد واحد ولكنه يأوي إلى ركن شديد ... بالرغم من استمرار حصار شعب كامل بمعرفة العالم العربي المسلم ولايحرك ساكنًا .. بالرغم من تفشي الجهل والغباء والتخلف بمعرفة الإعلام في شكل مسلسلات وأفكار مسمومة وهرطقة في شكل الدين ... بالرغم من كل شيء يجب أن نفرح وإن عدمنا أسباب الفرح

يكفي أننا عبيد لله الذي سيرث الأرض ومن عليها وسيحق الحق بكلماته ويقطع دابر الكافرين

قُلْ بِفَضْلِ اللهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا ‏يَجْمَعُونَ
  يونس 58"‏"

هناك 14 تعليقًا:

ستيتة حسب الله الحمش يقول...

حاضر
ها أفرح بالأمر
إذا كنت كل ما أروح في حتة ألاقي الكلام غم
حتى اللي كانوا بيتصنعوا تكبير النفوخ مش قادرين
حتى اللي لما تسمع كلامهم تقول سكوتهم احسن من كتر ما التخلف العقلي طافح مش قادرين
بس حاضر
نفرح بالعيد والكحك والمدارس والمصاريف والدروس الخصوصية وشنطة سبايدر مان وكراسة القراصنة وقلم مش عارفة مين :)
كل عام وانت وكل الأمة بخير
وتقبل الله منا ومنكم رمضان
تحياتي

بسنت يقول...

أجد دائما أنه يجب أن أفرح عنادا
فى كل المسببين والمصرين على عدم فرحتى
أنت قلت كثير منهم بس ممكن نضيف ليهم
الغباء
كل سنه وانت طيب
وعيد سعيد ان شاء الله

تامر علي يقول...

ستيتة حسب الله الحمش

فكرتيني والله يا دكتورة بالشنط والحاجات الحلوة دي :) انا عندي بأه شنطة سندريلا البمبي ولازم تكون بتتجر وكمان لازم لانش بوكس بمبي هو كمان علشان يليق على سندريلا اللي هاتدخل كى جي وان ومطلعة روحي :)

لازم نفرح شوية علشان ناخد فاصل وبعدين نواصل النكد واثناء الفرح نغني ونقول بكره النكد بكره :)


تقبل الله منا ومنكم وكل عام وانتم والاسرة الكريمة بخير

تامر علي يقول...

بسنت
فعلاً الغباء هو سيد الموقف :)

لذلك يجب أن نحاول اخذ استراحة قصيرة ونتحلى بقليل من الغباء ثم نعاود الكرة مرة أخرى

تحياتي

د. ياسر عمر عبد الفتاح يقول...

بص ..
كل سنة وانت طيب


ربنا يستر على البلد دي

تامر علي يقول...

د. ياسر عمر عبد الفتاح

بص انت بأه :)

احنا مش ماشيين الا بستر ربنا اصلاً


كل عام وانت بخير

د. ياسر عمر عبد الفتاح يقول...

أنا نسيت أسألك سؤال لولبي خطير
هيه ليه كل حاجة بقت كده
حتى العيد ..
بقـــى

مبــارك

ويقولك مفيش توريث
ياخي تيييييييييت

مش عارفة الدنيا وخداني علي فين يقول...

كل عام و انت الي الله أقرب و علي طاعته ادوم

مجرد مدونة يقول...

كل عام وأنتم بخير
:)

كيــــــــــــارا يقول...

كل سنة وانت طيب :)

تامر علي يقول...

د. ياسر عمر عبد الفتاح

بيقولك بعد كده كمان الناس هتقول لبعض يا "جمال " العيد

مفيش فايزه خالص :)

تامر علي يقول...

مش عارفة الدنيا وخداني علي فين

كل عام وانتم واحبابكم في اتم صحة وعافية

تحياتي :)

تامر علي يقول...

كيــــــــــــارا

كل عام وانتم في عفو وعافية في الدين والدنيا :)

تحياتي

شمس النهار يقول...

كل سنه وانت طيب

بعد كل اللي قلته
بس كل اللي قلته كووووووووووم
والعنوان كووووووم

منين عيدنا ومنين مبارك
ده حتي الملافظ سعد ياعبعاااال

لوعيدنا يبقا سعيد

لوعيده يبقا مبارك
ولا حتي ده هيبقا بتاعه لوحده

:))

تحياتي