الاثنين، يوليو 06، 2009

فاصل .... ونواصل

سيداتي آنساتي ...سادتي ...... أهلاً بكم (جمعاء) مجدداً من جديد في مصر .... في ظل القيادة الحكيمة (بتاعة الحقن) والرشيدة (بتاعة بكار) والخفيفة (يتاعة الاوتوبيسات) والقديمة (بتاعة المش) .... وما أحلي الرجوع إلى الوطن ... لا سيما وإن كان الوطن بكل هذا القر من (الحلاوة) ...... بعد فاصل قصير بسبب السفر نعود اليكم في ثوبنا (يعني هدومنا يعني) القصير ... وحالنا العسير ..... وشأننا المرير
ونحب أن نعرفكم أننا قد قمنا بالدعاء لكل من سألنا الدعاء بما طلب ومن لم يطلب دعينا له بالقائمة العامة (راجع ردود البوست السابق واللاحق) .... لكن اللي حازز في نفسي ان في دعوه عامه خاصة بهذا البلد لا تستجاب أبداً وهي أن يخلصنا الله تعالى من كل (بوز إخص) .... وكأننا معاقبين أو ما شابه :)

.... بالنسبة للمأمورية فكانت ميسرة والحمد لله ..... وبالنسبة للعمرة فتم التنفيذ وهناك بعض الملاحظات السريعة منها :

- كما قال الأخ سعد زغلول (مفيش فايزه) فعلاً ..... لن تقوم قائمة لنا بهذا الشكل ...... في ملتقي ديني .... في البلد الحرام .... في شهر حرام .... في أقدس البقع على الأرض ...يجب أن يشعر الإنسان ويحاول تغيير سلوكه على الأقل مؤقتاً .... ولكن هناك تري التباغض والتحزب والتشيع والأنانية في أعتى صورها سواء في التدافع (المقصود وغير المقصود) بشكل قد يفقد الحليم صبره .... أو بالتكالب على المواقع المقدسة التي يرجى عندها الإجابة (كالحجر الأسود والروضة والملتزم والحجر) بشكل بشع من الأنانية والفردية المقيتة وبشكل عااااام بدون أي استثناء....

- زيادة حده النزعات (الفرقية) كالتشيع وغلاة التصوف وغيرهم ووضوح تواجدهم بشكل كبير يوحي بتغير الخريطة الاسلامية في الأعوام القادمة وهو أمر متوقع منذ زمن

- مازلنا نحمل نفس الأفكار البالية ولا نريد التعامل مع الإسلام كديانة عالمية خاتمة للبشر بكل توجهاتهم وثقافاتهم ونصر على حصر الاسلام واجتزائه في ثقافات القبيلة والمجتمعات المغلقة المنغلقة فكرياً وفقهياً .... ولكن هناك إرهاصات كثيرة ومؤثرة توحي بالتحول نحو النقيض (الانحلال الكامل ) تلوح في الأفق (وربنا يستر)

كان هذا فاصل وتقرير بسيط عن الفترة السابقة ................. وسنعود بعد (قليل أو كثير ان شاء الله ) لمواصلة العملية التدوينية البحتة

هناك 46 تعليقًا:

المتبهدلون في الأرض يقول...

ما كنت أتصور نفسي ..ولا حتى في واسع هيامي ..أن أكون ذات يوما صاحب أول تعليق ... ولكن يثاب المرء رغم أنفه (غصب عنه يعني)

أولن : حمدلله على السلامة
ثانين: بجد ,حمدلله على السلامة
أما ثالثن وهو عن البوست : فيوضح أنك عدت بالفعل لأرض اللوا ..فحمدلله على السلامة

وها هم البضع وسبعين طائفة ..تتضح معالمها بدون مراء أو تمويه ..وكل ٍ منهم يرى ..ما تراه عيناه فقط ويصدقه...وليته صدق أنه يعيش في الظلام ,حيث تنعدم الرؤية (الخطر الشيعي..وإهاناته الغير مغفورة للحرم..كمثال)
وأخيرن : فحمدلله على السلامة .. وبصدق أفتقدتك كثيرن.

Arsenal Way يقول...

حمدا لله على سلامتك يا فندم
ربنا يبارك فيك ويتقبل عمرتك ان شاء الله
منتظرين عودتك السريعه

غير معرف يقول...

استاذ تامر
اهلا اهلا اههههههههههههههههههههلا
الف حمد لله على السلامة
تقبل الله منك وباذن الله عمرة مقبولة
بجد بجد لك وحشة وارجو ان يتقبل الله
منك الدعاء وياريت دعاءك يستمر لى
هذه الايام بالشفاء
الكلام كثير عندى وفرحتى بالعودة كبيرة
وفى انتظار التفاصيل واكثر حاجة
مفرحنى انك مش حتركز على الايجابيات
فقط من روحانيات وغيره فهذه امور
مفروغ منها فى هذا المكان الطيب
ولكن الجديد هو التكلم عن السلبيات
وماتراه العيون هناك من مخالفات
وحزبيات خاصة مع الانتشار الشيعى
والصوفى الواسع والغير امستتر
معلش رغيت كثير بس علشان كنا مفتقدينك
دمت بالف خير وتقبل الله

حفيدة عرابى يقول...

حمدا لله على سلامتك
ربنا يتقبل ان شاء الله
جزاك الله خيرا على الدعاء

mahasen saber يقول...

تقبل الله منك ويكتبلنا زيارة الروضه الشريفه ان شاء الله

وحمد الله على السلامه

ورجعت بكمية ملاحظات تهز الجبل الاخضر واخطرها حكاية التفرق والفرق اليى كل واحد ماسك فيها الايام دى
ربنا يستر علينا
الناس دى مخها راح فين مش عارفه
يا رب يفتكروا ان دينا يسر وليس بعسر

وان الرسول الكريم سايلنا الكتاب والسنه ومسيلناش فرق نتخانق عليها

وان الدين معامله وسلوك

ربنا يرحمنا وبلطف بينا

الجاى على عالمنا الاسلامى شكله اخطر واخطر

إيمان يقول...

أولا : حمدا لله على سلامتك

والحمد لله على اتمام العمره ربنا يتقبل

ثانيا : متشكرين بجد على الدعاء وربنا يجعلك نصيب من الدعوات انشاء الله

ثالثا : بالنسبه للسلبيات وحياة الغالى عندك خليها فى سرك
ولو هتتكلم عنها اتكلم معاها عن اقتراحات للوصول للأفضل أصل الواحد قلبه واجعه من كل بوز أخص
ومش ناقص خالص

رابعا : لو ممكن تبقى تعمل بوست تتكلم فى عن الصوفيه اصلى بجد نفسى اعرف يعنى ايه الناس دى

خامسا : بجد بوست رائع ومميز كالعاده

والسلام عليكم ورحمة الله وبركاته

Ahmed يقول...

حمدلله على السلامه ياجميل
وربنا يتقبل منك ان شاء الله
ويرزقنا حج مقبول ونكون جميعا ان شاء الله

مصر نورت
وحشنا كلامك الجميل

Somaya Kamal El Din يقول...

حمد لله على سلامتك

مجرد مدونة يقول...

اللهم بارك :)
جزاك الله خيرا وتقرير لذيذ وفي انتظار التفاصيل إن شاء الله :)

MaNoOoSh يقول...

حمدا لله على السلامة يا استاذ تامر

عمره مقبولة ان شاء الله
وربنا يكرمك على دعواتك للناس

طبعا احنا اللي وصلنا نفسنا للحال ده بايدينا كمسلمين


(بس يا تري جبت معاك البطانية الصغيرة.. اللي هى المصلية التقيلة دي.. وللا لأا؟)

الازهرى يقول...

ادعو الله ان يتقبلها منك ويجزيك عنها خير الجزاء

وان تكون قد تذكرنا بالدعاء فلا تنسانا كما تنسانا هنا

وما زلت ملاحظا جيدا للاحاث ومحللا لها بطريقة احبها كثيرا

التحزب والتشيع كان وما زال وسيظل ان لم نتغير نحن ونحسن من ثقافتنا الداخلية ونرقى الى ما امر به ديننا الحنيف

تحياتى دوما

Lady E يقول...

الحمد لله على السلامه وان شاء الله عمرة مقبولة
زعلانه جدا ان فاتني البوست اللي فات وكان نفسي اكون من المدونين اللي سألوك الدعاء في المسجد الحرام

بالنسبة للعمرة وبرغم جمالها وروحانيتها الا ان للأسف كل الظواهر اللي اتكلمت عليها في البوست بتظهر للأسف الشديد واعتقد ان بعضها أقل وطأه على الرجال لكن بالنسبة لينا فبكره تعنت بعض الشيوخ اللي بيحرمونا من الصلاة في اماكن كتير علشان الرجالة اولى بالأماكن دي وهما الاولى انهم يصلوا في الحرم كله واحنا مش مهم بقى علشان كده بحب اتواجد في المدينة اكتر من مكة

MǿиY El-Shreef يقول...

حمدلله ع السلامه انت كنت مسافر

طب والله نورت :)

حلم بيعافر يقول...

ربنا يتقبل يا معلم

حازم النبراوي يقول...

حمد لله على السلامة

تحياتى

عطش الصبار يقول...

حمدالله على السلامه
تقبل الله منك
واللهى يا ستاذ تامر اللى اعرفه كلماكان الظلام حالكا كلما لاح الفجر
هيبقى الاسلام ديانه عالميه لما نبطل نعتبر الدين مظاهر هيبقى ديانه عالميه لما يبقى سلوك وفعل وتسامح
غفر الله لنا جميعا
تقبل تحياتى

بـِصَمتـِـ أميرة ــــى يقول...

ههههههههههههههههه
رغم انى جيت متأخر
بس ادينى لحقت قبل نزول البوست الجديد
المس بعينى البوست ده
لانه جاى بعد وحشه
حمدالله عسلامة ياريييييس
عودون احمد ياتامر


:)
أميرة

(ملكة بحجابى )

شمس النهار يقول...

حمد الله علي السلامه
ومبروك العمره

كل كلمه قلتها عن العمره صح واكتر
انا كنت محضره سلسلة بوستات عن الموضوع ده بالكلام والصور
بس رحعت في كلامي
ليه
عشان حسيت ان الكلام مؤلم جدا
انا رحت مرتين مره اسبوعين عمره في ابريل السنه الماضيه وحج السنه دي
مش قادره اقول لك كتير كنت ببقا حزينه علي حال المسلمين اللي بالاسم بس
والله حكايات لو قلتها هتفتكرني مجنونه وتقول لي انتي كنتي بتحجي فين
وكله بالصور والفديوهات

ٌرحيـــــــــــــــــــــــل يقول...

الحمدلله على سلامتك....

والله دمك خفيف ، بس الشيعة هالوقت من السنة عندهم موسم حج، وفعلا أنا حسيت بالكلام اللي ذكرته.

تقبل الله منك...

^_^

رحلتنا في الحياة يقول...

الف الف حمدلله على السلامة ياافندم وعمرة مقبولة باذن الله ودعاء مقبول بس هو صحيح حضرتك دعيت لى ولا نسيت :)
الدين معاملة حسنة مش شعائر بتتنفذ وبس يعنى ايه الانسان يروح حج ويصلى ويصوم وسلوكياته مع غيره من البشر اسوء ما تكون ربنا يصلح الاحوال

تامر علي يقول...

المتبهـدلـون فـي الأرض

أولاً : الله يسلمك
ثانياً : حقيقي الله يسلمك :)
ثالثاً : فعلاً أنا عدت لأرض يحكمها اللوا قسراً رغم أنف الجنود

الملخص "بأسهم بينهم شديد"

الإختراق من الداخل أشد خطورة ألف مرة من الخارج

تحياتي وسلاماتي واحتراماتي :)

تامر علي يقول...

مصطفى أبوزيد

تقبل الله منا ومنكم وألف شكر لك على الإهتمام :)

تحياتي :)

تامر علي يقول...

أم مالك

تقبل الله منا ومنكم ... وألف شكر لحضرتك وطبعاً منسيتش أي حد الحمد لله وان شاء الله يستمر الدعاء

أهم حاجه ربنا ينفعنا بالكلام :))

تحياتي :)

تامر علي يقول...

لقد خلقنا الله احرارا

سلمكم الله من كل سوء ... ربنا يتقبل الدعاء بحوله وقوته .. وجزاكم خيراً كثيراً بقدرته :)

تحياتي :)

تامر علي يقول...

mahasen saber

الحمد لله دعيت لكل من سألني الدعاء في الروضه وعند الحجر ...ربنا يتقبل .

واقعنا أليم لكن لابد من محاولة الإصلاح لكل من يملك النفس والقدره على الكلام

تحياتي وتقديري :)

تامر علي يقول...

إيمان

ربنا يتقبل منا ومنكم الدعاء بحوله وقوته وواسع كرمه

السلبيات لابد من الكلام عنها في نطاق بعيد عن السلبية والإحباط طبعاً لمحاولة عرض الحلول وإلقاء الضوء والتحذير لمن لايعلم

* الصوفية سيتم تناولها في بوست ان شاء الله (وعد :)

جزاكم الله خيراً :)

تامر علي يقول...

باشمهندز البلوجر / أحمـــــــــــــد أبو العلا باشا :)

فين يا عم اللفه اللي وعدتني بيها :)


ربنا يتقبل منا العمل وييسر لنا المتابعة بين الحج والعمرة بكرمه ونكون سوياً بعون الله :)

تحياتي :)

تامر علي يقول...

Somaya Kamal El Din

سلمكم الله من كل سوء ونورت المدونة في أول تعيق الذي نرجو التواصل بعده دائماً :)

تحياتي :)

تامر علي يقول...

مجرد مدونة

بارك الله لك وفيك وتقبل منا ومنك الدعاء .... والبقية تأتي ان شاء الله:)

تحياتي :)

تامر علي يقول...

MaNoOoSh

الله يسلمك :) ونرجو من الله ان يتقبل الدعاء :)

بالنسبة للبطانية اللي زي المصلية بالظبط فكرت اجيبها والله لكن للأسف نسيت :)

المره الجاية بقه :)))

تحياتي :)

تامر علي يقول...

الازهرى

طبعاً منقدرش ننساك يا باشا ولا هنا ولا هناك طبعاً :)

ربنا يتقبل منا ومنكم الدعاء :)

واقعنا أليم ولكن لن يغيره سوانا ...ربنا يقدرنا :)

تحياتي :)

تامر علي يقول...

Lady E

الحمد لله دعيت للكل لكن اللي طلب حاجه بعينها دعيتله بيها :)

على فكرة ملاحظتش خالص ان في أي تفرقة فب الحرمين بالعكس انا مكنتش عارف أصلي في الحجر من الستات ومكنتش عارف أطوف كويس منهم برضه :)))

وفي الحرم النبوي في أوقات كبيره مخصصة ليهم

يمكن جمعية المرأة المتوحشه صوتها وصل هناك اليومين دول :)

تحياتي :)

تامر علي يقول...

MǿиY El-Shreef

أيوه أنا كنت مسافر فعلاً :)

بس نورت أحمر ولا أخضر أصل تفرق كتير :)))

تحياتي :)

Rosa يقول...

ألف حمد الله على السلامة و ربنا يرحمنا ياااااااااااااااا رب من كل بوز إخص

تامر علي يقول...

حلم بيعافر

تقبل الله منا ومنكم يا باشا :)

تحياتي :)

تامر علي يقول...

حازم النبراوي

الله يسلمك يا حازم باشا

منور دايماً

تحياتي :)

تامر علي يقول...

عطش الصبار

ان شاء الله ومتفق معك في كل لأمور ..لكن يجب ابراز نقاط الضعف وابراز الحلول حتى لا تتحول لواقع مقبول

تحياتي :)

تامر علي يقول...

ملكة بحجابى

يا فندم انت منورة دايماً حتى ان لم يكن لك تعليق :)

تقبل الله منا ومنكم الدعاء والعمل

تحياتي وتقديري :)

تامر علي يقول...

شمس النهار

كده بصره :) أنا كمان حجيت السنه اللي فاتت دي وعملت عمره في ابريل اللي قبلها :)

ومتفق مع حضرتك في كم الألم الناتج عن الواقع ولكن لا مفر من تغييره أو حتى محاولة تغييره

تحياتي :)

تامر علي يقول...

ٌرحيـــــــــــــــــــــــل

الله يسلمك ومنورة دايماً :) .... أول مره أعرف ان الشيعة عندهم حج في رجب :)

تقبل الله منا ومنكم سائر العمل

تحياتي وتقديري :)

تامر علي يقول...

ايوشة

أكيد دعيت طبعاً ... والحمد لله منسيتش حد :)

أكيد الدين ليس مقصوراً على الشعائر فقط ... لكن لا نملك الا محاولة التغيير والدعاء أن يغير الله واقعنا بنا

تحياتي :)

تامر علي يقول...

Om HAGAR

سلمكم الله من كل مكروه وأتم علينا وعليكم العافية والنعمة

اضم دعائي لدعائك وأسأل الله أن يزيح غمتنا قريباً

تحياتي :)

إبن مصر يقول...

السلام عليكم

ازيك يا تامر اعتذر طبعا على التأخير عليك وعلى كل المدونات بما فيهم مدونتى الخاصه

وارجوا منك الدعاء لى فى الأماكن الطيبه عندك ولكن دون تدافع او تزاحم فقط ولو بالقلب والنظر اليها

وكل تحياتى ومهلا على القوم فإنهم ليسوا كلهم عالمين ولكن كلهم مسلمين
ندعوا الله باالهدايه ومتنساش الدعاء

كل التحيه والتقدير

القلم السكندري يقول...

السلام عليكم

نسأل الله أن يهيئ لنا من أمرنا رشدا والمسلمين

بوركت

Ahmed يقول...

احم احم

بقالنا كتير مسمعناش منك

يارب المانع يكون خير
بس بقولك
وحشتنا

Rose يقول...

سلام :)
تقبل الله عمرتك!
أسلوب مميز، فريد، و بليغ.