الاثنين، يونيو 15، 2009

صراع الحضارات .... وكلام في السياسة




منذ أقل من 300 سنة وقبل طفرة التصوير الفوتوغرافي ثم السينما والتليفزيون كانت الإنسانية تسير في اتجاه حضاري مختلف ... اتجاه حضاري (سمعي) أي أن كل الفنون والآداب والنتاج الحضاري الإنساني كانت تتعلق بحاسة (السمع) فالشعر كان يلقى في محافل كبيرة للمريدين ... والأخبار كانت تتناقلها البلدان بالسمع ..أخبار الحروب والفتوحات والصراعات ...الخ .
حتى هذه المرحلة كانت الريادة والصدارة في الحقبة الإنسانية الأخيرة للمسلمين (لا أقول العرب بل المسلمين) ذلك لأن من حمل لواء الحضارة للعالم كان المسلمين بغض النظر عن كونهم عرب أم عجم بل نستطيع أن نقول أن النتاج العربي أقل من حيث الكم وإن كان أعمق من حيث التأثير .... خلال هذه الحقبة كان القدوة (حقيقي) والمثل (حقيقي) وذلك لأن النقل (السماعي ) لا يمكن أن ينقل غير الحقيقة كما هو معروف علمياً

فالتواتر هو نقل جمع عن جمع فيستحيل اتفاقهم على الكذب
أي أن الحدث إذا نقله جمع (لجمع) عن جمع من الناس (بنفس تفاصيله) فالعلم يقضي بصحة الخبر لإستحالة اتفاق (الجموع ) على كذبة واحدة (بالمشاهدة) حيث لايوجد حدث تاريخي مكذوب بجمع عن جمع (هكذا وصل إلينا القرآن والسنة والعلوم )



فإذا قفزنا بالزمن إلى عصرنا الحالي وجدنا كل أوجه الحضارة (بصرية) ... الإعلام ... الآداب ... الفنون .... كلها تركز على البعد البصري للإنسان وبذلك سهل جداً التلاعب بها و(توجيهها) فمن يملك نقل (الصور) هو من يصنع الحدث ويوجه الحضارة ويملك المصداقية .



سوبرمان ... باتمان ... سبيدر مان ..... البطل (الخرافي) هو البديل للبطل (الحقيقي) ...خالد بن الوليد ...عمرو بن العاص ...محمد الفاتح .... لذلك كان على الرمز الحقيقي أن ينزوي (أو هكذا أريد له ) ليظهر البطل الآخر ... والقدوة الأخرى ... والحضارة الجديدة ... أو الخرافة الأخيرة التي توحي لك أن (آمريكا ) دولة لاتقهر وأنها تملك من العلوم ما تسيطر به على الكون ... وأنها تنقذ العالم كل يوم 10 مرات (في الأفلام) وتلح عليك بالفكرة لتظل كما أنت (مهزوم).


هل تستطيع أن تكذب عينيك ؟؟؟؟ لا يمكنك ..... لكنك تستطيع أن تكذب أذنك (وإن كانت أصدق)


سنوات طويلة .... كان على (المنتصر) فيها أن يمحو هوية (المهزوم) وأن يخلق له البديل الذي يتعلق به ويملء به حواسه كلها ....

__________________________

* أحداث 11 سبتمبر يراها العالم كما أراد ناقلوها
- يخرج علماء من نفس بلادهم باستحالة هدم البرجين بهذا الشكل بهذه الطريقة
- آخر استطلاع للرأي بجامعة كولومبيا الأمريكية يفيد بأن 60% من أفراد العينة يعتقدون أن الحكومة الأمريكية وراء الأحداث أو متورطة فيها
- يظهر تقارير لشهود عيان في ساعة حدوث الحادث يفيدوا بأنهم لم يروا طائرات في ذلك الوقت
- يغزو جورج بوش بلدين اسلاميين بحجة محاربة الإرهاب
- القضاء الأمريكي لايملك أي أدلة تدين المشتبه فيهم في أحداث 11 سبتمبر
- يخرج علينا من بلادنا من ينعق بمحاربة الإرهاب ويدين الأحداث .... ويتبنى القضية أكثر من الأمريكين
- تضيع الحقائق في تيه التضليل الإعلامي والمقاصد السياسية والبحث عن الحقيقة
- يسدل الستار والمتضرر الوحيد هو (المهزوم)
__________________________________

* تتعالى تصريحات الغرب ضد المسلمين ...
- فتارة يصرح بوش بعودة الحروب الصليبة
- وتارة يصفهم بيرلسكوني بالهمجية والتخلف
- وتارة يصفهم (البابا) الجديد بالبربرية والتوحش
- تضيع التصريحات بين ادعاء أخطاء الترجمة و اتهام آخر بعدم فهم التصريحات على حقيقتها ... والتصريح بالنقل عن مصادر (أخرى)
- رد الفعل الوحيد لمن (يرى) هزيمته على كل الأصعدة هو (الاستياء)

__________________________________

*يحضر الرئيس الجديد لأمريكا إلى مصر ليلقي خطاباً (تاريخياً)
- يؤكد على أن علاقات بلاده بإسرائيل بلا حدود
- لا يعطي أي وعد بأي شيء جديد
- يستعمل آيات من الكتب السماوية
- يتكلم عن صفحة جديدة
- نؤكد للمرة ال(بليون) بأننا بهائم لاتفهم شيء عن السياسة ولا تفهم حتى مجرد الخطاب الموجه لها ونتكلم عن (بداية جديدة لمرحلة جديدة من الخزي السياسي) ... حتى أحقر الشعوب وأكثرها بدائية (ووثنية) تعرف مصالحها ... حتى البهائم تفهم الاساءة ...بينما نحن نصر على (بداية جديدة) مع (المثقف الأسمر)

__________________________

في الماضي دارت معارك رهيبة ..... في الشام .... في الأندلس .... في عمق أوروبا ..... في كل مكان .... نتج عنها وجود شعوب في أماكن جغرافية ..... ولكن بعد أن استدارت يد الحضارة في يد (الآخر) نسيت الشعوب ماضيها ولم تعد (تبصر) إلا مواطيء أقدامها .


هل تحسب الغرب نسي الأندلس ؟؟؟..... هل تحسب الغرب نسي القسطنطينية ؟؟؟ .... هل تحسب الغرب سينسى بيت المقدس ؟؟؟
فقط نحن نسينا ..... هل تعلم المعارك التي دارت على أرضك كي تأتي وتعيش ... وتلعن (عصور الظلام) .... هل تعلم الدماء التي سالت حتى تأمن في بيتك وتلهو مع أطفالك .

أقل ما يجب عليك أن تعلم من أنت .... إقرأ تاريخك .....

البداية والنهاية ....فتوح البلدان ... تاريخ دمشق .... تاريخ الطبري

لا وقت لديك ؟؟؟؟

اسمع

اسمع ... الدكتور راغب السرجاني
http://www.islamstory.com/multimedia.php?cat_id=33


الدكتور جمال عبد الهادي
http://www.islamway.com/?iw_s=Scholar&iw_a=series&series_id=2065


إفعل أي شيء حتى تعلم من أنت ..... فهم لم ينسوا أنفسهم .... ولن ينسوا ما كان

_______________________
_______________________

ملحوظة : أنا مسافر كمان 3 أيام السعودية مأمورية ولن أكون متواجد حتى بدايات الشهر القادم وبعون الله هاعمل عمرة (مش ممكن أكون هناك ومااعملش :) .... اللي عاوزني أدعيله يقول في التعليق ويقول عاوزني أدعيله بإيه ويقول اسمه لأني مش هاقعد أقول بوسبوس وتوتوس ونونوش في الحرم ...ماشي :)

إلى اللقاء بإذن الله

السلام عليكم ورحمة الله وبركاته :)

هناك 63 تعليقًا:

غير معرف يقول...

انا بدراوى
بس مش عامل تسجيل دلوقتى

ادعيلى معاك

اسمى احمد بدراوى

معلش مش حرفع اقرا البوست كله
انا بحضر لأجازة من التدوين
سلام

شمس النهار يقول...

اولا تسافر وترجع بالسلامه ان شاء الله
بالنسبه للعمره ادعي للناس كلها هو ربنا عارف مدونة توتس لصاحبتها نونس :)
ماتخافش وبعدين المدونين بياخدوا ساعه لوحدهم يعني بتقضي ساعه تاخد في ثواب الدعاء للغير
ادعي انت بس واتكل علي الله
ادعي لي اروح هناك تاني اظن مافيش اسهل من كده
تقول يارب خاللي شمس ترجع هنا تاني

انا اصلا جايه اقول اني هعمل التاج الان توا


الاقي بوست عايز عشر ساعات الواحد يعلق عليه

انا هعلق كده دلوقتي وبعدين ارجع بعد التاج اقعد براحتي اعلق

عجباني جدا فقرة اوياما هذا الاراجوز
تفتكر هو ليه طلع لحسني السلالم جري كان ناقص يقول احمممممممممممممد منننننننننننننننني
تفتكر ليه الرياضه الرئاااااسيه
دي

وتفتكر هو ليه راح مسجد ده بالذات(السلطان حسن)
طبعا احنا عارفين ان التوئمين دول فيهم مقابر العائله المالكه وكمان شاه ايران
ايه كان رايح يقرا الفاتحه

والا زي البسطاء ماقالوا ده كان رايح يصلي الضهر اصله مسلم زي ابوه حسين

ماحدش راضي يجاوبني علي السؤال ده خالص
لييييييه

تروح وترجع بألف سلامه

ايوشة يقول...

تروح وترجع بالسلامة ان شاء الله وعمرة مقبولة باذن الله بس على راى شمس النهار ادى لتوتس وننوس ربنا عارف هم مين
بس انا هقو اسمى وعايزة دعوة كده وربنا يتقبلها منك باذن الله قول يااااااارب آيات تكونى فى الحرم السنة الجاية هى دى الدعوة اللى انا عايزها

اما بخصوص البوست مفيش كلام تانى هيتقال بعد اللى حضرتك قولته احنا فعلا نسينا احنا مين ونسينا تاريخنا وماضينا بقينا بدور على ناس من برة ترجع لينا مجدنا
لا حول ولا قوة الا بالله هقول ايه غير ربنا يعز الاسلام والمسلمين من تانى ويعز العرب كلهم

ستيته حسب الله الحمش يقول...

ربنا ان شاء الله ييسر لك عمرة
انا عندي قائمة دعوات مسجلة حقوق الطبع والنشر بتاعتها
بس مش ها اشغلك
انت ادعي لي بالصحة ودوام الستر وسعادة الدارين وأن يقر عيني بأبنائي ولا يحرمني صحبة زوجي
وان ييسر لي الله الحج والعمرة مرات ومرات ويمنحني مقامة في مكة ان شا الله شهر واحد بس .. شفت انا بسيطة ازاي؟

نفسي اروح مكة والمدينة وانا مش ورايا شيء غير اني اعبده ولا شغل ولا وش

احيك على البوست
عارف مين فعلا اللي نفوخه تاعبه؟
اللي بيقرأ كتير وخاصة التاريخ

الحمد لله احنا "اغلبنا" أُميين

تحياتي وخالص تمنياتي بأيام سعادة في الحرميين

مسدس صغير يقول...

انها الحقائق التى لا يمكن ان يكذبها التاريخ
وهو ما رأيناه بأعيننا من احداث
ولكن الممكن ان يغير التاريخ مفاهيمنا عن هذه الحقائق
اشكرك على البوست الاكثر من رائع
ادعيلى فى الحرم انى احج بيت الله عاجلا وليس اجلا طبعا متقولش مسدس صغير لأن ده ممنوع فى الحرم
قول صلاح

بتاع مسدس صغير

ههههههههههههه
ربنا يتقبل منك
ويرجعك بالسلامة

MaNoOoSh يقول...

فعلا احنا علشان نسينا تاريخنا فتوهنا فى حاضرنا وكمان مستقبلنا عليه سحابة سوداء
هم قروا تاريخنا كويس قوي وعمرهم ما بينسوه.. علشان كده عرفوا يعملونا زي العرايس الماريونيت

ربنا يوفقك في شغلك وعمرة مقبولة ان شاء الله.. وادعيلي معاك انا اسمي منى.

حتى تشرق الشمس يقول...

السلام عليكم ورحمة الله وبركاتة
ما شاء الله عليك
دائما بتدينا معلومات جمدة جدا
والله جزاك الله خيرا كثييييرا
وتروح وترجع بالف مليون سلامة
ويا ريت تدعى لمامتى بان ربنا يرحمها
وتدعيى لسلى ان ربنا يهديها وتدعيلى انا وباباها ان ربنا يقوينا على تربيتها
دمت بالف خير
ولو مفتكرتش انك تدعلنا مفيش مشاكل خيرها فى غيرها
وتروح وترجع بمليون سلامة

dr aly khamis يقول...

السلام عليكم
انا مش هقدر اقرأ بتركيز دلوقتى علشان عايز انام جداا
هااااااااا( ده انا بتاوب بس )
بس لو جاى جدة قوللى يمكن اقدر اتشرف بمعرفتك؟؟؟
ان اسمى طبعا واضح ...مصطفى السيد....هههههه

سارة احمد يقول...

تيحي بالف سلامة ياتامر...ربنا يتقبل منك قادر ياكريم...ادعي ليا بالله عليك ربنا يوفقني...ويخفف عني...ويبعد عني شر شيطان الانس والجان...ويخلي ليا بناتي واهلي يهدي لي العاصي...وينجحني واخلص القصة الخيال علمي الي بكتابها...وانجز بقي المتعطل ...بالنسبة للبوست حقرأه اول ما افوق بجد وانا قربت ...انا اسمي سارة احمد

لقد خلقنا الله احرارا يقول...

شكرا جزيلا على النصائح الغالية
ربنا يبارك لنا فى اوقاتنا ونرجع للقراءة من تانى
اما العمرة فربنا يتقبل ان شاء الله
ياريت حضرتك تدع لى بالهداية وربنا يرزق والدتى الصحة والعمر الطويل

د. ياسر عمر عبد الفتاح يقول...

لا شوية كده وأجيلك إن شاء الله
الموضوع شكله كبير ومش هينفع يتكروت

حواء يقول...

ان شاء الله لازم نقرا
الامتحانات خلصت وبصراحه القرايه مفيده جدا
وحابه اعود بنتي عليها
اما بخصوص السفر
فتروح وترجع بالسلامه يارب لزوجتك واولادك
انا اسمي ايمان جابر
ادعيلي ان ربنا يجرني من النار ويجعل فاطمه ذريه صالحه ويهديها
وجزاك الله خير
وربنا يقدرك علي الدعاء للجميع

ابو المفاصل الواصل يقول...

تجميل القبح
اقتصر دورنا على تجميل القبح وليس تغييره
ولنا ابداعات بديعة فى تسويق القبح وتسيره
اما الجمال فشجره مال وكعب داير تم تدويره
برجال بقوة الافيال وعقل البغال تم تــصـد يره
و بقية الخيال الخالى من الاستهبال يتم تحويره
ليصب فى خانة قبح تقبح وبالحسن يتم

Om HAGAR يقول...

تدوينة رائعة علنا نتعظ و نزرع التاريخ في عقول أبنائنا و نوعيهم على القدوة الحقيقة و ليست المزيفة فالأمل فيهم و ليس فينا.

رحلة عمل موفقة و عمرة مقبولة إن شاء الله تعالى

عايزاك تدعي لي؟ يا رييييييييييييييت

ادعي لمحمد ابن فادية بهدوء البال و سعة الرزق
ادعي لهاجر بنت فيروز بصلاح الحال و الهداية
ادعي لمحمد ابن فادية و فيروز بنت نجوى بالسعادة و الرضا
ربنا يبارك لك و ترجع بالسلامة إن شاء الله

Om HAGAR يقول...

صحيح و في دعوة مهمة جداً ادعي لنا ربنا يأذن لنا بزيارته في القريب إن شاء الله

د. ياسر عمر عبد الفتاح يقول...

إيه كل القضايا دي؟
الإعلام , والتاريخ , والقدوة , وأوباما والسياسة

طبعاً كالعادة هكتفي بالوجبة الثقافية الدسمة الموجودة بين طيات كلماتك .. ومش هلاقي إضافة

ادعيلي ربنا يؤتيني في الدنيا حسنة وفي الأخرة حسنة ويقيني عذاب النار

وطبعاً مش هقلك اسمي .. انا اشهر من كده ,,, ولا إيه؟ :):);)

أم مالك يقول...

مبارك مبارك والله تستاهل
ان تتواجد فى هذا المكان وتعمل العمرة المباركة تقبلها الله منك
اما عن الدعوات خد عنك
ام مالك بالصحة وتخفيف الام المرض
ولادى بسعادتهم وراحة بالهم
قبل دول استحلفك بالله ان تقول وانت امام الكعبة
فى اقرب فرصة يارب تكون ام مالك مكان هنا استحلفك بالله اوعى تنسى هذه الدعوة بالذات
ياريت تدخل عندى بسرعة تترك بصمتك
على البوست الجديد
نسيت بالنسبة للبوست حترجع بالسلامة تلاقينى معلقة عليه
الف سلامة وترجع بالسلامة باذن الله

أحمـــــــــــــد أبو العلا يقول...

تامر بك كعب الغزال

"سوبرمان ... باتمان ... سبيدر مان ..... البطل (الخرافي) هو البديل للبطل (الحقيقي)"
طبيعي لما يكون مستوى معرفتنا -مش هقول ثقافتنا- عن عظماءنا بالشكل ده
لما اكلم واحد عن صلاح الدين الأيوبي ويبدأ يعارضني ويقولي لاااااا ده كان مصري ايه ياعم انت مشفتش احمد مظهر وهوا بيركب الحصان ولا ايه؟ تبقى المناقشه انتهت

لما واحد يعرف ان عمر بن عبد العزيز هوا هوا نور الشريف وان قطز هوا أحمد عبد العزيز اللي قتله جمال عبد الناصر في المسلسل, يبقى طبيعي جدا ان البطل الحقيقي يبقى سوبر مان, على الأقل لا يوجد اختلاف على شخصيته


***************

بص انا لا اسلم بنظرية المؤامره, لكني مؤمن بأن كلام مبارك -وده من الاستحاله اني اتفق معاه لكن معلش المره ديه- عن العمليه كان كلام دقيق. الراجل قال ان العمليه مستحيل يقوم بيها شوية ناس بيدربوا في الصحراء, ديه طيارات كبيره جدا ومحتاجه تدريب عالي مره واتنين وتلاته عشان تحقق اصطدام بالدقه ديه, ياجماعه ديه طيارات جامبو
ايا كانت الحقيقه, المهم ان الأحداث تم استغلالها الاستغلال الأمثل. وبقى الأرهاب هوا المترادف الحقيقي للاسلام

**************

عمنا اوباما كلنا نقفله باحترام, الرجل جده وضحك علينا وكلنا انبسطنا من غير مايقدم اي شئ, لازم نحترم ذكاؤه ونبكي على غباءتا
على فكره رجعوا الزباله تاني مكانها بدون ادنى غلط

*************

ربنا يتقبل منك, معلش هشيلك دعوتين كده
ادعيلي "ربنا يهديني" وادعيلي بصدق ان "ربنا يرزقني الحج والعمره" واخيرا ادعيلي وقول
"اللهم ارزقهم من كل خير سألك منه عبدك ومصطفالك محمد صلى الله عليه وسلم, واعذهم من كل شر استعاذك منه عبدك ومصطفاك محمد صلى الله عليه وسلم"
اهم تلات دعاوي, معلش هنشيلك معانا كتير

ياريت تطمنا عليك لما توصل, او على الأقل ابعتلي على الميل بتاعي Ahmed.cseng@gmail.com
نفسي يكون في بينا بجد تواصل اكتر من التعليقات لأني "احبك في الله"



طولت عليك؟ ياسيدي قولي طول براحتك

د/عرفه يقول...

أولا متنساش تدعيلى هناك
وبالاسم
ألا والله هزعل منك

بالنسبة للموضوع أظن إنهم عارفين إن الاسلام قوة ممكن تصحو فى اى وقت

فبعدما تخلصو من الشيوعية اصبح الدور على الاسلام فسعوا لهدمه بطرق شتى


علينا ألا ننسى اننا ارباب الحضارة
واصحاب البطولات
ومكانة الاسلام لابد وان تعود كسابق عهدها

إيمان يقول...

دايما العلم والمعرفه لما بيجى من أصوله بيكون غالبا بدون تزوير
بيكون فعلا نور ينور العقل مش معرفه من بتاعة صفوت الشريف وفاروق حسنى
غريب جدا حالنا وغريب اللى وصلنالوا
بوست بجد اكتر من رائع
رحله موفقه ان شاء الله وربنا يتقبل منك العمره ان شاء الله
وياريت تدعيلى بالعفو والعافيه فى الدنيا والاخرة وان ألقى الله بوجه سليم
تحياتى وسلامى وتروح وترجع بالف سلامه

قلب ارهقته الاحلام يقول...

بوست اكتر من رائع طبعا مش انا ال اقيمة :)

هو ذو قيمة مادام اقترن بيه اسم حضرتك ^^

فعلا حقائق ثابته و مرئية لمن يري او من يسمع ولكنهم طمسوا معالمنا ونحن كنا ذراعهم الايمن في ذلك

ترجع بألف سلامة ان شاء الله ويارب يتقبل منك بإذن الله

وياريت تدعيلي بالهدايه وزيارة بيت الله عاجلا وليس آجلا

غادة ,,, اوعي تنساني ,,, واوعي تكون مشيت :)

دمت بألف خيررر يارب

وترجع بألف سلامة

تحياتي ,,,

مجرد مدونة يقول...

ربنا يكرمك يا مجرد يا ابن مدونة
هههههه

ادعى لى بالشهادة
جزاك الله خيراااا
وإن شاء الله تترد لك :))

hager za3bal يقول...

عندك حق..
كل حاجه اتنست.. وكل المفاهيم اتبدلت واتغيرت.. للأسف..

وتروح وترجعه بالسلامه
ابقي ادعيلنا معاك..:)

GiGi worled يقول...

الله
الله الله
ربنا يباركلك ويعزك
تمام جدا طيب نعلق نقول ايه
عجبنى قوى موضوع البطل الخرافى دي باتمان ونسيت هركليز على فكره
المهم ادعيلى بالثبات على الدين وبالهدى والتقى والعفاف والغنى
تيجى بالسلامه وعمره مقبوله ان شاء الله
جهاد

dr aly khamis يقول...

السلام عليكم و رحمة الله و بركاته
أخى الكريم ا / تامر
جزاك الله خيرا
و الله كلامك ما شاء الله مُسَدد
أفكار واضحة و عاقلة و مرتبة
اتفق معك فى كل كلمة
احييك كمان على روابط د / راغب و د/ جمال
الدكتور راغب أهم ميزة فيه القراءة التحليلية للتاريخ و ده مهم جدا فى عصرنا لكى نفهم ما يدور ..
فالتاريخ يعاد و يكرر نفسه

بارك الله فيك
تقبل خالص تحياتى
بالمناسبة
مين مصطفى السيد ده؟؟؟!!!! :)

ابو المفاصل الواصل يقول...

كلى الم وضيق لعدم وجود الانسان لمخاص الصديق
وان اوجدنه فبشروط مجحفة اكثر الما واكثر ضيق
ولا اغرف سببا لهذا الامر السىء والحظ الصفيق
وحظى معاهم ما تقولش ...اقلهم تخصص حريق
بوجه ناعم الملمس ثعبانى وانعم من فينو الدقيــــق
ومخالب نمر شرس وعقل وفكر خاين زنديـــــــق
واعتقاد بصواب عمله وفى ضلاله مستمر ولا يفيق
برغم اشارات الله له ولكنه كمن دفن نفسه فى ابريق
==============

غير معرف يقول...

متهيألي أنا بالذات مينفعش معلقش



حقيقي يا تامر احنا الاصل وهما الصورة


تصور يا تامر اني اكتشفت ان فيلم
face off

منحوت من الفيلم العبقري اللي بالي بالك

كده عيني عينك


-------------


عمرك تخيلت الحياة قبل سارتر وماركس وكافكا؟؟


بالمناسبة يا تامر حارة الزنوج اقللللللل بكتير ان براد بيت يفكر فيها


سيبك انت مهزوم مش مهزوم


للمهزوم رب يحميه

ترجع بالسلامه
والدعا طبعا امانة

(كالاتي اللهم انصر الموديرنيزم وأخسا كليلة ودمنة)

ميراااااااا

جريدة الصباح العربي يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/groups.php?ref=sb#/group.php?gid=78080770039
انتهينا من مسابقة العدد الاول ونحتاج كميات أكثر من القصص لباقي الاعداد
العدد الاول سيكون في يوليو وقد قمنا بتأجيله نظراً للامتحانات الدراسية وسنكون بالاسواق بعدها ...
المسابقة ستكون دورية نريد أن نظهر أكبر عدد من الأدباء الشباب الى النور
تحياتي للجميع

mimi يقول...

الف الف مبروووووووووووك

بجد فرحتللك جدا ...

http://advsarab.blogspot.com/2009/06/blog-post_22.html?showComment=1245677152161#c7374220927420802427

mahasen saber يقول...

اولا البوست من اقيم ما يكون واجمل ما عجبنى فيه تركيزك ان انتصارات الحضاره الاسلاميه كانت بفعل المسلميين قاطبه يعنى مشس العرب بس والدليل فعلا ان اعظم واجل علماء الحضاره كانوا عجم
حتى الائمه ورواة الحديث زى البخارى وابن سينا وغيرهم

ربنا يكرمك البوست من اجمل ما يكون

mahasen saber يقول...

ثانيا تسافر وترجع بالف الف سلامه

بس ان امكن وافتكرت ان امكن
ادعى لوالدى بالرحمه والمغفره وابنى بالصلاح
ولو نسيت ابدا مفيهاش اى حاجه

مش عارفه اصلا انا مكسوفه انى اطلب واترددت بس لعل وعسى الدعوه تكون مجابه
واهه ثواب ليك وللمدعى ليه

المهم تروح وترجع بالف سلامه

جريدة الصباح العربي يقول...

انتهينا من اختيار الفائزين في مجالي الشعر والقصة القصيرة وذلك لعددنا الأول ولكن مازلنا نرحب بكل الأعمال لأن المسابقة دورية , من يريد أن تصل أعماله من مدّونته الى جمهور القراء فى مصر والوطن العربي , ارسل لنا أعمالك من قصة وشعر وخواطر الى البريد الألكتروني التالي
arabicsabah@yahoo.com
كما نرحب بمقالاتكم التي ستنشر فور ارسالها على جروب الجريدة وستصبح مفتوحة لمناقشتها بين القراء ... تابعونا على جروب الجريدة
http://www.facebook.com/group.php?gid=78080770039
انتظرونا قريباً في الاسواق
تحياتي
الصباح العربي

Hossam يقول...

حبيب قلبى وصديقى تامر على
اسف للتقصير فى حقك
وحشتنى جدا بجد
الموضوع فعلا جميل والفقارت اللى تحت فكرتنى باهم الانباء
ربنا يا رب يكرمك فى سفرك
وعايزك تدعيلى وتقول
ان ربنا يهدينى ويقربنى منه ويبعد عنى الشر ويكتبلى الخير مهما كان اثرة النفسى عليا ويهدينى للصح ويحطنى فى المكان المناسب
اسمى حسام شاهين
تحياتى صديقى

المتبهـدلـون فـي الأرض يقول...

عقل واع


(ما شاء الله)

تامر علي يقول...

أ/ بدراوي

تم التنفيذ يا باشا :)

أجازة سعيدة ونتمنى دوام التواصل

تحياتي

تامر علي يقول...

شمس النهار

تم التنفيذ يا فندم وان شاء الله تكوني هناك بأسرع مما تظنين :)

تحياتي

تامر علي يقول...

ايوشة

تم التنفيذ :) وان شاء الله تكوني هناك سريعاً جداً

تحياتي وتقديري :)

تامر علي يقول...

د/ستيته حسب الله الحمش

تم تنفيذ القائمة وقائمة اخرى احتياطية وعلى الله الاجابه :)

تحياتي :)

تامر علي يقول...

مسدس صغير

دعيتلك ربنا ييسر لك حج البيت ويعجل لك بذلك .... ان شاء الله تكون هناك في اسرع وقت بس سيب المسدس في البيت علشان بيفتشوا اللي داخل :)

تحياتي :)

تامر علي يقول...

MaNoOoSh

تم تنفيذ قائمة الدعاء العامة لكل اللي مطلبش حاجة معينة :)

- تمام العافية في الدنيا والآخرة
- سعة الرزق وطول العمر مع حسن العمل
- سعادة الدنيا والآخرة
- تيسير الامر وكشف الهموم وتفريج الكروب
- اجابة الدعاء

دي القاتمة العامة للي مطلبش حاجة بعينها :)


تحياتي :)

تامر علي يقول...

dr aly khamis

تصدق فعلاً أنا قضيت 4 ايام في جده :)))))
زي مايكون قلبك حاسس :)

مين زكي جمعه ده

تم تنفيذ قائمة الدعوات العامة (انظر فوق :)

تحياتي :)

تامر علي يقول...

سارة احمد

تم التنفيذ :) وعلى الله القبول :)

تحياتي :)

تامر علي يقول...

حتى تشرق الشمس

تم التنفيذ يا فندم وربنا يتقبل منا ومنكم :)

تحياتي :)

تامر علي يقول...

لقد خلقنا الله احرارا

تم التنفيذ وعلى الله القبول :)

تحياتي :)

تامر علي يقول...

د. ياسر عمر عبد الفتاح

تم التنفيذ ... ومع ان الدعاء بسيط لكن جامع :) وربنا يتقبل

تحياتي :)

تامر علي يقول...

حواء

تم التنفيذ وتقبل الله منا ومنكم :)

تحياتي :)

تامر علي يقول...

ابو المفاصل الواصل

كلمات جميلة

دمت بخير

تحياتي :)

تامر علي يقول...

Om HAGAR

طبعاً علشان منساش كتبتهم في ورقه :)

تم التنفيذ وربنا يتقبل الدعاء

دمتم بخير :)

تامر علي يقول...

أم مالك

انا كتبتهم في ورقه برضه علشان منساش :)

تقبل الله منا ومنكم الدعاء

دمتم بخير :)

تامر علي يقول...

أحمـــــــــــــد أبو العلا

تم تنفيذ كل الدعوات يا باشا :)

ربنا يتقبل منا ومنكم

تحياتي :)

تامر علي يقول...

د/عرفه

أنا دعيت لكل واحد بالاسم علشان متزعلش :)

وعلى الله القبول :)

تحياتي :)

تامر علي يقول...

إيمان

تم التنفيذ يا فندم وتقبل الله منا ومنكم :)

تحياتي وتقديري :)

تامر علي يقول...

قلب ارهقته الاحلام

الحمد لله منسيتش حد :)

وتم تنفيذ الدعاء يا فندم وادعيلنا ربنا يتقبل :)

تحياتي :)

تامر علي يقول...

مجرد مدونة

ده انت يا اخي بخيل بخل

بالشهادة بس ؟؟؟؟؟

طيب خلاص ..... وكمان تم تنفيذ قائمة الدعوات العامه معاها :) (انظر أول الردود )

تحياتي :)

تامر علي يقول...

hager za3bal

تم التنفيذ يا فندم :)

ربنا يتقبل ومنا ومنكم :)

تحياتي :)

تامر علي يقول...

GiGi worled

تم التنفيذ يا فندم وعلى الله القبول :)

تحياتي :)

تامر علي يقول...

ميراااااااا

انت بالذات فقعتك دعوه ربنا يجعلها من نصيبك :) مش هاقولها طبعاً ...اللهم أخساء الموديرنيزم :)

تحياتي :)

تامر علي يقول...

mimi

مبروك عليك يا فندم :)

شكراً جزيلاً على التهنئة ونرجو لك دوام التوفيق والتقدم

تحياتي :)

تامر علي يقول...

mahasen saber

ليه بس يافندم ؟؟ مفيش كسوف ولا حاجه :)

تم التنفيذ وربنا يتقبل منا ومنكم الدعاء :)

تحياتي :)

تامر علي يقول...

Hossam باشا :)

تم التنفيذ يا باشا :) ربنا يتقبل منا ومنكم ... شكراً على المتابعة :)

تحياتي وتقديري :)

تامر علي يقول...

المتبهـدلـون فـي الأرض

شكراً يا باشا وزادنا الله واياك وعياً على وعي :) (لحد ما نبقى زي الأوعيه :)

تحياتي :)

المتبهـدلـون فـي الأرض يقول...

إيه ده ..دا حضرتك رجعت

ولا بترد علينا من الحرم ؟؟

بجد إنت واحشني جدن , وكان من أمنياتي وأنا بمتحن إني أقعد قدام مدونتك وأقراها كلها ... وقد تحقق

المهم لو حضرتك لسه هناك .. هاتلي معاك سبحة وطاقية وشوية حنة .. ومافيش مشكلة لو جبت جركن بترول ..من الدمام (إركب مكيروباص ..أو تكتوك)..أتاري الشمس نورت ..وبقت حر جدن ("_")

تامر علي يقول...

المتبهـدلـون فـي الأرض

أنا رجعت الحمدلله :) ولو على السبحة والطاقية بسيطة أما بالنسبة للبترول فمفيش أقل من برميل هناك ولو عاوز فرط ممكن تقف جنب أي بير وهما بيخرجوه وتاخد وش القفص وهو لسه خارج وبيلعب :)

تحياتي :)