الثلاثاء، يونيو 02، 2009

لو لم أكن ....... لوددت












* لو لم أكن مصرياً لوددت أن أكون اسكندرانياً .... ليس لأنني أحب الطبيعة البكر ... ليس لأنني أعشق البحر والتهام الأسماك.... ولكن حتى إذا رأيت ما لايعجبني بمصر ... أشرب من البحر



* لو لم أكن انساناً لوددت أن أكون عصفوراً ..... ليس لأنني أعشق الحرية .... ولا لأنني أحب السفر .... ولكن لأقضي حاجتي على رؤس (البعض) دون أن أتعرض للتعذيب والتنكيل









* لو لم أكن موظفاً لوددت أن أكون "نصّاباً" ..... ليس لأنني أهوى جمع الأموال .... ولا لأنني أحلم بالثراء السريع .... ولكن لوجود مقر للحزب الوطني بجوار المنزل وطالما أردت أن أعمل بجوار المنزل







* لو لم أكن مقهوراً لوددت أن أكون زعيماً ..... ليس لأنني أحب السطوة والجاه ..... ولا لأنني أريد أن أتحكم بمصائر الشعوب .... ولكن (لأستقيل) فأدخل التاريخ بوصفي الزعيم الوحيد الذي ترك الزعامة وهو (على قيد الحياة)






* لو لم أكن قد بلغت من العمر أرذله لوددت أن أكون طفلاً رضيعاً .... ليس لأنني قد تعبت من صراعات الحياة القاتلة ..... ولا لأنني أريد أن أرتاح من كافة المسؤليات التي تثقل كاهل الرجال .... ولكن لأنني (مكسل ) أدخل الحمام كل شوية وأحسد الرضع على (البامبرز)





* لو لم أكن متزوجاً (مرة واحدة) لوددت أن أكون متزوجاً (أربعة مرات) .... ليس لأنني أريد أن أجن .... ولا لأنني أعيش في زمن آخر ... ولكن لأثبت لكل المتشائمين الذين يسبون الزواج أنه تجربة فريدة وجميلة وجديرة بالتجربة أكثر من مرة وأثبت كذلك للأوغاد الذين يهاجمون المرأة أنها أكثر الكائنات القابلة للتعايش







* لو لم أكن قد فقدت القدرة على الدهشة منذ زمن بعيد لوددت أنني مازلت أستطيع الدهشة .... ليس لأنني أفتقد هذا الاحساس الجميل .... ولا لأنني أفتقد الاحساس الحلو بالمفاجئة ..... ولكن لأن التعبير الوحيد اللائق بعد قراءة الصحف القومية هو الغثيان والرغبة في القيء ومزيج من القرف والدهشة من كم النفاق والتضليل اليومي والذي لاتملك حياله إلا الامتعاض والدهشة عن كيف يستطيع قلم أن يكتب بكل هذه القدرة على النفاق والقرف








* لو لم أكن مفلساً لوددت أن يكون لي خمسمائة ألف بليون دولار استرليني ..... ليس لأنني "أبو الأطماع "في قصص الأطفال .... ولا لأنني أريد أن أعيش حياة البذخ .... ولكن لأن ما أريد انجازه ومساندته من قضايا لا يكفيه عدد معقول ولا عملة موجودة من المال .









* لو لم أكن ولدت في هذا العصر لوددت لو كنت في العصر الحجري ...... ليس لأنني أمقت المدنية الحديثة بكل أشكالها وألوانها .... وليس لأنني أرى الحضارة الحديثة تسير بالإنسان نحو الهاوية ..... ولكن لأن ذلك العصر لم يكن فيه "شغل" ولا "مدرسة" ولا "مهر وشبكة"








* لو لم أكن عاقلاً لوددت أن أكون "مهبولاً " ليس لأنني أريد أن أتخلى عن مسؤلياتي ..... ولا لأنني تعبت من التكاليف .... ولكن لأصدق وعود المسؤلين بأن غداً أفضل من اليوم وأننا نعيش أزهى عصور الديمقراطية وأن ما هو موجود أفضل المتاح وأنهم سوف "يوردوا على جنة"






هناك 78 تعليقًا:

Ahmed يقول...

مش عارف بيتهيألي كده انك بتعترض على الواقع
غريبه جدا
طبعا اكيد التهيأ ده غلط
اكيد انت راجل عاقل وعارف مصلحتك فين وكل يوم الصبح وانت في المترو بتغني وتقول انا وطني وطني وبطنطن على كل الأوطان ياوطنطن

صح ولا في حد غيرنا غلطان؟
هههههههه

مش عارف اقولك ايه
شوف ياتامر بك كعب الغزال, احنا كويسين بس انت ولا انا ولا اي حد واخد باله, ليييييييه؟ عشان هما قالوا كده. وطبعا هما مش بيكدبوا عشان هما بيشتغلوا عند ابله نظيفه والقطنه مبتكدبش

وقريب قوي هنشرب من البحر

Ahmed يقول...

واحب اقول انا اول تعليق

تامر علي يقول...

باشمهندز أحمد باشا أبو العلا

لا لا يا أخي اللهم لا اعتراض :)

احنا كويسين جداً وهما كمان كويسين ... الوحشين خلصوا خلاص :)))

تحياتي يا باشا ومنور كل المناطق المحيطة :)

رحلتنا في الحياة يقول...

وانا هقول لو لم اكن قريت البوست ده كنت قعدت مخنوقة لبكرة الصبح
هههههه بجد والله البوست تحفة يحمل معانى كتير جداااا باسلوب دمه خفيف زى ما عودتنا دايما بس حلوة موضوع البامبرز ده
اتارى كل الناس عايزة ترجع اطفال تانى :)

حازم النبراوي يقول...

خبر هاااام جدااا

تم تخصيص حلقة كاملة عن مدونتى راديو العرب الحر على اذاعة البرنامج العام (جمهورية مصر العربية)

واسمك وتعليقك على موضوع (لغتنا الجميلة) هيذاع بحلقة خاصة يوم الاحد القادم 7/6 على راديو اذاعة جمهورية مصر العرببة(هنا القاهرة)
برنامج انت تسال والكمبيوتر يجيب
الساعة 9:10 صباحا

ان رغبت فى تسجيل الحلقة

حسب الرسالة اللى بعتوها لى ودى نسخة منها
"انت تسال والكمبيوتر يجيب يقول...
الصديق العزيز حازم
حلقه خاصه من مدونتك بصوتك عن لغتنا الجميله تذاع الأحد7-6 وتعليقات ايوشه-تامر على-القمر الساهر -ريهام عطيه- د.ايمان مكاوى
رجاء قراءة تفاصيل مواعيد ااعة الحلقات فى مدونتنا
http://netonradio.blogspot.com
حيث يوجه لك البرنامج الشكر على اهتمامك وتعاونك فى حلقة السبت6-6

الثلاثاء, يونيو 02, 2009 11:16:00 م


وشكرا

مجرد مدونة يقول...

‏:))

Unknown يقول...

جميل اوووى
خصوصاً بتاعت الصحف القومية
انا اول ما اقرا الاخ قط الممتاز
بطنى بتسيب و بضرب كيس دواء للبطن
عشان كدة بتمنى ارجع طفل عشان لما اقرا ممتاز اخلص فى البامبرز
هههههه

د/على خميس يقول...

السلام عليكم ورحمة الله و بركاته
تسلم ايدك يا بطل ....جامدة جامدة
انا عمال اقرأ و مستنى فى الآخر أشوف ناقلها من أى كاتب عبقرى .... طلعت انت عبقرينو

أول قطعتين احلى اتنين ...اسكندرية و العصافير و بعدهم الحزب الوطنى...
بس بتاعة العصفور تكسب ...بتخيل نفسى و انا ..... على رأس ... و هو بعين يبص فوق و انا طاير و لا كأن فيه حاجة ...عصفور بقى ...

اما بتاعة الجواز فأنا معترض ...( احتياطى ..أحسن أم عبد الله تدخل تلاقينى مؤيد تبقى ليلة ..بارك الله فى زوجتى الحبيبة ..انا بهزر طبعا!!!)

لو لم أكن من قراء مدونتك لوددت لو أنى من قراء مدونتك
بارك الله فيك
تقبل تحياتى

ebn roshd 777 يقول...

حلوه الفضفضه
ربنا يديم علينا تعمه الفضفضه

ستيتة يقول...

يا خسارة
يا خسارتك يا تامر يا علي

كنت متوقعة ده كله يحصل لك منذ امد بعيد

ليه؟

لأنك بتفكر كتير
عاشت الأنتخة

لأن عندك حب للتحليل
مالها كلية أم عيشة بشبرا؟

لأنك بتقرأ الصحف القومية
شفاك الله وعافاك منها

هههههههههههههههههههههه
تحفة

بس ليه مظهرتش عندي قبل ما اصدع نفسي بكتابة بوست النهاردة
حرقت انت الموضوع بتاعي
اروح بسرعة اشيله قبل أن أُتهم بالجنون
والرومانسية

MaNoOoSh يقول...

الكلام ينم عن شوية أنتخة علي شوية إحساس بالثورة..

انان كمان كنت أتمني أعيش في العصر الحجري علشان أهرب من ال18 سنة تضييع وقت في الشهادة.

حواء يقول...

وأثبت كذلك للأوغاد الذين يهاجمون المرأة أنها أكثر الكائنات القابلة للتعايش




ايه ده راجل متجوز بيقول كده علي الستات


انا متأكده ان معظم ( وليس كل الراجل ) هيرجعوا الفضل في كلامك ده لزوجتك

وليس لمهارة الزوج في فن التعامل مع الزوجه

تحياتي

غير معرف يقول...

البوست جامد جدا

بجد تعبيراتك عجبتني اوي

انا كمان
لو لم اكن.. لوددت

مش عشان اي غرض ممكن تدور عليه الناس.. بس عشانها.. الحريه.. زي العصفور..

تسلم ايديك
وتسلم ريشتك وقلمك
:)

تحياتي

شمس النهار يقول...

انت عايز تكون كل دول
امال مين ان شاء الله اللي كل شويه يكتب لنا بوست اااااااااااد كدددددددده هو
نقعد نرد عليه في عشر ساعات
:)

سارة احمد يقول...

:)))))تسلم ايدك ياتامر البوست حلو اوى...اكتر من رائع...ممكن نسميه الضاحكات المحزنة...قال وعلي راي المثل هم يبكي وهم يضحك...تحياتي اوى لك ولقلمك

فشكووول يقول...

العزيز تامر على
اعتزر عن التأخير
بس انت نشنت وانا عجبنى موضوع لو لم اكن متزوجا من واحده لوددت ان اتزوج من اربعه .... يا سلاااااام الواحد يهيص ويدلع نفسه ... احلام

اصل مصطفى كامل كان باشا امال فين ح يلاقى بشويه الا عندنا وعشان كدا هو لو لم يكن مصريا لود ان يكون مصريا ... اما انا فلاااااااا

حفيدة عرابى يقول...
أزال المؤلف هذا التعليق.
حفيدة عرابى يقول...

لو لم اكن قد تعرفت على عالم التدوين لوددت ان اكون مدونة لاستمتع بقراءة تعبيرات جميلة جدا
كلهم حقيقى اجمل من بعض بس الاحلى لوددت ان اكون عصفورا ولو لم اكن نصابا

د. ياسر عمر عبد الفتاح يقول...

لما بدخل هنا بحس أوي بكلمة
ضحكٌ كالبكا ..
ودي أجميل وصف اتقال في مصر .. من أبي الطيب

بعض الأحيان بيبيقي ردي موجز .. وبلا تعليق حقيقي
وده لما مبلاقيش تعليق حقيقي بضعف الموضوع
أو لما بحس إني ممكن أرد بتعليق أكبر(حجماً) من البوست نفسه .. وده حالي دلوقت

تسلم إيدك ودماغك
وبطل تنفضلنا علي الميل
محدش بيشوفك من زمان
والمفروض إن كان فيه فكره عاوز أعرضها علي حضرتك
اخرج من ين براثن (الأوفلاينية) الميلية
واظهر وبان عليك الأمان

لاسع افندى يقول...

لو لم اكن قرات كلامك لوددت ان اقراه لانه كلام جميل



تحياتى

د/عرفه يقول...

مش عارف اعلق اقول ايه
فعلا

يمكن دى كوميديا سودة

Soul.o0o.Whisper يقول...

السلام عليكم و رحمة الله و بركاته


بوست جااااااااامد
أنا بردوا بتهيألى لولم اكن .... لوددت .....

و المعنى بئا فى بطن الشاعر
:)


تسلم ايدك

قلب ارهقته الاحلام يقول...

لو لم أكن مررت هنا لكنت ندمت كثيرا :)

اي تعليق ليه هيبقي ضعيف بالنسبه للكلام المبدع دة

عجبتني اوي حتة العصفور دي كنت دايما بفكر فيها بس شكلي صرفت نظر ^^

بجد أسلوب حضرتك ف صياغة ال جواك ف كل مرة بيكون ابداع

دمت بألف خيررر

تحياتي ,,,

بـِصَمتـِـ أميرة ــــى يقول...

انا جيييييييييييييييت
الله علييييك
انا بضم صوتى لصوتك وبحجز مكان فى امنياتك
اول امنية
لو لم أكن اى حاجة فى الدنيا لوددت أن أكون إسكندرانيا بس يا تامر مش عشان اشرب من البحر
عشان احضنه من غير مااغرق فيه !

بص ياتامر ادخل كدة حط راسك تحت حنفيه الميه وهتفوق ياابنى ماانت كنت كويس
:)
عثل
يالله هجيلك تانى
أميرة
(ملكة بحجابى )

غير معرف يقول...

لو لم اكن لوددت ان اكون واكون واكون
حاجات كتيرة متشقلبة
ونود ان تتعدل
والله انا لما بنقرا لحضرتك بضحك من قلبى
وده اللى بيسموه الكوميديا الهادفة
اللى بتصيب الهدف على طول بابتسامة
صافية
عجبتنى قوى حكاية العصفور ديه
تحياتى

حسام غانم يقول...

جميل يا تامر :)

د/عرفه يقول...

مبروك يا تامر ترشيح الناس لموضوعك الجميل عندى

ونتمنى نشوف ترشيحاتك فى المستقبل ان شاء الله
علشان انا متاكد انه مش اى موضوع ممكن يعجبك واكيد اختياراتك رائعة

Lady E يقول...

لو لم اكن عرفت مدونتك

لكنت هخسر كتير اوي

موضوع رائع ومميز زي باقي مواضيعك الرائعة

تامر علي يقول...

ايوشة

ليه الخنقه بس ؟؟؟:) أي حد ييجي عندكم البيت بعد كده ابعتيه يلعب مع الأسد علشان تستريحي منه :)

تحياتي :)

تامر علي يقول...

حازم النبراوي

انت موضوعاتك كلها تستحق الاهتمام والمتابعة فعلاً وأنا اتنبألك تكون اعلامي كبير ان شاء الله

ألف مبروك :)

تامر علي يقول...

مجرد مدونة

ماشي يا عم ضحكة مقبولاً وافطاراً شهياً:)

تامر علي يقول...

بدراوى

والله مش القط بس ... في الكلب والفار والجزمة القديمة :)))))

كلهم مايتخيروش عن بعض :)

تامر علي يقول...

dr aly khamis

الله يخليك يا فندم .... بس أنا كان نفسي يبقى حاجه تانية أكبر من العصفور علشان تعمل حاجة تليق بالمقام على دماغ اللي مايتسماش :))

لكن أكبر من كده ممكن حد يشك في الموضوع :)

تحياتي :)

تامر علي يقول...

ebn roshd 777

هو احنا لينا غيرها الفضفضة ... بس ياريت تفضل من غير ما يغلوها هي كمان :)

تامر علي يقول...

د/ستيته حسب الله الحمش

آه فعلاً أنا خساره في البلد دي ..زكان المفروض أطلع في بورفؤاد أو تفاهنا العذب أي بلد متقدمة والسلام :))))

لكن والله الموضوع بتاع حضرتك دفعة للأمام ...زي شلوت رئيس مجلس الإدارة بالظبط :)

تحياتي

تامر علي يقول...

MaNoOoSh

أحلى حاجه في العصر الحجري اننا كنا هانروح المدارس بالديناصورات ومش هانضيع وقت فعلاً يادوبك نركب على ديله وننزل من راسه :))

احلى حاجه الأنتخه :) والثورة البيضاء :)

تحياتي

تامر علي يقول...

حواء

يافندم خلي اللي يقول يقول دي ناس معندهاش وعي :)))

وبعدين اللي معندهوش مهاره ده يروح يقعد في بيتهم :))

تحياتي :)

تامر علي يقول...

hager za3bal

شكراً يا فندم ونتمنى نكون دائماً عند حسن ظنك .... أحلى حاجه في العصفور الحرية في كل شيء حتى مش مضطر يلبس بامبرز :)))

تحياتي :)

تامر علي يقول...

شمس النهار

ياريت اكون واحد بس حتى من دول كانت الأمور اتظبطط :))

وبعدين انا قلت لحضرتك قبل كده المدونة مدونتك تكتيي فيها لو حتى 50 صفحة للرد :)

تحياتي :)

تامر علي يقول...

سارة احمد

يا فندم هذا بعض ما عندكم :)

وبعدين ولا محزنة ولا حاجه الموضوع كله خيال في خيال .... كفانا الله واياكم شر الحزن :)

تحياتي :)

تامر علي يقول...

عمي فشكووول

انت عارف لو كنا في عصر غير العصر ... كنت اديتلك هدية جارية من الروم كل ما تحس انك كبرت شوية ترجعك 30 سنه لورا ...:))

بس الحظ بقه احنا في زمن مفيهوش غير 4 بس ... يالا كويسين برضه :)

تامر علي يقول...

لقد خلقنا الله احرارا

والله يافندم احنا نسعد بمجرد أن يحظى موضوع بشرف قراءة سيادتكم :)

أجمل الأمنيات بدوام العافية :)

تحياتي

تامر علي يقول...

د. ياسر عمر عبد الفتاح

يا فندم ده بس من ذوقك واحساسك العالي :)

انت بس ابقى خبط وانا هافتحلك على طول ...انت عارف انا ساعات بكون هربان من الدوشة :)

هاسيبلك تليفوني على الماسنجر

تامر علي يقول...

لاسع افندى

أهلاً بك في أول زيارة التي أسعدتني بالتعرف على مدونة سيادتك الجميلة :)

تحياتي وتقديري :)

تامر علي يقول...

د/عرفه

ولا سوده ولا حاجه دي بيضه حتى شوف فيها كتكوت كمان :)

تحياتي :)

تامر علي يقول...

د/Soul.o0o.Whisper

كلنا هذا الرجل :)) بس لازم اللي في بطن الشاعر يطلع شويه علشان ميجلهوش مغص من كتر الكبت :)

تحياتي وتقديري :)

تامر علي يقول...

قلب ارهقته الاحلام

يا فندم احنا نجيب لحضرتك قفص عصافير بحاله وبلاش تصرفي نظر :)

كلنا بنتمنى نكون عصافير لكن خايفين من القطط :)

تحياتي :)

تامر علي يقول...

ملكة بحجابى

يا أهلاً وسهلاً :)

فعلاً الأسكندرية عروس البحر الأحمر :)))

أنا حطيت دماغي تحت الحنفية لحد ما الحنفية خلصت :))

ماله السمك وماله الشرب من البحر ؟؟:) أحلى حاجه السمك والبحر طعمه حلو برضه :)

تحياتي :)

تامر علي يقول...

أم مالك

أسعدكم الله دائماً في الدنيا والآخرة وأتم عليكم العافية :)

ولنا الشرف أن يحوز موضوع شرف قراءتكم له :)

تحياتي :)

تامر علي يقول...

حسام غانم

أنت أجمل يا باشا :))

ايه أخبار الحلل دلوقتي ؟؟؟ بكام الطقم ؟؟ مفيش حاجه جديدة على ذوقك كده ؟:)

تحياتي :)

تامر علي يقول...

د/عرفه

خلاص بدل كسبت يبقى مش هاتنازل عن جايزة قدرها ..... اقرا البوست هاتلاقي فيه مبلغ صغير كده ... هو ده الجايزة اللي انا عاوزها :))

شكراً لك وان شاء الله نشارك مستقبلاً

تحياتي :)

تامر علي يقول...

Lady E

يا فندم ده شرف لينا احنا ان حضرتك تمري على المدونة .... وده بعض من ابداع سيادتكم .

تحياتي وتقديري دائماً :)

ابو المفاصل الواصل يقول...

العدالة وجهة نظر
الكل يطالب بالعدالة ولكن من وجهة نظره
فالقاتل يطلب البراءة باعتبار القتل قدره
ويتناسى ســــــفكه للدماء وظلمه وغدره
ويتباهى بنفسه لتخليص القتيل من كدره
ويعتقد ان هذا دوره المعشعش فى صدره
فلا يخجل من ازهاق الارواح على مدى عمره
ولا يدرى انه بقتله للاخر بيستعجل حفر قبره
وسينال العقاب المناسب ولن يطول صبره
==========
ناجح يوسف فهمى

Unknown يقول...

السلام عليكم ورحمة الله وبركاتة
ما شاء الله
بوست تحفة بجد
جميل جدا
ومعبر جدا
والتحليل غريب شوية
كونك انك عاوز ترجع رضيع
وانك تتزوج 4
وانك اسكندرانى
ولا الطماع
بتاع جنب البيت
ما شاء الله معبر جدا
تسلم ايدك
بس هوا عاوز شوية سكر
مش لانى فقدت حاسة التذوق
ولكن لانة مر لانة بيعبر عن واقعنا
دمت بالف خير وصراحة

تامر علي يقول...

ابو المفاصل الواصل

كلمات معبرة وجميلة

شكراً لمرورك ...تحياتي :)

تامر علي يقول...

حتى تشرق الشمس

ان شاء الله ميكونش واقعنا مر في المرحلة القادمة .... ونسأل الله أن يكون واقعنا ومستقبلنا جميعاً ممراً لرضاه وجنته :)

تحياتي :)

Arsenal Way يقول...

جميله اوي
تسلم ايدك
بس ده قدر ولازم نعيشه
لو كان بإيدينانختار قدرنا مكناش هنتختار احسن من اللي ربنا اختاره لينا

تقبل تحياتي

بعد إذنك انا حطيت مدونتك في الريدر عندي

د.توكل مسعود يقول...

السلام عليكم ورحمة الله ... وبعد فقد قالوا فى علم البلاغة:لو حرف امتناع يفيد عدم وقوع الجواب لاستحالة الشرط..

لن تكون إلا أنت ...فعش كما أنت واصنع كل الذى أردت وأنت كما أنت...ولن يحدث فى ملك الله إلا ما أراد الله


أضحكتنا أضحك الله سنك...وأدخلت علنا السرور

ميرا يقول...

ههههه


والله يا تامر انا ما بوددش لا اني اكون اللي انا بكونه فعلا ولا حتي بودد اكون اللي انا بكونوش

انا اود اعرف بس مين عمل اغنية

جرحوني وقفلوا الاجزخنات؟

حنين يقول...

كلام جميل بس في حاجه هاتزعل الستات حكايه الزواج اربع مرات

تامر علي يقول...

مصطفى أبوزيد

شكراً لمرورك وأهلاً بك دائماً ... أختلف معك في أنه قدر ... فقدر الله كله خير وما أصابنا من شر فمن أنفسنا

تحياتي :)

تامر علي يقول...

د.توكل مسعود

أدام الله سروركم ومتعكم بالصحة والعافية :)

لو لم أكن لوددت هو اعتراض على الظلم والمظالم ... ولايوجد مستحيل إلا المستحيل :) .... أما التغيير فممكن :)

تحياتي وتقديري :)

تامر علي يقول...

ميرا

فعلاً دي حالة انعدام وعي لاجزئي ولا كلي في الكم والكيف :)))

وقد صدق الشاعر إذ يقول جرحوني وقفلوا الاجزخانات ..لاقالولي ازيك ولا سلامات :)

سلامات :)

ماااات :)

تامر علي يقول...

حنين

بالعكس هي هاتزعل واحدة وتفرح 3 ...يرضيكي نضحي ب تلات أرباع علشان ربع :)))

مفيش زعل ولا حاجه ..دي فانتازيا :)

تحياتي :)

(حلـم) يقول...

اول مرور لي مدونة حلو بوردها وذوق مدونها ومالكها وكذلك هدفة بمواضيعها اتمني التواصل معكم..حلم..

فشكووول يقول...

تحياتى تامر على

تامر علي يقول...

حلـم،،

يسعدنا التواصل دائماً

أهلا بك

تامر علي يقول...

عمي فشكووول الفيلسوف

أين البطيخة الساقعة المرملة :)

القلم السكندري يقول...

السلام عليكم..

أضحك الله سنك أخي الكريم

والبلد لا تحتاج عصافير.. بل فيها كثير ممن يستحق "طيراً أبابيل"

تقبل وافر التحية

فشكووول يقول...

ايه اللى عرفك يا تامر ان فيه اسهال وحاجات كدا

والله انا بعد التعليق ده ح اقوم اجرى على التواليت

احساس طفلة محبة للرومانسية بس واقعية يقول...

استاذ تامر البوست رائع عجبنى جدا
حسيت فية بنوع غريب
من التناقض او السخرية من الاحداث
بين الضحك والاسف
الثورة والاستسلام

بس فى الاخر وصلت لهدف
شكرا ليك

تقبل مرورى

تامر علي يقول...

القلم السكندري

فعلاً تستحق طير أبابيل :)

لكن المشكلة إن العذاب لو نزل هاياخد الجميع ...واحنا مش قد كده :)

تحياتي :)

تامر علي يقول...

أ/ فشكووول

انت بتتعامل مع أقوى جهار استخباراتاتي على مستوى سرس الليان كلتها :)

شفاكم الله وعافاكم :)

تامر علي يقول...

احساس طفلة محبة للرومانسية بس واقعية

يافندم ده شرف كبير ليا إن مدونتي توصل اليابان حيث الكيمونو والكابوكي وكابتن ماجد (هو اسمه ايه بالياباني :)))

تشرفنا بزيارة حضرتك ونرجو أن يكون الموضوع قد نال استحسانكم :)

تحياتي :)

ابو المفاصل الواصل يقول...

التطرف وتعاملنا معه
بنتعامل مع التطرف على انه شىء معدوم الوجـــود
مع انه موجود بالاساس فى كل الازمنة والعـــــهود
ولا اقصد التطرف السلبىمنه حتى الايجابى موجود
فالتطرف فى الحنان اخر جنان يفسد اى مولـــــود
ووطننا ابتلى بالمتطرفين وصار بالتطرف موعــود
فمتطرف فى الجهالة ادمن الرجــــعية والركـــود
وشبيهه فى الغباء صار وباء وله نفـــــــس الردود
ونظيره فى الحماقة بدون لياقة صار عنوان للجحود
ومتطرفى التمييز اصحاب مبدأ التحييز ووضع السدود
اما المتطرف الدينى اه يا عينى فاق كل الحــــــدود

حلم بيعافر يقول...

* لو لم أكن عاقلاً لوددت أن أكون "مهبولاً " ليس لأنني أريد أن أتخلى عن مسؤلياتي ..... ولا لأنني تعبت من التكاليف .... ولكن لأصدق وعود المسؤلين بأن غداً أفضل من اليوم وأننا نعيش أزهى عصور الديمقراطية وأن ما هو موجود أفضل المتاح وأنهم سوف "يوردوا على جنة"

ايون هو ده
تقبل مررى

غير معرف يقول...

مفيش بوست جديد ولا ايه؟؟

عطش الصبار يقول...

والهى ياستاذ تامر بوست رائع واشكرك نيابه عن كل الستات فى رأيك الايجابى عنهم ياسلام من زمان ما شفناش راى حلو قوى فينا كدا
وعايزه ااقولك انك مش هتبقى اول زعيم عربى يسيب الحكم وهو على قيد الحياه للاسف سبقك الزعيم السودانى عبد الحمن سوار الذهب
تقبل تحياتى