الجمعة، مايو 15، 2009

التاج ... وأشياء أخرى

أولاً نستكمل باقي الفلاشات علشان نبقى خلصنا ذمتنا منها وبعدين ندخل على التاج وبعدين نخرم على شبرا:)
ــــــــــــــــــــــــــــــــــــــــــــــــــــــــــــــــــــــــــــ
- بعد سنوات من محاولات الإتصال الفاشلة على أرقام (الخدمة) .... أحياناً لم تكن الخطوط متاحة كما ينبغي .... أحياناً هناك بعض التشويش والإزعاج .... ربما محاولات الاتصال لم تكن بالقدر الكافي ..... لكن بعد فوات الأوان ... أتته الإجابة (المسجلة )
- القلب الذي تحاول الإتصال به ربما يكون (مغلقاً) ... من فضلك لا تعد المحاولة .
*****
- إحساس الانتقام كان مسيطر عليه بشدة .... الانتقام لكرامته المهدرة ..... الانتقام لأحلامه الضائعة .... الانتقام لعمره الضائع .... وتوالت صور الانتقام البشع على مخيلته .... وأخذ يختار وسيلة من وسائل الانتقام البشع ليسترد كرامته وذاته الممتهنة ..... لم تمر بضعة ساعات إلا وقد ذهب في سبات عميق ..... بعدما أفاق كان قد نسي كل شيء عن أفكار الانتقام والكرامة والذات ورفع شعار "احنا ولاد النهارده" .... بينما كان آخر يتعرض لنفس المأساة.
*****
- محاولات جادة للوصول للهدف ..... تتكلف الكثير من الوقت والجهد والأعصاب والمال ..... ننفقها بلا كلل في سبيل الهدف .... طالما كان الوصول للهدف حلماً نتمناه دائماً ..... وبعد أن استحققنا لقب "الوصول إلى الهدف" أدرك بعضنا أن هذا الهدف لم يكن ما يرمي إليه ... وأنه أصاب الهدف الخطأ ... وأدرك البعض الآخر أن الطريق إلى الهدف قد تكلفت ما هو أعظم قيمة من الهدف نفسه .... وأدرك البعض الآخر قد فقد الرغبة فيه ..... لكن أحدنا لم يدرك الغاية التي يقود إليها الهدف .
*****
- كان يعلم جيداً أن السقوط يبدأ بدرجة واحدة بعدها لن يستطيع أن يمنع نفسه .... تكلم كثيراً عن الحذر وما يجب علينا فعله لنتحاشى السقوط ..... أسهب في وصف السقوط ومغبته ..... وبعد قليل تكشفت الطريق له بوضوح شديد ..... طريق النجاة .... طريق السقوط .... بمنتهى الحزم اختار طريق السقوط ..... حتى منتصف الطريق ..... قبل آخر الطريق أدرك كم كان مخطئاً وأنه اختار الطريق الصحيح .... وظل يدعو لطريق السقوط .
*****
- الدروس المستفادة من التجربة ..... دائماً ما أبحث عنها ولا أجدها .... البعض يحتفظ بها لنفسه حتى يقع الآخرين فيما وقع فيه .... البعض لا يجاوبك إلا إذا سألته ويخفي القدر الأكبر .... البعض يحاول جاهداً أن ينقل لك التجربة ومعها الحقيقة كاملة ولكنه لم يجد مني آذاناً صاغية .
___________________________________________________________
التاج وصلني من الأستاذة الفاضلة صاحبة مدونة (حاجات جوايا) في لافتة كرم منها .... وسوف أقوم بالرد عليه فما يلي :-
من أنت ؟ وما الذى تفعله هنا ؟
.أنا شخص من المجاهيل وأفعل هنا من الأفاعيل .... مالاتحمد عقباه ... وعقبال عندكم جميعاً
.إسرائيل تقصف كل جنوب ممكن بحثا عنك ، أى شمال ستقصد؟
.سوف أقصد شمال اسرائيل (أقصد فلسطين فأنا لم أعترف باسرائيل بعد)

أنت مكلف بحذف حرف من حروف اللغة العربية .. أيها ستختار ولماذا ؟
.أحذف حرف السرير علشان العيال بتقع من عليه وأنا كمان بيزنقوني على الحرف وبكون عرضه للوقوع لا قدر الله :)

لو قدر لك أن تدخل السجن فما هي القضية التي تتمنى ان تدخل بها ؟
قضية سب وقذف لأحد رموز الفساد :) .... قضية محاولة قلب نظام الدش (ميروحش مخكم بعيد) بدل أنالوج يبقى ديجيتال ...قضية تعبئة الرأي العام في أكياس بلاستيك بدون دفع الضرائب ...كده يعني :)
أحب أدخل في قضية نضيفة 100% وأقوم أجدع محامي واقعد مطرحه :)
منذ متى اكتشفت نفسك؟
-في الحمام من 15 سنه أكتشفت إن صوتي أجمل من الكروان وأكثر عذوبة من البلابل الصداحة فقررت إني أحتفظ به لنفسي :)
على مفترق طريق لافتتان ، اليمنى تقول ( إلى حلمك ) واليسرى تقول: ( إلى مالم يحلم به البشر ) ، أي الطرق ستسلك ؟
_أول حاجه هاقلب مكان الافتات علشان اللي يجي ورايا يتوه .... وبعدين أأجر اتنين يروحوا مكاني كل واحد في طريق ولما يجولي ويحكولي أبقى أقرر بقه ...اتعلموا النصاحه بقه :)
نحن لا نعيش حياتنا بل نتعلم فيها كيف نعيش ما تعليقك؟
_أعيد صيغة الكلام إلى " نحن لا نعيش حياتنا بآدمية في ظل الظروف الحالية ... بل نحاول أن نتعلم كيف يحيا البشر العاديون في كل العالم لنفعل مثلهم ولكن دون جدوى" .... وانتم بقى عارفين الباقي :)
بجملة واحدة فقط أكتب تعريفاً لكل كلمة من الكلمات التالية
الوطن: عندما يتحول أغلى الأماكن إلى كابوس :)
الأم: ست الحباااااايب يا حبيبه يا حبيه .... يا أغلى من خالتي وعمي ......... وكملوا انتم بقه :)
االليل: وآخره .... السيف والليل والقرطاس واللب (لب سوبر لو سمحت )
الحب: لا حب إلا حب الشباب (اللي بيطلع في الوش)
أمريكا: رايحه في داهية عن قريب ان شاء الله
المرأة: مقدرش أفتح بقي بنص كلمه ... زيييييي الفل ...أه
الصمت: تعلمت منه الكلام
الانترنت : عالم تاني فوق الأولاني يعني احنا كده عندنا عالمين (انترنت ناثونال) :)

أخترمنصباً واتخذ قرارا ؟
_زعيم الثورة الجديدة ... القرار قتل كل المسئولين في ميدان التحرير :) رمياً بالشباشب

.قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب ؟
_ليه يا عم أمال فين الخنساء وفين خولة بنت الأزور وفين شاعرات الأندلس ..... (علشان جمعية المرأة المتوحشة ماتهاجمنيش)
أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل
_لاء طبعاً الجريمة هي أن تكون مطلوباً دي ... جريمة في حق الإنسانية المتأنتخة .... أجمل شيء إنك متبقاش مطلوب في السوق:)
.إلى أين تمضي كلمات الحب .. بعد أن نقولها؟
_تتحول إلى موجات تسبح في الفضاء الكوني وتختزن في مكان ما .... ربما في قلب المحبوب وربما تلهم آخرين لكنها لاتفنى ولا تستحدث من العدم :)
هل تجد علاقة بشكل أو بآخر بين المرأة وقطاع الطرق
- قطاع الطرق يأخذون أموالك مرة واحدة في العمر ... وكذلك قد يأخذون روحك مرة واحدة في العمر (والباقي مش هاقدر أكمله انتم عارفين بقى)
هذا فراق بيني وبينك .. متى ولمن تقولها ؟
.أقولها كل شهر للمرتب وقلبي ينزف قهراً :)
.كيف هو غداً ؟
لن يأتي أبداً فنحن نحيا على أمل الغد لأنه لن يأتي :)

أمرر التاج الى؟
لكل الجماعة اللي في قائمتي اللوذعية وبالإكراه كمان واللي مش هايجاوب هاخد اسمه الامتحانات مش أهم من التاج :)

هناك 78 تعليقًا:

رحلتنا في الحياة يقول...

ان شاء الله اول تعليق

رحلتنا في الحياة يقول...

هييييييييه فعلا اول تعليق :)

رحلتنا في الحياة يقول...

نتكلم جد بقى بالنسبة للاشياء الاخرى اللى فى اول البوست ماشاء الله مش هنحسد يعنى حضرتك مبدع كالعادة وصدقوا فعلا لما بيقولوا عليك كاتب متنكر :)

بالنسبة للتاج انا همووووت من الضحك عليه ههههههه بس ايه الدبلوماسية فى الاجابات دى (;

Unknown يقول...

اوبا
اتاخد مني اول تعليق

Unknown يقول...

و انا كمان كنت بمررلك التاج برضه اللي جاني من حاجات جوايا :D
يظهر ان اعدائك كتير

د. ياسر عمر عبد الفتاح يقول...

الفلاشات ... ملهاش حل
وبعد كده تبقي خليها في بوست(وحضنت) لوحدها علشان أعرف أقزقز فيها براحتي

التاج
كان هيوهمني من شوية التعبيرات الجامدة اللي عاملها
وكان هيموتني من شوية (الألشات) اللوزعية اللي كاتبها

تسلم إيدك
إنت ملكش حل بجد

wesoooooooooo يقول...

الفلاشات حكايه وربنا جااااااااامده فعلا
بس الفلاشه الأولنيه عجبتنى جدااااااااا

اما بقى التاج
ههههههههههههههههههههههههههههههههههههههههههههههههههههههه
مش قادره
أحذف حرف السرير علشان العيال بتقع من عليه وأنا كمان بيزنقوني على الحرف وبكون عرضه للوقوع لا قدر الله :)
طب ماتجيب سرير للعيال
هذا فراق بيني وبينك .. متى ولمن تقولها ؟
.أقولها كل شهر للمرتب وقلبي ينزف قهراً :)
وانا كمان الظاهر ان كل الموظفين بيقولها أحمدك ياااااااااارب مش انا لوحدى
تقبلى مرورى
تحياتى

د/عرفه يقول...

ههههههههههه
بالنسبة للفلاشات جامدة فعلا

اما التاج
عنى نفسى مكنتش بحب اقراه عند الناس فعلا خصوصا انى بلاقى الاجابات شبه بعضها
بس والله
دى اظرف اجابات قريتها يا تامر فعلا

قلب ارهقته الاحلام يقول...

الفلاشات رووعه بجد مالهاش حل

أما باقي التاج باة :)

حكااااية بجد مميز جداً يمكن أكتر الاجابات تميزاً من بين ال قرأتهم

هم حاجة تخلي بالك ومش تنام علي الطرف ^^

تحياتي ,,,

شمس النهار يقول...

نتكلم علي الفلاشات الاول

*ليه مايحاولش يمكن يشحن تاني والقلب يفتح له
او يمكن هو بيتصل بطريقه غلط يرجع للكتالوج
ويحاول صح
ايه الاحباط ده

*الطيب احسن الانتقام عمره مابيفيد والا بيرجع عمر

*ده نتيجة ان الانسان مابيعرفش يحدد هدفه صح احيانا
واحيانا بيكون الهدف نفسه خداع
ومابتعرفش غير لما تقرب منه
زي السراب كده لامع من بعيد بس

*فعلا في ناس بتحب طريق السقوط وبتكمله للنهايه

بس في ناس كمان بتختار طريق السقوط في الاول لكن بعد شويه بترجع بتلاقي ان ده مش طريقهم
فابيرجعوا وفي الحاله دي بيسلكوا الطريق الصح جدا
عشان خلاص اتعلموا الصح من الغلط

*المشكله ان احنا في زمن الانصات فيه قليل

**بجد تسلم افكارك
انا مش بناقشها انا بس حبيت اسجل تعليقي اللي جه في دماغي ساعة ماقريتها


**التاج بقا

الاجابات لطيفه
واحسن حاجه انك عملت حساب الحكومه تقريبا خفت تبات من غير عشاء

شمس النهار يقول...

ايه ده دا انا اسمي مكتوب

يانهار ابيض

طيب هستأذن بس بعد شويه عشان انا لسه حاطه البوست الجديد

وشكرا علي التدبيسه اللطيفه

تامر علي يقول...

ايوشه

شكراً على كل هذا المدح العميق المبالغ فيه ... كله من ذوقك العالي بس :)

لازم الدبلوماسية في الإجابات علشان (المصالح متوقفش ) :))))

تحياتي :)

تامر علي يقول...

المعلم محمد صاحب المطعم - طعمية سخنة

يا باشا اعتبره وصل برضه أنت على رأس قائمة المطلوبين :))

تحياتي :)))

تامر علي يقول...

د. ياسر عمر عبد الفتاح

إزيك يا دكتور :))

ومضاتك يا باشا بألف (فلاش) :))

وهذا جزء مما عندكم بدون مجاملة

تحياتي وتقديري دائماً :)

تامر علي يقول...

wesoooooooooo

يا فندم في سراير للعيال لكن هما لازم يصحوا ويناموا (بالعرض) جنبي ويزنقوني أنا عالحرف :)
علشان كده لازم ألغي الحرف ده :)

أما المرتب فكلنا في الهم سواء :)

تامر علي يقول...

د/عرفه

يا دكتور احنا نتشرف إن في ولو حرف حاز اعجابكم الراقي :)

لكن في ناس كتير اجاباتها عالية جداً واحسن من دي بكتير بس انت دور كويس :))

تحياتي وتقديري دائماً :)

تامر علي يقول...

قلب ارهقته الاحلام

لازم انام على حرف السرير لان الاولاد مبيسمحوش غير بكده :)))

شكراً لمرورك الكريم وتحياتي دائماً

القدر و انا يقول...

تامر
الفلاشات تخطف القلوب وتملاالعقول
بجد كعادتك دائما مبدعا كبيرا
أما اتاج ردودك زى العسل
تسلم يا مبدع

تامر علي يقول...

شمس النهار

متفق مع حضرتك في كل معارضاتك للفلاشات ولكن الواقع غالباً يختلف عن الصورة المثلى لما يجب أن يكون إما لنقص الخبرة أو لسوء التقدير

طبعاً من خاف سلم :)))

تحياتي :)

تامر علي يقول...

القدر و انا

ألف شكر لمدحك الكريم الذي لا استحقه وأتمنى أن يحوز ما أكتب ولو جزء صغير من اعجابكم دائماً :)

تحياتي وتقديري :)

سارة احمد يقول...

تسلم ايدك ياتامر...فلاشة من الاخر ...حلوة بجد...اما بقي بالنسبة للتاج بقي الحب يعني حب الشباب!!!!معلش بقي الحب دا احسن حاجة في الدنيا من اول حب الله لحد حب الحبيب هي الحياة تنفع من غير حب:)))عماتا براحتك حب في الوش حب في الوش وانا مالي هو وشي ولا وشك انا بفي عندي الحب في القلب ...وبعدين ياتامر بدل ماتحذف حرف السرير ممكن تجبلة حرف سور بسيطة يعني:)))

سارة احمد يقول...

اه معلش ازاي اجواب علي التاج؟؟؟مش عرفه لسه جديدة بقي:))

ستيتة يقول...

تركت بوستك حتى نام الأوغاد علوج الأستعمار
لأن بوستك "يقرأ" ولا يتم المرور "فوقه"

أدرك بعضنا أن هذا الهدف لم يكن ما يرمي إليه ... وأنه أصاب الهدف الخطأ
----------------------
أنا



كالعادة الفلاشات تحفة وخاصة الأخير برضه هو أنا

اما عن التاج فده فوق المتوقع منك لأني فطست من الضحك على التورية و"احترامك" لجمعيتنا الموقرة

ربنا يكرمك انا انبسطت من البوست وبقالي كتير زهقانة

تحياتي

تامر علي يقول...

سارة احمد

:) طبعاً انا قلت كده لأن مفيش كلمين ممكن يعبروا عن قيمة الحب (حلوه الحته دي؟؟؟) .... انت شكلك كده مابتاكليش كرانشي :) قصدي لسه معندكيش خبرات كنتي عرفتي ان حب الشباب ده ليه معاني سامية جداً ... وبعدين حرف السرير كوبس مش وحش ) ...

خدي كوبي من الاسئلة فقط وجاوبي عليها من دماغك انت في مدونتك وبكده يبقى التاج محل :)

تحياتي وتقديري :)

تامر علي يقول...

د/ ستيته حسب الله الحمش

شامم ريحة تشاؤم مش واخد عليها منك يا دكتوره ...دا احنا بنقرأ كلماتك علشان نستلهم منها روح التفاؤل والأمل .... يمكن ضغط الأمتحانات عامل شد عصبي :) (أنا بيعملي شد عضلي:)

ولو التاج عجبك والله ألفهولك في ورقة وخديه ليك خالص :)
مستنين اجاباتك على التاج ومفيش اعذار احنا قلنا الامتحانات مش أهم من التاج :)

تحياتي

د. ياسر عمر عبد الفتاح يقول...

معلش لحظة
إنت بتقول

---------
ومضاتك يا باشا بألف (فلاش) :))
وهذا جزء مما عندكم بدون مجاملة
--------


أنت تعلم إني أعلم أنك تعلم
إن دي مجاملة
بس مجاملة مقبولة منك يا باشا

أحمد سعيد بسيوني يقول...

اية يا عم الدماغ العالية دي

اجاباتك كلها غير متوقعة

قرأت التاج ده عند اكتر من واحد

وكله بيجاوب بهدوء وعقل ورزانه

بس هنا لقيت حاجة مختلفة

هههههههه

تسلملي

مسدس صغير يقول...

جميلة اجابات التاج اوى
هههههههه
احييك على خفة الدم الجميلة دى
سلام

تامر علي يقول...

أحمد سعيد بسيوني

ده بس من ذوقك يابوحميد وحسك العالي

شكراً لمرورك الكريم الذي نتمنى أن يدوم :)

تامر علي يقول...

مسدس صغير

حياك الله يا عم مسدس :) لو سمحت تجاوب انت كمان علشان ماخدش اسمك:)

تحياتي :)

تامر علي يقول...

د. ياسر عمر عبد الفتاح

الومضات تعتمد على أقوال الحكماء وممزوجة بأفكارك الخاصة فهي تحمل قيم إضافية لا يمكن انكارها ..أما فلاشاتي فلا تعبر إلا عن نظرتي الشخصية التي قد تحتمل الخطأ .... لذلك فهي (عملياً ومعملياً) أقيم .

شكراً على قبول المجاملة :)

MaNoOoSh يقول...

اكتر ما عجبنى فى الفلاشات فلاشة الانتقام وفلاشة الوصول للهدف.. كمان حسيتهم وفهمتهم اكتر من الفلاشات السابقة

والتاج بقى لذيذ جدا وخصوصا انك راعيت جمعيتنا المتوحشة فيه
ههههههههههههه
تحياتى

تامر علي يقول...

MaNoOoSh

طبعاً لازم نراعي الجمعية .... من خاف سلم :)))

كويس ان الفلاشات عجبتك المره دي .... اتفضليها :)

تحياتي :)

حماده زيدان يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية “رواية سنوية سنقوم بنشرها في الجريدة”
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
أرجوا ارفاق الاعمال في ملف ورود
لمزيد من المعلومات بادروا بالاشتراك في الجروب الرسمي للجريدة
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

إيمان يقول...

ماشاء الله عليك يا تامر بجد قلمك مميز جدااااا
كاتب مبدع بحق
تعرف أنت هتسأل عن ابدعاتك دى يوم القيامه
ياريت ترحمنا من الكتاب اليساريين والعالمانين والفتايين وكُتاب المهلبيه بالمكسرات تبقى أطعم من الملوخيه
وانشر كده وظقطط وانشر ولعلع واستلف من الحاج مبروك وسددله من مرتبك على خمسين سنه بس يلا ورينا ابداعاتك والروايه بتاعتك قرأت منها فصل بصراحه حاسه انها هتكسر الدنيا ويمكن تجيب مصاريف الحاجه الساقعه وتبقى راجل غنى ومنعرفش نكلمك
تحياتى وتقديرى دائما
دمت مبدع ومتالق

د. ياسر عمر عبد الفتاح يقول...

معلش بقي كل شوية أجي أزيط عندك هنا واعملك إزعاج
بس براحتي يعني .. البيت بيتي .. ولا إيه؟

أولاً مفيش مقارنة بين الومضات والفلاشات خالص
الومضات كلمات موجزة .. والفلاشات بتحكي موقف معين وبنخرج منه بفايدة
الإثنين يحتملوا الخطأ الصواب
وكمان مفيش مقارنة بيني وبينك خالص
لأن المقارنة دي هتصيبني شخصياً بالإحباط وهتقلل من قيمتك كثير
ألم تر أن السيف ينقص قدره .. إذا قيل أنه أمضي من العصا؟
وبلاش تفتح الموضوع ده تاني الله يكرمك
وثنائك علي كلامي أسعدني بما فيه الكفاية ..

نيجي بقي لكلامك
الومضات تعتمد على أقوال الحكماء وممزوجة بأفكارك الخاصة فهي تحمل قيم إضافية لا يمكن انكارها ..أما فلاشاتي فلا تعبر إلا عن نظرتي الشخصية التي قد تحتمل الخطأ .... لذلك فهي (عملياً ومعملياً) أقيم .
-------------
ملعش بقي
الومضات لا تعتمد علي كلام الحكماء علي المطلق .. وأنا مبقصدش ده نهائياً
وممكن يحصل تشابه لكن يشهد الله إنه مبيبقاش مقصود
كل الومضات دي خلاصة تجارب معينة شخية وقراءت مختلفة
يعني أنا مبقرأش كلام الحكماء وبعدين أعمل زي الترزي وأفصله ديباجة جديدة يكون ليها نفس المعني ...
وحتي لو ده حصل فكان في حاجات بسيطة جداً ولازم أكون أضفت عليها حاجة
والتشابه ده بيجي من إن زي ما حضرتك عارف إن الحكمة واحدة ثابتة علي مر العصور ...
معلش كان زلام أوضح الحتة دي لأني بدات أتضايق منها من كثر ما بتتقالي وبتخليني أحس إني مجرد واحد بيلعب بالكلمات .. لا أكثر

-------
شكراً على قبول المجاملة :)
--------
شكراً ليك إنت علي المجاملة
ومعلش إني رغيت كثير
بس أنا لو كنت أعرف الميل بتاعك كنت بعتلك عليه علشان معملش قلق هنا
بس إنت مش كاتبه

غير معرف يقول...

ههههههههههههههههههه
ههههههههههههههههههههه

اجاباتك تججن (•̮̮̃•̃)

**ول حاجه هاقلب مكان الافتات علشان اللي يجي ورايا يتوه .... وبعدين أأجر اتنين يروحوا مكاني كل واحد في طريق ولما يجولي ويحكولي أبقى أقرر بقه ...اتعلموا النصاحه بقه :)**

آه ياخطير مجتش على بالي الخدعة دي يابختك هتختار براحتك بقى هههههههههه

**قطاع الطرق يأخذون أموالك مرة واحدة في العمر ... وكذلك قد يأخذون روحك مرة واحدة في العمر (والباقي مش هاقدر أكمله انتم عارفين بقى)**

فهمت قصدك ياويلك من جمعية المراة المتوحشة ههههههههههه تستاهل الي هيجرالك :)

عنجد كتيرررررر مهضوووم

اول زيارة ومش هتكون اخر زيارة

تحياتي ليك

ebn roshd 777 يقول...

الاخ الفاضل تامر
بجد ومن غبر اي مجامله تناولك
لسلوكيات الناس فعلا تناول مختلف
يغلب عليه طابع التعمق وعدم السطحيه في تناوله وفعلا كما قال الكثيرون من قبلي
كتاباتك مميزه ومتميزه
بارك الله لك

ebn roshd 777 يقول...

انا معلش عندي استفسار
تناولك لموضوعات الفلاشات هل كان متاثرا بتجارب شخصيه ام لا؟
وارجو الا اكون متطفلا بسؤالي

mimi يقول...

مبروك التاج الجميل ده
وعقبال 100 تاج ...

" ايه حكاية شبرا دي"؟؟؟؟؟؟؟

حفيدة عرابى يقول...

الفلاشات جميلة جدا وخصوصا اول واحدة واللى اتكلمت عن محاولات الوصول للهدف لانى مريت بموقف يشبه ده
مشكلة كانت حصلت فى الشغل وحسيت انى اتظلمت وحقى اغتصب منى وشاء الله سبحانه بدون اى تدخل منى ان الظروف تتحسن والشى اللى كان غالى على يرجع لى واطلع السلم فى الشغل وانا حاسة انى ملكة متوجة والله من غير مبالغة فعلا كنت فرحانة جدا لكن اول مابدأت اشتغل تانى دخل فى قلبى شعور اعتبرته درس ليا ان الحاجة دى ماتساويش كل الزعل وكل الفرحة دى مع انى عكس الفلاشة ما كافحتش للوصول للهدف لانه كان هيبقى فيه اذى لناس كتير
انا اسفة على الرغى الكتير بس الموقف ده لسه بيأثر فى جدا
اما التاج فحلوة اوى حكاية حرف السرير ده
مش عارفة ليه حضرتك مش بتحاول تنشر انتاجك ده ؟

ahmed saker يقول...

تدوينة جميلة كالعادة يا أستاذ تامر و لكن أكثر ما أعجبني فيها هو ( الفلاشة الثالثة ) ففعلا كثرا منا يسعى كثرا خلف شئ معين و ينفق في سبيله جميع الاشياء المادية و المعنوية ثم في النهاية ............لا شئ

دمت بخير

تامر علي يقول...

hamada

شكراً على الدعوة الكريمة

تحياتي وتقديري :)

تامر علي يقول...

إيمان

يافندم انا لاأعدو كوني مدون وأقل من أي مدون موهوب .... لكن مين الحاج مبروك ده ؟؟؟؟ لو بيسلف الناس ممكن أستلف منه مفيش مشاكل :) ولو على 50 سنة كمان تبقى حاجه حلوه أوي :))))

والله الرواية حتى الآن مش لاقي لها نهاية مناسبة (دي مشكلة كل أعمالي ) لأني أحب جداً أن تكون النهايات لها مغزىً خاصاً .... ممكن بقى آخد رأيكم في النهاية في بوست ان شاء الله (من غير ما حد يحس ) :)
أما عن كتاب الهيصه فهم مثل الذباب لابد من وجوده بشكل ما المشكلة تكمن في عدم السماح للإتجاهات الأخرى بالظهور ووالله لقد قرأت أعمال لمدونين تفوق أعمال الكثيرين ممن يحتفى بهم في وسائل الإعلام لمجرد كونهم (زبالة فكرية) ....

شكراً على الإطراء الجميل وأجمل الأمنيات بأسعد الأوقات :)

تامر علي يقول...

د. ياسر عمر عبد الفتاح

طبعاً أنا عارف إن الومضات من إبداعك الشخصي المحض ولكنك أحياناً تمزجها بأقوال مأثورة أو أقوال حكماء .... أي تناول للتجربة الإنسانية يمكن استخلاص حكمته في كلمات معدودة لها وقع خاص على النفس وقد تتشابة الموضوعات نفسها ولكن زوايا التناول تختلف وكل زاوية لها معنىً وطمعاً مختلفاً ...وكونك تمزج أفكارك الخاصة بشيء من مأثور فهذا يحسب لك وهذا ما قصدته .

دعك من المقارنات فنحن على نفس الموجة الفكرية والتكامل فيها هو المطلوب ولابد من وجود أفكار عندك لا أعرفها والعكس وهو المطلوب :)

أرجو أن يكون المعنى قد اتضح ... ويسعدني نقاشك دائماً وأكيد البيت بيتك بدون شك (مش البرنامج العقيم بتاع الحكومه الموجه ده:)))

تحياتي وتقديري دائماً:)

تامر علي يقول...

د. ياسر عمر عبد الفتاح

الميل بتاعي اهه يا سيدي بالمناسبة ومرحباً بك في أي وقت طبعاً
tame472@gmail,yahoo,hotmail
تحياتي :)

تامر علي يقول...

ঔღঔ نـــوارة ঔღঔ

مرحباً بسيادتك في أول زيارة والنور زغلل عنينا من الإسم وبهاء الإطلالة:)

طبعاً لازم الواحد يعمل حساب بكره جمعية المرأة المتوحشة لها ذراع في كل مكان :)

تحياتي وتقديري :)

تامر علي يقول...

ebn roshd 777

شكراً على الإطراء الرقيق

أنا من مدمني الإطلاع على التجارب الحياتية للبشر وقراءة التاريخ لأن السعيد من وعظ بغيره والشقي من وعظ بنفسه لذلك ستجد كتاباتي معظمها لا تحمل تجربة شخصية بقدر ما تحمل تجربة عقلية ودروس مستفادة

طبعاً لايوجد أي تطفل من أي نوع بل بالعكس فالأسئلة تسعدني وتثري النقاش :)

تحياتي وتقديري دائماً :)

تامر علي يقول...

mimi
الله يبارك فيك يافندم مايغلاش عليك أبداً

حكاية شبرا إني كنت كل ما اروح وسط البلد انزل غلط من كوبري اكتوبر الاقي نفسي في شبرا وبعدين اخرم منها على وسط البلد طبعاً اللفة تاخد 5 ساعات ولما أتسئل اتأخرت ليه أقول أصلي خرمت من شبرا:)

تحياتي :)

تامر علي يقول...

لقد خلقنا الله احرارا

فعلاً الموقف ده مكرر مع ناس كتير .... أحياناً بنحط (قيم) عالية جداً لأشياء قيمتها الحقيقية أقل بكثير مما نعتقد ... لكن الخبرة تؤكد إن المواقف دي تثقل الإنسان وتكسبة حكمة لايمكن تحصيلها بشيء آخر

طبعاً حضرتك تتكلمي براحتك على الآخر البيت بيتك :)

تحياتي وتقديري :)

تامر علي يقول...

ahmed saker

إزيك يابوحميد :)
أخبار المذاكره ايه ؟؟؟
أكيد لازم نعتبر ونبقى عبرة لمن لا يعتبر :)))

تحياتي :)

mimi يقول...

وفي كل تخريمة كنت بتنور شبرا كلها

ههههههههه

خللي بالك ليكون حد مراقب التردد علي منطقة أحمد بدوي ... وتدخل في سين وشين ... تحياتي ... ومن تاج لتاج ...

تامر علي يقول...

mimi
الحمد لله الأمن مستتب دلوقتي والنفق مؤمن بس في مطب ناحية الشمال :)

تحياتي :)

مجرد مدونة يقول...

حلوة اوى حكاية حرف السرير دى :))
جميل والله :))

غير معرف يقول...

الله على الفلاشات اللى قبل التاج
خاصة الاخير واللى قبل الاخير
اما بالنسبة للتاج فاالردود
والله ضحكتنى كتير واحنا مشدودين
كده من العيال اللى بتذاكر
نفسى اقولك حاجة
حدقالك دمك خفيف قبل كده
ربنا يبارك لك

فشكووول يقول...

السلام عليكم تامر بك
بدأت بفلاشات متعدده وانتهيت بالتاج اللى انا شفته فى اكتر من 20 مدونه واهداه لى بعض الاخوه بس انا مش بحب التاجات
تحياتى لحضرتك على التاج الجميل بتاعك

غير معرف يقول...

حب الشباب يا تامر بيه؟
...

معلش عندنا ف الصندلية

انتي اكني

خلاّق والله

"ميرا"

ٌرحيـــــــــــــــــــــــل يقول...

الحب: لا حب إلا حب الشباب (اللي بيطلع في الوش)

طبعا انت عارف 100% أني أوافقك الرأي ;)

خليني أزيد قائمة أسئلتك سؤال...

ما رأيك في إيمان؟

شو ما كانت اجابتك أنا وايمان بنستلمك، فخذ الحذر =)

الازهرى يقول...

طبعا الفلاشات شمس النهار اتكلمت فيها بما يكفى اما التاج فانا عجبنى فيه السؤال الاخير
صراحة الامتحانات مش مخلية الواحد مركز كويس ففاتنى انى اقرأه بوضوح
لكن بعد الامتحانات ارجع واحاول من تانى
باذن الله

MǿиY El-Shreef يقول...

الفلاشات تحفه تحفه تحفه يا تامر

بجد والله بالذات الاول ماشاء الله عليك طريقه صياغه جميله اوي

بالنسبه للتاج بقى

تصدق انت شخصيه كوميديه بجد ( زي موجه :)) ) ههههههه

يعني في كذا حاجه موتتني من الضحك

بالذات حكايه اتعلموا النصاحه دي :))

بس الي انا معاك فيه ده

زعيم الثورة الجديدة ... القرار قتل كل المسئولين في ميدان التحرير :) رمياً بالشباشب

هههههههههههههههههههههههه

تحت امر الثورة جنابك :))

تامر علي يقول...

مجرد مدونة

يا فندم السرير وحرف السرير والمله كلها تحت أمرك :)

منور دايماً :)

تحياتي :)

تامر علي يقول...

أم مالك

ربنا يكرمكم والاولاد يخلصوا على خير ويقر عينكم بهم :)

جزاك الله خيراً على الإطراء
تحياتي وتقديري :)

تامر علي يقول...

عمي فشكووول

ليه بس مش بتحب التاج ده حتى حاجه تستر الراس :)

تحياتي لك دائماً:)

تامر علي يقول...

ميرا

أهي كلها حاجات بتسيب (سكارز) في الوش جايز ...في القلب جايز:)

فين المدونة ؟؟؟؟؟؟ لسه راقدة تحت هياغب جستابو الفكر ؟؟؟

تامر علي يقول...

الازهرى

ربنا ينتعك بالسلامة من الامتحانات يابني :) انا حاسس بيك والله كنت في حالة يرثى لها بين النائم واليقظان :)

ربنا يعينك :)

تحياتي

تامر علي يقول...

ٌرحيـــــــــــــــــــــــل

خلاص أنا رفعت 7 رايات بيضاء
ورأيي فيها إني هارشحها لعضوية مجلس إدارة جمعية المرأة المتوحشة :)

وأنا مستسلم من الان :)

تامر علي يقول...

MǿиY El-Shreef

إنتي من الأحرار خلاص .... أنعمنا عليك برتبة فريق أول النادي الأهلي مهيب الركن :)

إبن مصر يقول...

السلام عليكم
ازيك يا عم تامر انا بقالى كتير اوى كنت مختفى فى الشغل ومش بدخل نت خالص
وارجع الاقيك مدبسنا فى تاج زى ده
للعلم انت كتبت التاج بحرفيه كوميديه جامده جدا برغم صعوبة اسئلته
الا انك فعلا ابدعت واهنيك عليها ومعلش بقا استأذنك انى أأخر التاج شويه وان شاء الله اجاوب قريبا بس الموضوع عندى مش بقاله ساعات
ان شاء الله اجاوب وفعلا تاجك جميل وربنا يقدرنى واحله نص ما انت حليته وبنفس الحرفيه ولو انى اشك انى اقدر اكون فى مستواك الجميل اوى ده
لك كل التقدير والتحيه

نسيت اقولك تسلم على الفلاشات مش ينفع ارغى اكتر من كده الكومنت طول اوى
خالص تحياتى

تامر علي يقول...

إبن مصر
وعليكم السلام ورحمة الله وبركاته
ايه الغيبة الطويله دي يا باشا ؟؟

ربنا يعينك ويعينا على الشغل وبلاويه واللي بيجرا فيه :)

ماشي بس متطولش أوي يعني في الغيبة

وشكراً على الكلام الجميل ده :)

تحياتي

mahasen saber يقول...

ازيك يا تامر وكيفك وكيف احوال ابداعاتك


الفلاشات عجبتنى زى فلاشاتك السابقه طبعا

والتاج اولا كفايه انه من سالى حبيبتى المبدعه الغاليه

ثانيا كفايه انها باعتاه ليك يعنى تامر على الرائع المبدع

فطبيعى بعد ده كله الاجابات تطلع ظريفه كده
كما حال روحك بالضبط
بس كله الا حرف السين هههههههههه

mahasen saber يقول...

ازيك يا تامر وكيفك وكيف احوال ابداعاتك


الفلاشات عجبتنى زى فلاشاتك السابقه طبعا

والتاج اولا كفايه انه من سالى حبيبتى المبدعه الغاليه

ثانيا كفايه انها باعتاه ليك يعنى تامر على الرائع المبدع

فطبيعى بعد ده كله الاجابات تطلع ظريفه كده
كما حال روحك بالضبط
بس كله الا حرف السين هههههههههه

تامر علي يقول...

أ/mahasen saber

منوره المدونة والمدونات الصديقة كمان :) نتمنى من الله أن تكوني والأمور عبدالرحمن في تمام الصحة والعافية والرضا.... شكراً على مرورك الرائع واطرائك الكريم :)

عربي نيوز يقول...

السلام عليكم

اخي الكريم ..تامر
ما شاء اللع فلاشات رائعةجداً
واجابات لاتحسد عليها
ربنا يجعلها في ميزان حسناتك
دمت في رعاية الرحمن

لا تنسوا اخوانكم في غـزة من دعائكم

||..بحـر الدموع..||

إبن مصر يقول...

السلام عليكم

ازيك يا تامر

انا مش عارف انا كنت فاكر انى معلق على الموضوع حتى كمان استأزنتك انى اتأخر فى الإجابه على التاج لأن لسه منزل موضوع جد
عموما فلاشاتك ماشاء الله عليها
وكمان التاج اجابات تميزت بالخفه والجمال وكمان وراها اجابات ممكن نطلع منها كلمات كثيره جدا اكتر مما هو مكتوب وان دل فيدل على براعة الكاتب

تسلم ايدك وان شاء الله احاول اجاوب على اتاج رغم صعوبته فى اقرب وقت ممكن هذا لأنه بالإكراه
كل التقدير لشخصك الجميل

تامر علي يقول...

بحـــر الدموع

جزاك الله خيراً ونتمنى دوام التواصل ولا تنسانا من دعاءك :)

تحياتي :)

تامر علي يقول...

إبن مصر

يا باشا انت منور المدونة سواء علقت مرة أو مرتين أو أكثر :)))

في انتظار جديدك ان شاء الله

تحياتي وتقديري :)

القلم السكندري يقول...

ماشاء الله..

إبداع يجتذب الألباب لتحلق في آفاق ألقه..

تحياتي

تامر علي يقول...

القلم السكندري

شكراً على المرورالكريم

تحياتي وتقديري