الأحد، أغسطس 09، 2009

الاستخدام العادل لسرقة الشعوب .... وحكومة الســـــــــــــامري






عندما حاولت الحكومة "الرشيدة" تعميم الاستخدام المحدود للإنترنت حدث بعض المناوشات الكلامية وتم غلق الملف بدون أي اجراء .... الآن تم تفعيل الملف (من طرف واحد) وعلى المتضرر اللجوء (لأتخن حيطة)
*********

بذات الأسلوب القميء ونفس التفاصيل تتعامل الحكومة "الرشيدة" مع المواطنين في كل القضايا ... مشروع يطرح على استحياء ... حوار كلامي لامتصاص غضب الناس .... ثم تطبيق أحادي الجانب واعتبار الأمر واقع لابد منه .

الهدف المعلن هو الاستخدام العادل للانترنت وطبعاً الحكومة هي أحرص الناس على العدل والشواهد أكثر من أن تحصى أو تعد ... والعدل هو الأساس الذي قامت عليه أركان الحكومة لذلك فمن العبث أن نناقش قضية العدل هنا .... مع أن هناك بعض الأصوات المغرضة تتحدث بأن الهدف (الخفي ) يتلخص في نقطتين وهما من ثوابت الحكومة في التعامل مع الشعب "على حد تعبير المغرضين"

الأول هو إحكام الرقابة على الانترنت من خلال معرفة وتحديد حجم الاستخدام اليومي "المحدد مسبقاً " وبناء عليه يتم عمل خطة المراقبة في حدود الاستخدام ... حيث أن النت مليء بأعداء الوطن من مدونين وشرفاء وراغبي حرية الكلمة وصحفيين تم اغلاق منابرهم "لطول لسانهم" وشباب لايجد منفذ لتوصيل صوته لأي مكان فيجد في النت متنفس أخير .... فوجب على الحكومة الرشيدة الرقابة اللصيقة لكل هذا الخضم من التيارات وفي السجون متسع للجميع وكما قال أحد مسؤلي "الخارجية" ..احنا مراقبين التليفونات واللي خايف ميتكلمش

الهدف التاني هو أن كل شيء بثمنه عند الحكومة "الرشيدة" والسبوبة حكمت (مش هانراقبكم ببلاش بروح أهاليكم ) هانراقبكم وهاتدفعوا تمن المراقبة وبهامش ربح محترم كمان علشان العيون السهرانة لخدمة الوطن .


وعلى ذلك فقس كل تصرفات الحكومة
" لا مســــــــــــــــــــــــــــــــــــــــاس "
قالها الســــــــــــــــــــــــــــــــــــامري من آلاف السنين
وتقولها الحكومة كل يوم

لا مســـــــــــــــــــــــــــــــــــــاس بأقوات البسطاء
- النتيجة ان يقتل البسطاء لهثاً وراء رغيف خبز لا يصلح للاستخدام الآدمي

لامســـــــــــــــــــــــــــــــــاس بمحدودي الدخل
- النتيجة أن محدودي الدخل أصبحوا معدومي الدخل واستمرأوا التسول والقهر

لامســــــــــــــــــــــــــــــــــــاس بأسعار السلع الأساسية
- النتيجة أن العدس والفول أصبح خارج نطاق استهلاك البسطاء

لامســــــــــــــــــــــــــــــــــاس بكرامة المواطن المصري
- النتيجة أن كلمة الكرامة انمحت من قاموس الشعب المصري بكل فئاته

لا مســـــــــــــــــــــــــــــــاس بحصة مصر في مياه النيل
- النتيجة أننا على وشك كارثة مائية باتت محققة واتفقت عليها دول منابع النيل مع اسرائيل وبعض الدول الصديقة

لا مســــــــــــــــــــــــــــاس بمجانية التعليم
- النتيجة أن التعليم انهار تماماً وورثه التعليم الخاص والدولي ذو الآلاف المؤلفة ولا عزاء للفقراء

لامســــــــــــــــــــــــــاس بالعلاوة
- اللي هي ملاليم لا تقيم أود كلب أجرب يتم على اثرها رفع الأسعار بمعدل 900 %

لامســــــــــــــــــــــــــاس بمدخرات المواطنين
النتيجة هي سرقة أموال التأمينات والمعاشات والدور القادم على ودائع الافراد في البريد والبنوك

- لا مســــــــــــــــــــــاس بالثوابت
النتيجة هي أن كل القيم الدينية والأخلاقية الثابتة تتعرض للانتهاك والمحو تحت مسمى الحرية والرأي

* نفس اللعبة ونفس المسلسل ....... ونفس السلبية والتخاذل
كنت اناقش أحد المهتمين بالموضوع وهو شخص تقني على مستوي عال من الخبرة الالكترونية وقلت له اني سألغي اشتراكي ان سارت الأمور على هذا المنوال فقال بأن الانترنت اصبح اساسي للأعمال ولعامة الناس والغاء الاشتراك سيكون من جانبك انت فقط وكل الناس ستحتفظ باشتراكاتها مهما حدث .... وأن الأمر أصبح واقع .

* هل أصبح الأمر واقع ؟ ليس بعد
لم تقع الكارثة الكبرى بعد .... وان كان حدوثها بات وشيكاً

من فضلك حاول منع الكوارث أن تقع على رأسك

أن وجدت حل ايجابي لمنع الكوارث
أنا في انتظار أفكارك
حيث سنقوم بتطبيقها معاً

هناك 37 تعليقًا:

Unknown يقول...

اول تعليق
ازيك
يا استاذ تامر
ليه وحشة
:-)

البوست رغم انه فى موضوع سياسى
لكن صغته بشكل ساخر جميل

بس انت نسيت ان حكومتنا لم تتورط
فى القول مرة واحدة
لا مساس بكابل النت
يعنى تعمل ما بدا لها
هههههههههههههههههههههههه

حنراقبكوه بفلوس

انا بفكر اروح اى قسم اتطوع اسبوعين مراقبة
ههههههههههه

شوف البوست ده مهم جداً
عن الموضوع و طرق الرفض

http://caricatooz.blogspot.com/2009/08/blog-post_07.html

رحلتنا في الحياة يقول...

استغفر الله العظيم ايه حرقة الدم دى على الصبح عايزين الشعب يتنتحر ويقعدوا هما زى قرد قطع ان شاء الله مش هنسكت كله الا النت ويبقى ويرونا هيعملوا ايه

بنجاواتى يقول...

السرة العادلة فى الاخلال بالعقود عينى عينك

وعلى المتضرر اللجوء لاتخن حيطة

مش عارف غير اننا نرسل الشكاوى وربنا ييسر

Arsenal Way يقول...

الحراميه الكلاب
حسبي الله ونعم الوكيل
يوم القيامه هقف اخد حقي منهم واحد واحد
ربنا مش هيظلمني

انا كنت موقف الاشتراك وكنت هجدده من اول سبتمبر
كده والله العظيم مش هجدده
الا لو السعه زادت وطبقوا السياسه دي بالعدل مش بالظلم والافترى والتكسب واللصوصيه

غير معرف يقول...

اهلا يااستاذ تامر
بلاش تطول الغيبة
فمع الغيبة نفتقد للبوستات المميزة
اما لوفيه اى حاجة ايجابية لمنع الكارثة
طبعا فيه اعطنى فرصة الم افكارى ويكون لى عودة اصل موضوع النت ده غيظنى جدا
على فكرة زعلت لانك لم تذهب للقاء
وطبعا الوالد اولا
بس فيه لقاء تدوينى عندى فى البوست
الاخير انت حضرته-00-00- ادخل
وشوف بنفسك
تحياتى

ستيتة يقول...

موضوع سرقتنا وختمنا عل قفانا ده موضوع قديم
وموضوع الإستخدام الغير عادل للنت كان محور حديث امبارح
وعارفة انهم ها يسيبونا نهوهو ومش ها يعملوا شيء بس استحالة نسكت
فيه اقتراح بيوم نخلي النت كله يتحول لوقفة احتجاجية
غير ان اشرف حمدي عامل شوية حاجات نبعتها كاحتجاج وعاجبني اللي عامله
انت بس سبقتنا في عرض الموضوع
انا خلاص قرفت وعاوزة فعلا اهاجر
ومش ها اقول ايه ادتنا مصر
ها اقول ربنا ينتقم من السامري واشباهه بتوع لا مساس
انا شايفاهم بيتحرشوا بينا ليل ونهار ويقيسوا قوة تحمل قفانا ويخرجوا اخر الليل يقولوا لا مساس

mahasen saber يقول...

لا اله الا الله
ليه بس بتقلب علينا المواجع يا تامر واحنا فى ايام مفترجه
ما كان الواحد ماشى ومطنش وعامل مش واخد باله

هيا دى ديمقراطية حكومتنا الرشيده اصدار القرار وتنفيذه بناءا على قهر المواطنيين


واليى مش عاجبه يتفضل يركب البحر اليى مليان اسماك قرش تاكله

Ahmed يقول...

تامر بك كعب الغزال
حمدلله على السلامه ياجميل

انا بصراحه مكنتش مصدق اول لما سمعت الخبر
لكن لما دخلت على موقع tedata
وراجعت الأسعار فوجئت بالكارثه انها فعلا اتنفذت واحنا مش حاسيين

المهم ان العقد اللي بيتكتب مع الشركات تحت رعاية وزارة الزفت الاتصالات بيديهم الحق يغيروا السرعات دون الرجوع للمشترك ومن جانب واحد

حقيقي انا افلست فكريا, مش عارف اعمل ايه
الغاء الاشتراك شئ مستحيل (مش حبا ولا ادمان للنت) بس بصدق في ناس كتير شغلها كله مرتبط بالنت وانا منهم
كمان والأهم ان فيه شركات شغاله وبتدفع فلوس كتير وبالتالي مش هينفع يلغوا الاشتراك

انا فعلا محروق دمي علشان اولاد الشبشب ابو صباع دول كل يوم يطلعوا بحاجه يستفزونا بيها ومفيش قدامنا غير نفس الحيطه كل مره
وكل واحد ودماغه والحيطه

د. ياسر عمر عبد الفتاح يقول...

والله يا أستاذ تامر أنا مليش نفسي حتي أعلق علي الموضوع ده
خلاص أنا زهقت من كثر الفصول البايخة
فيه ناس كده عندها هواية العكننة علي المصريين
في كل حاجة ,, حتي استخدام الإنترنت

ربنا يديهم علي قد نيتهم
إنت فين يا أستاذنا
عاوزين نشوف حضرتك
الغياب طال

غير معرف يقول...

http://istetla3.co.cc/

هذا موقع فيه استطلاع للرفض او التأييد ولكن لا اعلم مصدره , ولكني لا اعتقد بانتسابه للحكومة



,
المتبهدلون

مسدس صغير يقول...

لا مساس
ربنا يستر
ويبقى المساس على اد اللى انت ذكرته
لنا الله
احيك على البوست الاكثر من رائع
ونتمنى من الحكومة العادلة سرعة التدخل العادل لانقاذنا من براثن هذا العدل

المتبهدلون في الأرض يقول...

على الفيس بووووووك حاجات حلوة مرة , ومناقشات لحلول عملية أظنها تفييد ,وأحلى مافيها نظامها وتوحيد الجهود..فالبداية علينا توحيد جهود المدونين (من هو رئيس المدونين .. شيخ المدونين...الكبيييييير يا كبيييير)الجركن مااان؟؟

حتلاقيه في الآخر الجنايني اللي كان بيسقي الزرع .. على باب المدونة

adel يقول...

لا مساس بالحصانة و بالنت
ارجوووووووووووووووووكوا ارحموني

انا ممكن اموت فيها :):)
البلد دي عاوزة مننا ايه
ده احنا خلاص بنموت
ودمنا ملوش داية حتي الانترنت عاوز ياخدوا

من النهاردة مفيش نت انا النت انا النت
انا النت

تامر علي يقول...

بدراوي

هو سعد زعلول قالها مفيش فايزه :))

الله يخرب بيت اللي في بالي مفيش فايده فيه ..غاوي فلوس وميحلالهوش غير فلوس الغلابه .... الله يخرب بيته

موضوع اشرف حمدي مهم فعلاً

تحياتي

تامر علي يقول...

آيوشة

لايمكن يسبونا في حالنا طول ما احنا ساكتين على الظلم

الحمار لما حد بيزعله بينهق :))

احنا مبنعملش حاجه للأسف

تحياتي

تامر علي يقول...

بنجاواتى

على الاقل نبتدي وربنا معانا

شكراً للتفاعل الايجابي

تامر علي يقول...

مصطفى أبوزيد

يوم القيامة مش انت بس اللي هتاخد حقك ... كلنا ان شاء الله ... لكن ده مش مبرر نسكت دلوقتي لازم نتحرك شويه ونحاول نغير الوضع ده

تامر علي يقول...

أم مالك

شكراً على الكلام الجميل ده وده ان دل فانما يدل على حسن خلقك وطيبة قلب
ادام الله المعروف والمودة

تحياتي

تامر علي يقول...

ستيته حسب الله الحمش

اهم حاجه ربنا ينتقم منهم بس بواسطة اللي اتظلموا علشان لو انتقم منهم بعذاب واللي مظلوم ساكت هيتاخد هو كمان معاهم

ربنا يصلحنا ويهدينا لطريق الحق

تحياتي للجميع ولا عزاء للسامري :)

تامر علي يقول...

استاذةمحاسن

كيف حالك ...منورة

طبعاً لازم نقاوم الظلم بأي طريقة وربنا معانا ومش هانسمحلهم يصدرولنا الحيطه علشان نخبط دماغنا فيها ..دمانا استوت :)

تامر علي يقول...

صديقي دائماً أحمـــــــــــــد أبو العلا:)

والله رزم نتصرف ونلاقي حلول والجماعة بتوع الفيس بوك شغالين كويس ممكن ندعمهم ونكون معاهم وربنا يسهل

لازم اشوفك قريب

تامر علي يقول...

د. ياسر عمر عبد الفتاح

مش لازم نيأس ...لايأس مع الحياة ولا حياة لمن تنادي :)))))

لازم نعمل حاجه مش لازم نسكت والا هنستاهل اكتر من كده

هشوفك قريب جداً ان شاء الله

تحياتي

تامر علي يقول...

مسدس صغير

الحكومة العادلة لا تتدخل الا لامتصاص الدماء ...التغيير يجب ان يكون ذاتياً

لازم نعمل حاجه

فككككررر:)

تامر علي يقول...

المتبهـدلـون فـي الأرض

انا انضميت للفيز بوء فعلاً ومعاهم في تحركاتهم

تصدق فكرة ننتخب رئيس للمدونين علشان التحرك يكون مدروس

ندرس الفكرة

تامر علي يقول...

adel

هانعمل ايه بس مفيش غير حل واحد

ر...ج...ل
..أ...ل...م..س...ت...ح...ي...ل

تحياتي :))))

إبن مصر يقول...

السلام عليكم

كنت جهزت بوست وكنت هنشره عن الموضوع ده بس الموضوع اللى انا نشرته هو الأهم فالمهم
اتن تعلم انى اعمل فى احدى هذه الشركات وكنت قد تحدثت انا واحد زملائنا فى الشركه بعد علمنا بهذا الموضوع ان له حلا واحد وهو اعتراض الناس وخصوصا الشباب المستعمل لهذا النت فلن تعترض شركاتنا الا اذا اعترض الشعب وخسرت الشركه ومن هنا الشركه بدورها تتحدث الى الوزاره ولكنها لن تتحدث طالما ان المستخدم لم يشتكى وهى ايضا مستفاده
أتمنى ان يقف الشباب يدا واحده امام هذال القرار الغير عادل بالمره

تحياتى وكل تقديرى

ميرا يقول...

دايما اللي بيتقطع هو الديل

Hossam يقول...

صديقى العزيز تامر
اشتقتلك كتير
الموضوع ده حاسس انه اكبر من حجمة بس اعتقد ان القرار ده مش هيتنفذ
كل سنة وانت بخير
تحياتى

المتبهدلون في الأرض يقول...

حلمت بيك إمبارح .,

كنت ماشي في شارع ضلمة ., وفجأة طلعلي واحد بقرون ., وقالي : طلـّع اللي معاك ياله .,

ساعتها .. وفجأة (برده ., ينزل واحد من السما ..لابس بالطو الحلاقين بتاع سوبر مان .,
ويطلع تلاتة جنيه خمسة وتلاتين ويديهم للحرامي .وويمشي

وفجأة ( برده ., صحيت .,لاقيت التليفزيون صوته عالي ومفتوح على سبيس توون .,

تامر علي يقول...

إبن مصر

اسلوب الحكومة واحد في التعامل

الانتظار حتى تهدأ الزيطة ويبقى الحال على ماهو عليه

لكن لابديل عن محاولة التغيير

تحياتي

تامر علي يقول...

ميرا

يعني الكلام ده معناه ان الشعب هو اللي هايتقطع ولا الحكومة:)

ولا النت هو اللي هايتقطع ولا نفسنا

ولايمكن معناه ان التابع هو اللي ممكن يتقطع

ولا يمكن معناه ان مفيش فايده :))

أفصح عن نواياك يا (أخ) :)

تامر علي يقول...

Hossam

للأسف الكلام ده اتنفذ خلاص

ومفيش حاجه أكبر من حجمها مادامت متعلقة بالظلم والفساد

تحياتي :)

تامر علي يقول...

المتبهـدلـون فـي الأرض

طيب انا قمت بدور مين
1) ابوقرون
2) اللي نزل من السمك
3) ال 3.2 جم
4)سبيس تون

لو عرفت الحل اتصل بأي نمرة بس خد بالك لحسن النمر يعضك :)

المتبهدلون في الأرض يقول...

حضرتك بتكلمني ..أنا

تقصد إيه بسبيس تون .!!

:::::::::::::::::::::::

معلش ., كنت بجرب عملي معنى العبارة :

((في عصر الكثير من الأسئلة ... إن لم تسأل السؤال الصحيح ... تحصل على إجابات خاطئة ... على أسئلة لم تقم بطرحها

القلم السكندري يقول...

له أن يقول "لا مساس"..

ولنا أن نقول له وللطواغيت من ورائه: (وانظر إلي إلهك الذي ظلت عليه عاكفاً لنحرقنه ثم لننسفنه في اليمِّ نسفا)

لم ترهقنا كلماتُ السامريُ بقدرِ ما أرهقتنا سلبيةُ "عبيد العجل" والقطعان "الإمع" الذين لم يفكروا يوما في كرامةٍ أو قوتٍ أو حقوق..

والذين يسبحون بحمد "العجل" إن ألقي إليهم الفتات الذي يكفيهم بالكاد للحفاظ عليهم "ممياوات" تتحرك لتشرب مزيداً من القهر والظلم

د. ياسر عمر عبد الفتاح يقول...

أنا شفتك عن دكتورة ستيتة
قلت أجي أسلم ,, وأعمل الواجب
مختفي ليه يا أستاذنا العزيز

طيب عدي علي الميل وقل هالو عليكم
كل سنة وحضرتك طيب

غير معرف يقول...

مالي أراك محبوب ً
وأفتقدك محب ُ
سمعنا عن المتحابين قولهم ْ
,
وأكَدَهُ وعد غير مكذوب ً
فبعدا ً للكذب ُ
ظـِل عرش ٍ يوم شمس ٍ فوقهم ْ
,
فمهما بـَعـُد الزمان وأزادته شقاوة الدروب َ
وبئس الدرب ُ
غير درب منتهاه إله ربهم ْ
,
فواحِدٌ فيه أحببتـُك وفي قلبك يذوب َ
ذاك القلب ُ
ذاك القلب .,في جوفي,وأحبائي ضمـّهُم ْ
وذاك بعينه الحب ْ
.,

(( إني أحبك في الله ..

أحببت فيك إخلاصك وخلاصك .,
وحسن نيتك وآدابك .,
وحبك للخير مع إتزان أعصابك .,
وصفاء روحك .. ورجاحة عقلك .,
وتواضعك ..وقوتك في الحق .,
فأمرُ رسولي ورسولك بأن أخبرك .,

وأتمنى من الله لقياك تحت ظل العرش .,ومن ثـَم ّ .,في الجنة ٍ .,

مـُحـِبـّك ْ.,
::::.,
أتمنى ألا تـُعلق على تعليقي .. فكفاني أن تقرأه .,